Latifalar

Bir kuni afandini onasi qo‘liga ovqat berib:
— Qo‘shnimizga tashlab chiq! Faqat to‘kib yuborma! - debdi.
Afandi ko‘chaga chiqibdi-yu, qoqilib, ovqatni to‘kib yuboribdi. Tashqari qorong‘u ekan.
Uyga qaytib kirsa, onasi:
— Ha, ovqatni to‘kdingmi? - desa,
Afandi:
— Yo‘q, faqat kosamni topa olmayapman, - dermish.

Bola adasiga shikoyat qildi:
— Bilasizmi, dunyoda eng kechikadigan poyezd qaysi?
— Bilmadim bolam?!
— Siz 3 yildan beri menga olib bermoqchi bo‘lgan poyezd!

Qorboboga xat:
"Qorbobo, men sizdan yangi yilga oppoq Mersedes so‘ragan edim. Orzularim amalga oshmadi-ku?! Hurmat bilan Shahzoda.
Qorbobodan javob:
"Hurmatli Shahzoda! Siz menga rahmat ayting! Chunki hamqishlog‘ingiz Rustamni orzularini amalga oshirmaganim uchun...

Taksi dispetcheri haydovchi bilan aloqaga chiqibdi:
— Beshinchi, beshinchi... Buyurtma olasizmi? Mijoz samolyotga kech qolyapti. vaqtida yetkazib borasizmi aeroportga?
— Ha, mijoz samolyotga o‘z vaqtida yetib boradi. Avtomobilimda yana bitta mijozim bor!
— Samolyot 10 daqiqadan so‘ng uchar ekan. Yo‘llar tirband bo‘lsa, qanday qilib kechikmasdan olib bormoqchisiz?
— Gap shundaki, mashinamda o‘tirgan mijoz uchuvchi - shu samolyotning boshqaruvchisi bo‘ladi.

Jarrohlik operatsiyasidan keyin hushiga kelgan bemorga vrach dedi:
— Operatsiyadan oldin o‘zingizni juda yomon tutdingiz. Baqirib, tipirchilab, hamma yoqni ostin-ustun qildingiz. Yoningizdagi sherigingiz sizdan ham battarroq to‘palon qildi...!
Bemor vrachga:
— Albatta-da! Axir biz derazalarni yuvish firmasidan kelgan edik-da...

— Mastmisan? Yana ichdingmi?
— Ichmadim. Kim senga aytdi?
— Ko‘zlaring aytib turibdi-ku!
— O‘zing g‘irt mastmisan deyman. Ko‘z ham gapirar ekanmi?!

Bir o‘zbekdan so‘rashibdi:
— Nimaga sizlar savolga savol bilan javob qaytarasizlar?
O‘zbek javob qaytaribdi:
— O‘zingiz nima deb o‘ylaysiz?

— Bizni korxonamizda ikkita xodim bir kunda uylanishdi. E’lonlar taxtasida quyidagi yozuvni ko‘rdik!
"Botir va Akmaljonlarning nikoh to‘ylari bilan tabriklaymiz"!!!

Yosh yigit ko‘chada otaxonni uchratib qolib, so‘rabdi:
— Amaki, chekishdan bormi?
— Mana, ol bolam!
— Gugurt-chi bormi?
— Mana, ol gugurt! Saqich ham bor, beraymi?
— Bering, amakijon.
Chol saqichni uzatib turib dermish:
— Eh, axir men sehrgar edim. Sen bo‘lsa arzimagan uchta tilagingni tilab bo‘lding...

Uchta erkak 8 mart kuni mazza qilib maishat qilib o‘tirishibdi-da, kechasi uyiga sovg‘alarsiz qaytishibdi.
Ertasiga ko‘rishib, bir-biridan hol-ahvol so‘rashibdi. Birinchisi:
— Kecha men uyga borsam, xotinim janjal ko‘tardi.
Ikkinchisi:
— Meni xotinim hafa bo‘lib, arazlab gaplashmadi.
Uchinchisi:
— Meni xotinim esa yedirib, ichirib qornimni to‘ydirdi.
— Nima??? Nimalar yeb-ichding?
Uchinchi erkak xo‘rsinib debdi:
— Kaltak yeb, zahar ichdim...!

