Маъруза (ҳажвия) [Safar Kokilov]

Эрталабдан бери калласи хумдай, қорни мешдай Маллаев уйида. ўзи мағрурланиб «кабинетим« деб атайдиган, китобларга лиқ тўла бир неча жавон ва стол-стуллар билан тўлдирилган кичкина бир хонада эртага катта йиғинда ўқийдиган маърузасига тайёрланиб ўтирибди. Хотини кетма-кет дамлаб кираётган иссиқ кўк чойдан хўплаб-хўплаб, тарелкадаги "рачки" конфетидан чайнаб-чайнаб ишламоқда. Эртанги йиғинга юқоридан хам »катталар» қатнашади деган гап бор. Шунга яраша тайёрланмаса ҳам бўмайди-да, Олдида Ибн Сино, Навоий, Умар Хайём, Сухомлинский, Макаренко асарлари, Қуръони шариф, ҳадислар тўплами ва яна бир қанча китоблар у ер-бу еридан варақлари букланган ҳолда қалашиб ётибди. У оппоқ қоғозга ҳали у китобдан, ҳали бу китобдан керакли жойларини кўчирар ва баъзан ўзидан ҳам тўқиб, қўшиб ёзиб қўярди.
"...Ёш бола билан муомала қилганда қўполлик қилмаслик керак. Худди катта кишилар билан гаплашгандек эътибор билан гаплашиш керак. Чунки, ёш бола ўта таъсирчан, кўнгли нозик бўлади. Арзимаган бир гап ва харакат билан ёш боланинг асабларини ёшлиқдан майиб қилиб қўйиш мумкин. Шунинг учун...
Шу пайт хона эшиги очилиб иккинчи синфда ўқийдиган қизи кириб келди. У нималарнидир берилиб ёзаётган отасига қараб, гапирайми, йўқми деб бироз тараддудланиб турди-да, сўнг секингина деди:
– Дада. Математикамни кўриб беринг. Манови мисолни ечолмаётибман.
– Оббо...
Ахир ҳар лаҳза ганимат бўлиб, фикрлар энди жамланиб, иши юришиб турган вақтда бировнинг ҳалақит бериши ортиқча эди, албатга.
Маллаевнинг ранги бўзариб-қизариб кетди. Ёзувдан бош қўтармай, ўшқирди:
– Йўқол. Калламни ачитма. Иш қиляпман. Вақтим йўқ.
Қизи нима қилишини билмай йиғлаб юборди. Сўнг чиқиб кетди.
«Математика дейди-я. Бу ерда оламшумул гаплар битилаётган бир пайтда-я. Ҳе, садқаи сар йиғласа. Қиз бола йиғласа, кўзи қора бўлади...»
Маллаев яна фикрини жамлаб, илҳоми жўш уриб, маърузани ёзишда давом этди: «...яъни масалан ўткан алломаларимиз айтишларича ёш бола тарбияси ўта нозик масалаки...»

№	Muallifning boshqa asarlari
1	Tavsifnoma (hajviya) [Safar Kokilov] 2257
2	Ayb doʻstimning doʻstida… [Safar Kokilov] 1283
3	Kimyoviy hodisa (hajviya) [Safar Kokilov] 1137
4	Yoʻq, men rahbar boʻmayman… [Safar Kokilov] 1131
5	Shifokor maslahati (hajviya) [Safar Kokilov] 1097
6	O-o, buyuk, buyuk… [Safar Kokilov] 1021
7	Alamingizdan chiqmoqchimisiz, «tez yo... [Safar Kokilov] 1001
8	Айб дўстимнинг дўстида… [Safar Kokilov] 992
9	Текширувчи бўлгим келади… [Safar Kokilov] 978
10	Taka boʻlsin sut bersin (hajviya) [Safar Kokilov] 971
11	Noshukur banda (hajviya) [Safar Kokilov] 959
12	Тавсифнома (ҳажвия) [Safar Kokilov] 957
13	О-о, буюк, буюк… [Safar Kokilov] 914
14	Tekshiruvchi boʻlgim keladi… [Safar Kokilov] 906
15	Tekshiruvchilar kelarmish (hajviya) [Safar Kokilov] 901
16	Йўқ, мен раҳбар бўмайман… [Safar Kokilov] 896
17	Artist (hajviya) [Safar Kokilov] 885
18	Oʻzim edim (hajviya) [Safar Kokilov] 882
19	Ikki odam - ikki olam (hajviya) [Safar Kokilov] 879
20	Jahli tez odam (hajviya) [Safar Kokilov] 872
21	Churra (hajviya) [Safar Kokilov] 859
22	Bu yana oʻzimman (hajviya) [Safar Kokilov] 844
23	Beaql chumoli (hajviya) [Safar Kokilov] 839
24	Qabulxonada (hajviya) [Safar Kokilov] 834
25	Olamshumul yangilik (hajviya) [Safar Kokilov] 825
26	Така бўлсин сут берсин (ҳажвия) [Safar Kokilov] 817
27	Yaponcha tashxis (hajviya) [Safar Kokilov] 809
28	Reklama (hajviya) [Safar Kokilov] 808
29	Аламингиздан чиқмоқчимисиз, «тез ёрда... [Safar Kokilov] 801
30	Eshak (hajviya) [Safar Kokilov] 800

№	Eng ko‘p o‘qilganlar
1	Gʻazallar, ruboylar [Zahiriddin Muhammad Bobur] 72867
2	Yulduzlar mangu yonadi (qissa) [Togʻay Murod] 67039
3	Sobiq (hikoya) [Said Ahmad] 50986
4	Qorakoʻz majnun (hikoya) [Said Ahmad] 48254
5	Guliston [Sa’diy] 44679
6	Gʻazallar [Nodira] 44073
7	Ot egasi (hikoya) [Shukur Xolmirzayev] 33090
8	Yulduzli tunlar (I- qism) [Pirimqul Qodirov] 32479
9	Мусульманские имена (част... [Ibn Mirzakarim al-Karnaki] 32330
10	Hikmatga toʻla olam (gʻazal, ruboiy... [Sa’diy Sheroziy] 27401

Tavsiya qilamiz