Reportaj (hajviya) [Safar Kokilov]

Musiqa yangraydi.
Togʻlar. Dala. Eshak mingan bola. Qishloq. Oʻrtada qora toʻn, telpak kiygan basavlat, ikki beti qip-qizil kishi tilla tishlarshsh koʻrsatib turibdi. Jikkakgina, qorachadan kelgan, sochi qirqilgan, shim kiyib olgan qiz uning tumshugʻi tagiga mikrofon tutib turibdi.
— Rais bova. Marhamat qilib mahallangizda amalga oshirilayotgan ishlaringiz haqida teletomoshabinlarga gapirib bersangaz,
— Ixm. Xoʻp. Avvalo, assalomu alaykum. Mahallamizga kelib bizni xursand qilganingiz uchun sizga katta rahmat, singlim. Qolaversa, mahallamiz tumanda eng ilgʻor, ibratli mahalla xisoblanadi. Odamlarimiz bir-biriga ogʻaini, inoq yashashadi. Har xil tadbirlar, toʻylar oʻtkazib turamiz. Qariyalardan xabarlashib turamiz. Xoʻ-oʻsh, yana nima desam ekan. Shuda-e...
— Rais bova, aholiga maishiy xizmat koʻrsatish qay ahvolda.
Shular toʻgʻrisida... Faqat qisqaroq...
— Xoʻp, xoʻp. Mahallada ikkita doʻkon bor. Supermarket. Unda chet elda chiqadigan hamma narsa bor. Jinsi deysizmi, shortik deysizmi. Banan, apelsinlar tiqilib yotibdi. Ichimlik tur-turi
bilan bor. Har xil saqich, shokoladlar. Yaqinda un va shakar opkelamiz deb turibmiz.
— Sartaroshxona bormi? Choyxonachi? Barisini aytavering.
— Bor, bor. Choyxona ham bor. Bilyardxona bor. Pivnoy bar, video bar. Hammasi bor.
— Yaxshi, yaxshi. Sizning mahallangizda homiylar, saxovatli kishilar ham bormi?
— Bor, bor. Shu aytganlarimizning barisiga fermer Donaev Eshmurodboy homiylik qiladi. Uning mol fermasi bor. Qassobxonasi bor. Yaqinda kolbasa tsex qurmoqchi. Xoʻ-oʻsh, yana nima desam ekan. Endi singlim, maqganganday boʻlmaylik., Yaxshisi xalqdan soʻrang, xalqdan.
— Aziz teletomoshabinlar. Koʻrib turibsizki, mahalla raisi juda kamtarin inson. Boʻpti. Yuring, Yuz eshitgandan bir koʻr deganlar. Mahallani aylanib koʻramiz. Biron ibratli xonadonlarga
ham kirsak. Turmushlari bilan tanishsak.
— Marhamat. Yuring. Manovi ikki qavatli uyga kira qolaylik.
— Juda yaxshi. Yuring, kiramiz. Oʻx-xoʻ, Neksiyasi bor ekan. Yaxshi. Mana bu faravonlik belgisi. Ana aziz tinglovchilar, ishlagan minadi-da. Bu kimning uyi?
— Bu tadbirkor fermer Donaev Eshmurodboyniki.
— Rais bova, endi mahalla ahli bilan ham suhbat qilsak. Fikrlarini bir bilsak degan edim.
— Marhamat. Mana tanishing. Mahallamizning eng keksa otaxonlaridan.
— Otaxon, oʻzingizni tanishtirsangiz.
— Bolam, men Donaev Xolmatman. Yoshim 86 ga kirdi. Shu raisning soyasida yashab turibmiz. Umridan baraka topsin. Biz undan rozimiz.
— Xola, siz ham oʻzingizni tanishtiring.
— Bolamjon, meni Donaeva Misqolmomo deyishadi. Shu cholning gaplariga yuz parasan qoʻshilaman. Rais yaxshi yigit. Issiq-sovugʻimizdan xabarlashib turadi. Yaqinda Tashkandan jimpir, kalish opkeldi.
— Rais bova, mahalladan moddiy yordam olayotganlardan bir-ikkitasini aytsangiz.
— Xoʻp, xoʻp. Masalan, Donaev Marqa, Donaeva Misqol, Donaev Olim, Donaeva...
— Boʻladi, boʻladi. Sizlarda kam ta’minlangan oilalar ham bormi. Shular haqida ham„.
— Kam ta’minlangan oilalardan Donaev Murot, Donaeva Misqol, Donaev Olim va boshqalar yordam olib turibdi. Berib turibmiz borini...
— Katga rahmat sizga, rais bova. Mana mahallangiz bilan ham tanshpib chikdik. Aytgangizcha bor ekan. Maxallangiz haqiqatdan ibratli ekan. Hamma sizdan rozi ekan. Mahalla ahli kelgusi yil ham sizni raislikka saylashsa xato qilmaydi deb oʻylayman. Sizga omad. Mana, aziz teletomoshabin oʻrtoqlar, sizlarga Donoobod mahallasi va uning fuqarolar yigʻini raisi Donaev Eshmurodning ish faoliyati haqida olib borgan lavhamiz oʻz nihoyasiga yetdi. E’tiborlaringiz uchun rahmat. Yana oynai jahon orqali uchratshuncha xayr. Viloyat televideniyasi uchun maxsus. Jurnalist Donaeva. Tasvirchi Donaev.