Ikkita jinni baland binoga qarab turib suhbatlashmoqda:
— Shu binodan pastga sakragan odam, nechi kunda yerga tusharkin?
— 3 kunda tushsa kerak?!
— Tushgan odam o‘larmikin?
— Esing joyidami? 3 kun ovqat yemaydi, suv ichmay-yu, o‘lmaydimi?!

Ikki dugona do‘konga kiribdi. Birinchi qiz Yogurt sotib olibdi-da, shu zahoti ustidagi qopqog‘ini ocha boshlabdi. Buni ko‘rgan ikkinchisi:
— Esing joyidami? Loaqal kassani yonigacha bormaysanmi?! - desa, haligi qiz:
— Ahmoqmisan? Mana, qopqog‘ini ustiga "Shu yerdan oching" deb yozib qo‘yibdi-ku!?, - dermish.

Kunlarning birida afandi eshagini yo‘qotib qo‘yibdi. Ancha qidirsa ham, topa olmabdi. Oxiri hafsalasi "pir" bo‘lib, hiyobondagi o‘rindiqda o‘tirsa, orqa tarafda ikki sevishgan suhbatlashayotganmish.
Yigit qizga:
— Seni ko‘zlaringga qarasam, butun olamni ko‘rgandek bo‘laman, - desa, afandi ular tomonga shartta o‘girilib:
— Qarab ko‘r-chi, meni eshagim ko‘rinmayaptimi?! - dermish.

Ikki dugona suhbatlashmoqda:
— Nega ertalabdan kayfiyating yo‘q?
— Yomon tush ko‘rdim.
— Qani aytib ber-chi!?
— Tushimda Bred Pitt va Leonardo Di Kaprio uyimga kelib, men uchun erim bilan yoqalashishibdi.
— Axir bu yomon tush emas, ko‘pchilik qizlarning orzusi-ku!
— Ha, lekin erim ulardan ustun keldi-da...

Ishbilarmon kishi chet ellik hamkorlari bilan majlis boshlay turib, kotibasiga:
— Menga qahva, manavi uchta ajnabiylarga esa choy olib keling! - desa, mehmonlardan biri:
— Men tarjimonman! Gapingizni tushunib turibman, - debdi.

Bugun ertalab avtomobilimda ketayotib, katta chorrahada o‘rnatilgan kamera meni suratga olganini payqab qoldim. Hayron bo‘ldim, nega??? Axir men tezlikni oshirganim yo‘q-ku!
Yana o‘sha chorrahadan 3 martta mashinamni juda sekin haydab, kameraga yuzimni burib, jilmayib o‘tdim. U meni 3 martta suratga oldi.
Ertasi kuni uyimga 4 ta kvitansiya va meni jilmayib turgan suratlarim keldi. Jarimalarning hammasi xavfsizlik kamarini taqmaganim uchun ekan...!

Internetda yosh qiz:
— Abror aka, men sizga turmushga chiqishga roziman. Biz dunyodagi eng baxtli oila bo‘lamiz!
Yigit:
— Nimalar deb valdirayapsiz?! Axir men bor-yo‘g‘i sizni rasmingizga "Klass" bosdim-ku!?

Bir erkak bog‘chaga kelib, tarbiyachi qizga:
— Men o‘g‘limni olgani keldim. Hov anavi bolani kiyintirib bering, - debdi. Tarbiyachi hayron bo‘lib:
— U bola sizniki emas-ku desa, erkak:
— Farqi nima? Ertaga yana qaytib keladi-ku shu yerga, - dermish.

Bir odamning qo‘shnisi qazo qilibdi. Sherigi bilan qo‘shnisiga qabr kovlagani borishibdi. Navbat bilan kovlay boshlabdi. Oxiri sherigi tushibdi-da, kovlab bo‘gandan keyin:
— Uf-f, charchadim, - deb o‘tirib olibdi.
— Chiq! - desa,
— Odam charchagandan keyin go‘rdanam chiqgisi kelmay qolar ekan, - dermish.

Taksida ketayotsam, haydovchi mamnun ohangda menga gap boshladi:
— O‘z kasbimdan mamnunman. O‘zimga-o‘zim xo‘jayin. Hech kim menga buyruq bermaydi.
Shu vaqt haydovchini gapini bo‘ldim-da:
— Chorrahadan o‘ngga qayriling! - dedim.

<< < 97 98 99 100 101 102 103 > >>

Jami 2090 ta latifa mavjud

Tavsiya qilamiz

Bosh sahifa