Latifalar

Bir yigit o‘z xonadonida o‘tirgan edi. Eshik qo‘ng‘irog‘i jiringlabdi. Eshikni ochib qarasa, bir qiz turibdi. Yigit:
— Keling, xizmat? - desa, qiz:
— Kechirasiz, men ro‘paradagi uydanman. Siz har kuni durbinda meni kuzatib turgan xonadonda yashovchi qizman. Ayting-chi, kecha men telefonimni naushniklarini qayerga tashlab ketdim? - dermish.

— Oyijon, skleroz nima u?
— Nimani so‘rading o‘g‘lim?
— Qachon?
— Kimsan hoy bola?!!

Uchta yigit bir kunda uylanibdi. Bir haftadan keyin yigitlar choyxonada yig‘ilishibdi.
Birinchi uylangani Malibu haydab kelibdi. Ikkinchisi yangi uy olganini aytibdi. Uchinchisidan:
— Senga qaynotang nima olib berdi? - deyishsa, yigit:
— Meni xotinim ovqat qilish, kir yuvish, dazmol qilish, xullas hamma ishlarni bilar ekan, - debdi.

O‘qituvchi so‘rayapti:
— Ho‘sh Asad, do‘sting sendan 5000 so‘m pul olib, 4000 so‘mini sarfladi. Senga necha pul qaytaradi?
— Bir so‘m ham qaytarmaydi, ustoz!
— O‘tir joyingga, bahoing "ikki"! Matematikani umuman bilmaysan!
— Yo‘q ustoz, siz meni do‘stlarimni mutlaqo bilmas ekansiz...

Vagon kuzatuvchisi Gulmira yo‘lovchilardan charchagan vaqtida, ularning choyiga uyqu dori qo‘shib beradi.
Agar-da zerika boshlasa, "Ummon"ni qo‘shiqlarini qo‘yib beradi.

— Adasi, manavi piyoda jonidan to‘yganmi? Nega mashinamni oldida yugurib ketyapti?
— Mashinani piyodalar yo‘lagidan emas, mashinalar yuradigan yo‘ldan haydasang yaxshi bo‘lardi.

Bir yigit mafiya boshlig‘ini qizini sevib qolibdi. Bundan xabar topgan otasi xizmatkorlariga yigitni ushlab kelishlarini buyuribdi.
— Meni qizimni tinch qo‘yasanmi?
Yigit:
— Men uni sevaman!
Otasi:
— Darhol bunga qizlarni kiyimini kiydirib, lab-yuzlariga ayollar bo‘yoqlarini surtib, mahallasiga tashlab ketinglar!
Barzangi xizmatkorlar mashinada olib ketayotishsa, bola yalina boshlabdi:
— Yigitlar, iltimos, meni qo‘yib yuboringlar. Unday ish qilib, sharmanda qilmanglar, axir men o‘g‘il bolaman-ku! Keyin mahallada qanday qilib bosh ko‘tarib yuraman?!
Mashina biroz yurgach, bir barzangini telefoni jiringlabdi:
— Labbay xo‘jayin!
— Qizimni yana bitta oshig‘i bor ekan. Yo‘l-yo‘lakay uni ham qo‘shib olinglar! Uni yaxshilab do‘pposlab, tanib bo‘lmas qilib, kimsasiz joylarga tashlab ketinglar! - debdi qizning otasi. Buni eshitgan oshiq yigit xushyor tortib:
— Iltimos akalar, menga qizlarni kiyimini kiydirib, lab-yuzlarimga ayollar bo‘yoqlarini surtib, mahallamga tashlab ketasizlar! Tag‘in anavi ikkinchi bola bilan adashtirib yubormanglar, - dermish.

Usta ishni tugatib:
— Xizmat hakiga aroq bering.
— Pul bersam bo‘lmaydimi?
— Pul olishdan qo‘rqaman. Pul bersangiz ichib qo‘yaman...

— O‘rtoq, universitetga miyang bilan kirdingmi?
— Ha, miyam bilan kirib, miyam bilan chiqdim!

Xotin eriga:
— Siz o‘tgan hafta do‘stlaringiz bilan choyxonaga borganmidingiz?
— Ha, albatta xotin!
— Bugun choyxonachi Gulya telefon qilib, sizni so‘radi!!!

