О-о, буюк, буюк… [Safar Kokilov]

Бўлимимиз фаолиятини ёритувчи бир деворий кўргазма тайёрладик. Пастроғида озроқ бўш жой қолган эди. Мен ўзим ёзган шеърдан,
«Мустақил юрт одамлари соғ бўлсин,
Қалби пок шифокорлар бор бўлсин»

дейилган бир бандини кўчириб, ёзиб қуйдим. Кўргазмани деворга илдик. Ҳаммага ёқди.
Бир неча кундан сўнг шифохонани текширгали келган туман раҳбарларидан бири бизнинг бўлимизга ҳам тўсатдан кириб келди. Янги арбоблардан. Калондимоғ. Чет эл машинасида юради. Илгари бензин қуйиш шохобчасида сотувчи бўлиб ишларди. Сўнг иш жойини хусусийлаштириб олди. Замона зайли билан ҳокимликда муовинлардан бирига айланди.
У бўлимни айланиб текширган бўлди. Камчиликлар топиб, тузатишни буюрди. Девордаги кўргазмани ҳам назардан қочирмади.
– Манови сўзларни ким айтган? Афтурини ёзиб қуйиш керак, – деб буйруқ берди. Бўлим мудиримиз мақтанди:
– Ўзимизда ишлайдиган бир духтуримизнинг сўзлари. Шеър ёзиб туради.
Бирдан раҳбарнинг кўзлари олайиб, қошлари чимрилди:
– Ним-ма? Қанақа духтур? Бунақа стендларга буюк кишиларнинг сўзлари ёзилиш керак. Тезда ўчиринг. Ўзгартиринг. Бир соатдан сўнг қайтиб келиб текшираман...
Бўлим бошлиғимизнинг ранги ўчиб, менга қаради:
– Энди нима қиламиз?
– Бир иложи топилар. Ўзимга қўяверинг, – дедим уни юпатиб.
Сўнг ўйлаб-ўйлаб, «билса – ҳазил, билмаса – чин» дедим-да, ҳалиги сўзларнинг тагига «Саппариано. Италян файласуфи», деб ёзиб қўйдим. Раҳбар жаноби олийлари бир сўзли экан, қайтиб келди. «Қани, нима дер экан» деб, ҳаммамиз юрак ҳовучлаб турибмиз. У ўқиди ва бирдан юзи ёришди:
– Ҳа-а. Э-э-э. Бу сўзлар италян файласуфининг сўзи эканми? Ана. Айтмадимми. Ҳе, сизни қаранг-у. Ўзимизнинг духтурники дейсиз-а. Оддий духтур шундай буюк гапларни айтаолармиди. О-о, бу италян файласуфлари жуда-а зўр бўлишганда. Қаранг-а. Гаплари нақд ҳозирги замон руҳида айтилган экан-а. О-о, буюк. Италян файласуфлари жуда буюк. Камиссар Каттани ҳам шулардан-да. А?! Кўрганмисиз?
– А?! Ким? – бўлим бошлиғи сўрашга журъат қилди: – Катани?
– Ҳа. Камиссар Каттани-чи. Микела Плачидо. Ҳе-э, ўлганда мен ҳам плачит қилганман. Ўҳ-ҳўў, мафияни роса қийратади-ку. Лекин барибир ўзини ҳам ўлдиришди-я. Зўр, зўр-да. У ёқда мафия ҳам зўр, файласуфлари ҳам буюк. О-о, буюк, буюк...
Раҳбар бўлимдан кўтаринки кайфиятда чиқиб кетди. Бўлим мудиримиз хурсанд. Биз эса ... кулиб қолавердик.

№	Muallifning boshqa asarlari
1	Tavsifnoma (hajviya) [Safar Kokilov] 2257
2	Ayb doʻstimning doʻstida… [Safar Kokilov] 1283
3	Kimyoviy hodisa (hajviya) [Safar Kokilov] 1137
4	Yoʻq, men rahbar boʻmayman… [Safar Kokilov] 1131
5	Shifokor maslahati (hajviya) [Safar Kokilov] 1097
6	O-o, buyuk, buyuk… [Safar Kokilov] 1021
7	Alamingizdan chiqmoqchimisiz, «tez yo... [Safar Kokilov] 1001
8	Айб дўстимнинг дўстида… [Safar Kokilov] 992
9	Текширувчи бўлгим келади… [Safar Kokilov] 978
10	Taka boʻlsin sut bersin (hajviya) [Safar Kokilov] 971
11	Noshukur banda (hajviya) [Safar Kokilov] 959
12	Тавсифнома (ҳажвия) [Safar Kokilov] 957
13	Tekshiruvchi boʻlgim keladi… [Safar Kokilov] 906
14	Tekshiruvchilar kelarmish (hajviya) [Safar Kokilov] 901
15	Йўқ, мен раҳбар бўмайман… [Safar Kokilov] 896
16	Artist (hajviya) [Safar Kokilov] 885
17	Oʻzim edim (hajviya) [Safar Kokilov] 882
18	Ikki odam - ikki olam (hajviya) [Safar Kokilov] 879
19	Jahli tez odam (hajviya) [Safar Kokilov] 872
20	Churra (hajviya) [Safar Kokilov] 859
21	Bu yana oʻzimman (hajviya) [Safar Kokilov] 844
22	Beaql chumoli (hajviya) [Safar Kokilov] 839
23	Qabulxonada (hajviya) [Safar Kokilov] 834
24	Olamshumul yangilik (hajviya) [Safar Kokilov] 825
25	Така бўлсин сут берсин (ҳажвия) [Safar Kokilov] 817
26	Yaponcha tashxis (hajviya) [Safar Kokilov] 809
27	Reklama (hajviya) [Safar Kokilov] 808
28	Аламингиздан чиқмоқчимисиз, «тез ёрда... [Safar Kokilov] 801
29	Eshak (hajviya) [Safar Kokilov] 800
30	Qozon boshiga hujum (hajviya) [Safar Kokilov] 789

№	Eng ko‘p o‘qilganlar
1	Gʻazallar, ruboylar [Zahiriddin Muhammad Bobur] 72867
2	Yulduzlar mangu yonadi (qissa) [Togʻay Murod] 67039
3	Sobiq (hikoya) [Said Ahmad] 50986
4	Qorakoʻz majnun (hikoya) [Said Ahmad] 48254
5	Guliston [Sa’diy] 44679
6	Gʻazallar [Nodira] 44073
7	Ot egasi (hikoya) [Shukur Xolmirzayev] 33090
8	Yulduzli tunlar (I- qism) [Pirimqul Qodirov] 32479
9	Мусульманские имена (част... [Ibn Mirzakarim al-Karnaki] 32330
10	Hikmatga toʻla olam (gʻazal, ruboiy... [Sa’diy Sheroziy] 27401

Tavsiya qilamiz