Latifalar

Bir yigit qizni orqasidan yugurib:
— Yaxshi qiz, siz bilan tanishsam bo‘ladimi?
Qiz ortiga o‘girilib:
— Yo‘q, - desa, yigit qo‘rqib ketib:
— Voy, xudoga shukur-yey, - dermish.

— Sen birinchi uzat!
— Yo‘q, sen uzat!
— Birinchi uzat!
— Uzat!
— Bunaqada oshni tarqatib bo‘lmaymiz. uzat, kutib qolishdi mehmonlar.

Xotin eriga:
— Meni hech qayerga olib bormagansiz...!
Er:
— Mayli, ertaga axlat tashlashga birga olib ketaman.

Yosh o‘qituvchi sinfga kirib kelib:
— Salom bolajonlar, - desa, sinfdagi bolalar bir ovozdan:
— Yo‘qol, chiqib ket! - deb baqirishibdi.
Qo‘rqib ketgan yosh o‘qituvchi direktor xonasiga yugurib kirib, vaziyatni tushuntirsa, direktor:
— Bu sinf o‘quvchilariga avval "qarmoq" tashlab ilintirib olish kerak. keyin dars boshlaysiz. Yuring ko‘rsataman, - deb sinf eshigini tepib kiribdi-da:
— Orangizda kim globusni koptok qilib o‘ynay oladi? - so‘rabdi.
O‘quvchilar:
— Globus nima o‘zi? - deyishibdi.
— Globus haqida yangi o‘qituvchingiz gapirib beradi, - degan ekan.

Askar chegara buzg‘unchisini qo‘lga olibdi. Buzg‘unchi sigir terisini yopinib olib, mollar podasi orasida o‘tib ketayotganda chegarachi uni payqab qolibdi.
Buzg‘unchini qo‘lga tushirgan askarni qahramon deb atab, undan intervyu olishibdi:
— Ayting-chi, dushmanni qanday qilib qo‘lga oldingiz?
Chegarachi Vanya minbarga chiqib, hikoyasini boshlabdi:
— Davlat chegarasini muhofaza qilib, qamish orasida o‘tirar ekanman, yonimdan mollar podasi o‘tib qoldi. Kutilmaganda sigirlardan biri podadan ajralib chiqib, yonimga keldi-da: «Davlat chegarasiga olib boradigan yo‘lni ko‘rsatib yuboring, iltimos», deb qoldi. Ana shundagina miyam ishlab, u begona sigir ekanligini fahmlab qoldim. Axir, mahalliy mollar yo‘lni yaxshi bilishadi-ku!

Haydovchilar yo‘lda biror xavf bo‘lsa, avtomobil chiroqlarini yoqib-o‘chirib boshqa haydovchilarni ogohlantirishadi. Yo‘llarimizda eng ko‘p uchraydigan xavfni bilishadi. DAN xodimini ko‘rib qolishsa...

— Oyijon, bitta tish yuvish vositasini surtib chiqsak, nechi metrgacha yetishi mumkin?
— Bilmadim qizalog‘im...
— Hammomdan oshxonagacha nechi metr chiqadi? Shuni bilsangiz bo‘ldi.

Shifokor qabulida bemor:
— Doktor, ba’zan shunaqa holatlar bo‘ladiki, men odamlar bilan suhbatlashayotganimda, juda ko‘p gapiraman. Keyin o‘ylanib qolaman. Gaplarimni hayolimda gapiryapmanmi? Ovoz chiqarib aytyapmanmi? Bilmay qolaman. Siz bunga nima deysiz? - desa, doktor bemorga biroz tikilib:
— Gapirasizmi yoki shunaqa jim o‘tiraverasizmi? - dermish.

— Azizim, men bilan tanishmasingizdan avval, kimnidir parvarish qilganmisiz?
— Ha, qishloqda, sigirlarni parvarishlaganman.

Er-xotin va qizi ovqatlanayotgan ekan, onasi qiziga:
— Qizim senga nima bo‘ldi? Juda xomushsan, ovqatingni yegin, - desa, eri xotiniga:
— Shuniyam bilmaysanmi? Qizingni erga berish kerak, - debdi. Oyisi yana qiziga:
— Ol qizim, ovqtingni yegin, kasal bo‘lib qolasan axir, - desa, eri yana xotiniga:
— Buningni dardi ma’lum, erga berish kerak! - debdi.
Onasi yana qiziga:
— Qizim hozir ovqating sovub qoladi, - desa, qizi:
— Uf-f-f oyi, birpas jim turing! Dadam gapirsinlar! - dermish.