Bir yigit boshqa shaharga borib, sartaroshxonaga kirib, soqolini oldirmoqchi bo‘lib o‘tiribdi. Shunda sartarosh sovunga tuflab, endi yigitni yuziga surtmoqchi bo‘lgan ekan, yigit:
— Iye, qizikmisiz?! Men myehmonman! Shunaqayam farosatsiz bo‘lasizmi? - desa, sartarosh:
— Ukam sen mehmonliging uchun sovunga tuflab, keyin yuzingga surtmoqchiman. Shu yerlik bo‘lsang, yuzingga tuflab, keyin sovun surtaman, - dermish!

Bir qiz vrach yoniga kelib:
— Doktor, go‘zallik ham bir dard emish. Shu rostmi?
Vrach:
— Xotirjam bo‘lavering. Siz soppa-sog‘siz!

Taksiga bir otaxon o‘tiribdi. Uch ming so‘mga kelishishgan ekan, otaxon bitta besh ming so‘mlik berib tushibdi. Taksichi ikki ming qaytim beraman desa, otaxon yo‘q bo‘lib qolibdi.Taksichi qaytimni bera olmaganidan qayg‘urib yursa, kunlarning birida yana o‘sha otaxonni ko‘rib qolibdi.
— Men o‘sha taksichiman. Qaytimingizni beray desam, yo‘q bo‘lib qoldingiz. Qayoqqa ketib qoldingiz?, - desa, chol jahl bilan:
— Ahmoq ekansan! Mashinani kolodetsni yoniga ham to‘xtatasanmi?! Mashinadan to‘ppa-to‘g‘ri kolodetsga tushib ketgandim! - dermish.

Travmatolog vrach malaka oshiruvchi talaba bilan birga bemorni ko‘zdan kechiryapti. Vrach:
— Mana qarang, bosh suyagi lat yegan.
Talaba:
— Balki, bosh-miya suyagidir?!
Vrach:
— Esing joyidami? Miya bormi bunda?! Miyasi bor odam, xotinini tug‘ilgan kuniga jazmanini boshlab keladimi?! Mana endi, nima ahvolda yotibdi...

Yuqori qavatdagi qo‘shnim ertalab bolasiga shunaqa qattiq baqirdiki, men ham bir zumda xonamni yig‘ishtirib, issiq kiyimlarimni kiyib oldim.

Bir erkak har doim xizmat safaridan qaytishda xotiniga qo‘ng‘iroq qilib:
— Azizam, men bir soatda boraman, - deb qo‘yarkan.
Bir safar eri qo‘ng‘iroq qilmasdan, to‘ppa-to‘g‘ri uyga kelaveribdi. Eshikni ochib kirsa, xotini jazmani bilan o‘tirgan emish.
Sekin oyoq uchida ko‘chaga chiqibdi-da, qo‘ng‘iroq qilib:
— Azizam men yetib keldim, hozir uyga kiraman, - debdi. Kirsa, uyda xotinidan boshqa hech kim yo‘q! Shunda haligi erkak chuqur ho‘rsinib:
— Ikki "sent"ni tejayman deb, oilam buzilib ketay dedi-ya, - degan ekan.

Xotinim-yurist, xotinimning akasi-prokuror, opasi-yuridik fanlari nomzodi, qaynotam-bosh prokuror, qaynonam-yurist maslahatchi.
Xudo ko‘rsatmasin, xotinim bilan ajrashadigan bo‘lsam...

Bir yigit do‘stiga gapirib beryapti:
— Yo‘lda ketayotsam, osmondan oldimga "Tap" etib qurbaqa tushdi.
Yerda yotgan toshga urildi-yu, go‘zal qizga aylanib qoldi.
— Chiroyli qizmi?
— Ha, juda-yam...
— Aqillimi?
— Ha, dono!
— Unday bo‘lsa, yerdagi toshga juda qattiq urilgan ekan-da...

"Ertaga bajararman..." degan so‘z qiyin vazifalar uchun eng ma’qul yechimdir!

Bir odam folbindan qarz ekan. Haligi odamni uyiga folbin qarzini so‘rab borsa:
— Nima qilardingiz ovora bo‘lib?! Menda pul yo‘qligi folingizda ayon bo‘lmadimi? - dermish.

<< < 94 95 96 97 98 99 100 > >>

Jami 2090 ta latifa mavjud

Tavsiya qilamiz

Bosh sahifa