Latifalar

Qizaloq onasiga debdi:
— Oyijon, men 5 yoshdaman! Nigora esa 3 yosh. Men kattaman!!!
Onasi:
— Qizim, men 33 yoshdaman! Men kattaman...
— Qizaloq onasini qulog‘icha pichirlab:
— Oyijon,kattaman emas, qariman deng...!

Bankni tunagan o‘g‘ri pullarni sanab ko‘rib:
— Bor-yo‘g‘i ellik million ekan..., - dedi g‘azabli ohangda.
Shu payt radiodan: "Shahrimizda joylashgan banklardan birida qo‘poruvchilik sodir etildi. Noma’lum shaxs tomonidan, bir milliard miqdordagi pul o‘g‘rilab ketildi" - degan xabar tarqaldi. O‘g‘rining battar jahli chiqib, o‘ziga-o‘zi ming‘irlab debdi:
— Hayotimni xavf ostiga qo‘yib, atiga ellik million o‘g‘irlay oldim xolos! Bank boshqaruvchisi esa, o‘tirgan joyida to‘qqiz yuz ellik million ishlab oldi-ya...!!!!

Yarim kechada tashqariga chiqib ketgan er, birozdan so‘ng shalabbo bo‘lib qaytibdi.
— Yomg‘ir yog‘yaptimi? - so‘rabdi xotini.
— Yo‘q. Kuchli shamol bo‘lyapti, - dermish eri.

Sud jarayoni ketmoqda. Sudya ayblanuvchiga savol beribdi:
— Ayblanuvchi, ismingiz nima?
— Ismim Begunoh! Shaxsimni tasdiqlovchi hujjatlarning barchasida shunday!
— Begunohmisiz???
— Ha janob! Adolatli hukmingiz uchun rahmat! Men ketdim!

Adolat izlab juda ko‘p yuribdi. Lekin, boshqa yo‘ldan ketayotganini bilmas ekan.

Ikkita hamkasblar kechki payt ishdan chiqishibdi. Birinchisi debdi:
— Bitta iltimosim bor, hozir boshlig‘imiz ishdan chiqadi. Sen uni haydovchisisan-ku! Mashina buzilgan deb biroz shu yerda uni ushlab turgin. Bugun boshlig‘imizni qizi bilan uchrashmoqchi edim, - debdi.
Haydovchi istar-istamas zo‘rg‘a rozi bo‘libdi.
Boshliq ishdan chiqib:
— Qani ketdik-mi?! - desa, haydovchi:
— Mashina negadir o‘t olmayapti!? - deb bahona qilib, ancha vaqtgacha ushlab turibdi. Buni sezgan rahbar:
— Nega meni aldayapsan? To‘g‘risini ayt! Aks holda ishdan bo‘shataman! - deb baqira ketibdi.
Boshqa chorasi qolmagan haydovchi bor gapni aytib beribdi. Shu yerda ishlaydigan do‘sti uning qizi bilan uchrashmoqchi ekanini, shunga u mashina buzildi deb, bahona qilganini aytsa, boshliq xoxolab kulib:
— Laqma ekansan-ku! Meni umuman qizim yo‘q. Undan ko‘ra uyingga borib o‘zingni qizingdan xabar ol!!! - degan ekan.

Bir ayol qo‘rqinchli tush ko‘ribdi. Tushida uni odamxo‘rlar quvlab kelayotgan ekan. Odamxo‘rlar ayolga yaqinlashib qolganida ayol yerdan katta toshni olmoqchi bo‘libdi-yu, ko‘tara olmabdi. Yana qattiqroq, ikki qo‘llab, bor kuchi bilan yerdan tora boshlabdi toshni...
Shu payt ayol uyg‘onib ketibdi. Qarasa, uyida, yotog‘ida uxlab yotganmish. Eri esa ayoliga qarab:
— Nima bo‘ldi? - deb so‘rabdi.
Ayol tushini gapirib beribdi. Shunda eri:
— Xo‘p mayli, uyg‘onding! Endi qulog‘imni tortmasdan, qo‘yib yuborarsan-a...?! - dermish.

— Allo, bu jinnixonami?
— Yo‘q, xonadon! Lekin xohlasangiz, xotinimni chaqirishim mumkin...