Musiqa yangraydi. Yana togʻlar. Yana dala. Yana eshak mingan bola. Yana qishloq. Oʻrtada yana oʻsha...

№	Muallifning boshqa asarlari
1	Tavsifnoma (hajviya) [Safar Kokilov] 2257
2	Ayb doʻstimning doʻstida… [Safar Kokilov] 1283
3	Kimyoviy hodisa (hajviya) [Safar Kokilov] 1137
4	Yoʻq, men rahbar boʻmayman… [Safar Kokilov] 1131
5	Shifokor maslahati (hajviya) [Safar Kokilov] 1097
6	O-o, buyuk, buyuk… [Safar Kokilov] 1021
7	Alamingizdan chiqmoqchimisiz, «tez yo... [Safar Kokilov] 1001
8	Айб дўстимнинг дўстида… [Safar Kokilov] 992
9	Текширувчи бўлгим келади… [Safar Kokilov] 978
10	Taka boʻlsin sut bersin (hajviya) [Safar Kokilov] 971
11	Noshukur banda (hajviya) [Safar Kokilov] 959
12	Тавсифнома (ҳажвия) [Safar Kokilov] 957
13	О-о, буюк, буюк… [Safar Kokilov] 914
14	Tekshiruvchi boʻlgim keladi… [Safar Kokilov] 906
15	Tekshiruvchilar kelarmish (hajviya) [Safar Kokilov] 901
16	Йўқ, мен раҳбар бўмайман… [Safar Kokilov] 896
17	Artist (hajviya) [Safar Kokilov] 885
18	Oʻzim edim (hajviya) [Safar Kokilov] 882
19	Ikki odam - ikki olam (hajviya) [Safar Kokilov] 879
20	Jahli tez odam (hajviya) [Safar Kokilov] 872
21	Churra (hajviya) [Safar Kokilov] 859
22	Bu yana oʻzimman (hajviya) [Safar Kokilov] 844
23	Beaql chumoli (hajviya) [Safar Kokilov] 839
24	Qabulxonada (hajviya) [Safar Kokilov] 834
25	Olamshumul yangilik (hajviya) [Safar Kokilov] 825
26	Така бўлсин сут берсин (ҳажвия) [Safar Kokilov] 817
27	Yaponcha tashxis (hajviya) [Safar Kokilov] 809
28	Reklama (hajviya) [Safar Kokilov] 808
29	Аламингиздан чиқмоқчимисиз, «тез ёрда... [Safar Kokilov] 801
30	Eshak (hajviya) [Safar Kokilov] 800

№	Eng ko‘p o‘qilganlar
1	Gʻazallar, ruboylar [Zahiriddin Muhammad Bobur] 72867
2	Yulduzlar mangu yonadi (qissa) [Togʻay Murod] 67039
3	Sobiq (hikoya) [Said Ahmad] 50986
4	Qorakoʻz majnun (hikoya) [Said Ahmad] 48254
5	Guliston [Sa’diy] 44679
6	Gʻazallar [Nodira] 44073
7	Ot egasi (hikoya) [Shukur Xolmirzayev] 33090
8	Yulduzli tunlar (I- qism) [Pirimqul Qodirov] 32479
9	Мусульманские имена (част... [Ibn Mirzakarim al-Karnaki] 32330
10	Hikmatga toʻla olam (gʻazal, ruboiy... [Sa’diy Sheroziy] 27401

Tavsiya qilamiz