Qulog‘i eshitmay qolgan otaxon vrach qabuliga kelib uchragan ekan. Vrach unga no‘xatday keladigan Yaponiyada ishlab chiqarilgan apparatni cholning qulog‘iga o‘rnatib beribdi. Orada bir oy o‘tib, vrach choldan xabar olish uchun qo‘ng‘iroq qilibdi:
— Otaxon, apparat yaxshi ishlayaptimi? Oila a’zolaringiz nima fikrda? - desa, chol kulib:
— Hammasi yaxshi. Uydagilar eshita boshlaganimni bilgani yo‘q. Lekin bir oy ichida vasiyatnomamni uch martta o‘zgartirdim..., - dermish.

Maktabda dars boshlanib, o‘qituvchi o‘quvchilarga debdi:
— Hozir oraliq imtihon topshirasizlar!
Bir o‘quvchi:
— Kalkulyatordan foydalansak bo‘ladimi?
O‘qituvchi:
— Ha bo‘ladi.
Yana bir o‘quvchi:
— Mendeleyev jadvalidan-chi?
O‘qituvchisi:
— Albatta mumkin! Demak, yozib oling, imtihon mavzusi: "Ikkinchi jahon urushi".

Farrosh ayol militsiyaga shikoyat qilmoqda:
— Ortimdan kelib, tilla zanjirimni o‘g‘irlab ketdi.
— Siz qochishga urinmadingizmi?
— Qayoqqa qochaman? O‘ng tarafimda devor, chap tarafimda chelak, orqamda o‘sha ablah o‘g‘ri turibdi. Old tomondagi pollarni yuvib bo‘lgandim. Iflos qilgim kelmadi.

Qari chol-kampir radiopriyomnik sotib olishibdi. Elektrga ulab, qarab turishsa, ishlamabdi. Birozdan so‘ng tutun chiqishni boshlabdi.
— Gapirmayapti-ku?! - debdi chol.
— Hozir chekib olsin, keyin gapirar, - dermish kampir.

Bir kuni komandir qozok, rus va tojik askarlarni olib ovga boribdi. Komandir har bir askarga quyon ovlab kelish uchun vaqt beribdi.
Qozoq va rus o‘z vaqtida quyon ovlab kelibdi. Lekin tojikdan darak yo‘q emish.
Borib qarashsa, tojik bir bo‘rini tutib olib:
— Komandirga quyonman deb aytasan, - deb o‘rgatib turganmish.

Ikkita odam poyezd kupesida ketmoqda.
Biri ikkinchisiga:
— Karta o‘ynamaymizmi?! Yo‘l olis...
— Men karta o‘ynashni bilmayman-da.
— Men ham deyarli bilmayman! - deb cho‘ntagidan kartani chiqarib, ikki-uch martta aralashtirishdi-da, birdaniga:
— Voy, bu yerda ikkita karta yetishmayapti. Valet g‘isht va qirol qarg‘a...!

Tog‘da yashaydigan bir odam zebra sotib olibdi va qo‘shnilariga maqtanish uchun zebrani minib qishloqni aylanib yursa, bitta qo‘shnisi:
— Men ham minib ko‘rsam maylimi? - deb so‘ragan ekan,
— Mayli, - deb, unga zebrani beribdi. Qo‘shnisi zebrada bir aylanib kelib:
— Inomarka baribir boshqacha-da... - dermish.

— Oyijon, avtobusda bir ayolga joy berayotgan edim, u menga konfet uzatdi.
— Sen-chi, nima qilding?
— Konfetni olib, yana o‘rnimga o‘tirib oldim.
— Nega?
— Boshqasidan ham konfet olishim kerak-ku!

Tug‘ruqxonadagi ayolni yoniga farishta kelib:
— Farzandingni dunyoga keltirayotganingda senda bo‘ladigan og‘riqlarning yarmini bolaning otasiga o‘tkazib qo‘yaman, - debdi.
— Tunda ayol farzandini dunyoga keltirib bo‘lgach, tongda uni ko‘rgani kelgan eriga:
— Adasi, kechasi yaxshi uxladingizmi? - desa, eri:
— Yo‘q, qo‘shnimiz Normat aka kechasi bilan baqiraverib, umuman uyqu bermadi, - dermish.

Onasi o‘g‘liga:
— Hafta boshidan yangi hayot boshlamoqchimiz. Men ozishni boshlayman, adang chekishni tashlaydi. Sen nima qilmoqchisan?
— Men o‘qishni tashlamoqchiman!

<< < 88 89 90 91 92 93 94 > >>

Jami 2090 ta latifa mavjud

Tavsiya qilamiz

Bosh sahifa