Agar o‘ng oyoqni paypog‘i, chap oyoqni paypog‘idan ajralib tursa, demak uni yuvadigan payt kelibdi!

Bir kishi mashinasini haydab ketayotsa yo‘l chetida to‘rtta yigit bitta odamni urayotgan ekan:
— Nima qilyapsanlar to‘rttalang bitta odamni urib? - so‘rabdi haydovchi to‘xtab.
— Chorrahada buzilgan kameralarni tuzatadigan ustani ushlab oldik, - debdi yigitlar.
Shunda haligi odam:
— Qo‘l bilan urishni nima xojati bor?! Oyoq bilan tepa qolinglar? - dermish.

Qizi maktabdan kelib dadasiga debdi:
— Biz bugun 2x2ni o‘rgandik.
Dadasi:
— Xo‘sh nechi bo‘lar ekan?
— To‘rt bo‘ladi.
Dadasi qiziga to‘rtta konfet bersa, qizi dermish:
— Voy, bilganimda 20 derdim...

Oylik maoshini olgan ishchi kassirga qarab debdi:
— Siz menga adashib, 50 ming kam berdingiz!
Kassir:
— O‘tgan safar sizga 50 ming ko‘p berib yuborgan ekanman. Nega o‘shanda adashganimni aytmadingiz? - desa, ishchi dermish:
— Bir martta adashsangiz mayli, kechirdim. Ikkinchisiga qarab tura olmayman-ku!!!

Bugun dahshatli tush ko‘ribman. Tushimda ishga kech qolayotgan ekanman...
Voy! (Uyg‘onib ketib...) Iye, ishxonada ekanman-ku... Ko‘rgan tushim qurib ketsin...!

Bir ayol tiqilinchda hamyonini tushirib qo‘yibdi. Birozdan keyin yoshgina bola ayolni hamyonini qaytarib beribdi. Ayol hamyonini ochib ko‘rib bolaga:
— Meni hamyonimda ikkita besh mingtalik bor edi. Bu yerda o‘nta ming so‘mlik turibdi-ku?! - desa, bolakay:
— Bilasizmi, oldin ham bittasini hamyonini topib bergandim. U menga minnatdorchilik bildirish uchun mayda topa olmagandi. Shunga pullaringizni maydalab qo‘ydim, - dermish.

Bu olamda hech kim seni aeroportda taksichi kutganchalik, intizorlik bilan kutmaydi!

Bir kuni o‘zbek, ingliz va rus ketayotishsa, oldidan dev chiqib qolibdi. Rus va ingliz dag‘-dag‘ qaltirab qolishibdi.
O‘zbek esa:
— Iye, og‘ayni qalaysan?! Yur, choyxona bor bugun, ketdik, - desa, dev ham og‘zi ochilib, o‘zbekka qo‘shilib ketib qolgan ekan.

Sevgan yigitim kofe bankasiga "Hammasi tugadi! Sizni tashlab ketdim", deb yozib qo‘yibdi. Shoshib bankani ochsam, kofe to‘la turibdi. Voy yaramas hazilkashey!

Boshliq xonasiga kirgan ishchiga rahbar debdi:
— Sizni arizangizni ko‘rib chiqdim. Maoshingizni oshirib bera olmayman!
Xodim asabiylashib:
— Oshirmasangiz-oshirmang! Faqat o‘z vaqtida oylik berishni o‘rganing!

Yosh kelin ertalab oshxonaga chiqibdi-yu, aksira boshlabdi.
Birinchi aksirganida kulib:
— Bunisi Yanvar, - debdi.
Birozdan keyin ikkinchi martta aksirib:
— Endi bunisi Fevral, - debdi. Shunaqa qilib, Mart, Aprel, May, Iyun, Iyul, ...
Bir payt orqasiga o‘girilib qarasa, qaynotasi o‘tirgan ekan. Kelin:
— Voy, adajon ko‘rmabman sizni. Anchadan beri o‘tiribsiz? - desa,
Qaynotasi:
— Yanvardan beri o‘tiribman, - dermish.

<< < 99 100 101 102 103 104 105 > >>

Jami 2090 ta latifa mavjud

Tavsiya qilamiz

Bosh sahifa