Latifalar

Bir qizaloqdan so'rashibdi:
— Dadangni yoshi nechida?
— To'rtda, - debdi qizcha.
— Qanaqasiga? – deyishsa,
— Dadam men tug'ilgandan keyin, dada bo'lganlar, - debdi.

Hammom bilan bar yonma-yon joylashgan ekan. Bir kishi hammomdan kiyimsiz chiqib, barga kiribdi-da, barmenga debdi:
— Pivo quy!
Barmen pivo quyib berib, haligi kishiga qarab tursa, — Nima, kiyimsiz odam ko'rmaganmisan? – debdi.
Barmen:
— Yo'q ko'rganman. Faqat pivoni pulini qaerdan olarkan deb qarab turibman, - dermish.

Tunda afandining sigirini o'g'irlab ketishibdi. Ertalab odamlar afandiga “Sigirni mahkam bog'lash kerak”, “Ayb o'zingizda...”, “Devorlaringiz ham past!”, “Ayb o'zizngizda... Darvozaniyam yaxshi bekitish kerak...”, “Shunaqayam uxlaydimi odam degan!?” – deyaverishibdi. Shunda afandi ularga qarab:
— O'g'riga-yam ozgina aybni qoldiringlar! - dermish.

Bir odam doktorni yoniga kelib shikoyat qilibdi:
— Doktor, judayam ko'p yo'talyapman. Nima qilay? Yordam bering!
Doktor bemordan so'rabdi:
— Sigaret chekasizmi?
Bemor:
— Ha, chekaman.
— Qanaqasidan chekasiz? – savol beribdi doktor.
— Har xilidan.
— Bir xilidan chekish kerak!
— Ha endi, har doim bir odamni ketidan yura olmayman-ku! – degan ekan bemor.

Xotin erini yoniga kelib debdi:
— Adasi, ertaga onamni tug'ilgan kunlari, nima sovg'a qilamiz?
— Onang nechi yoshga to'ladilar? – so'rabdi eri.
— 50ga to'ladilar. 50 ming beramizmi? – debdi quvonib.
Er:
— 50 ming yoshga to'lmayaptilar shekilli!? – debdi jahl bilan.

“O'” harfi har qanday vaziyatda juda kerak bo'ladi.
Masalan, do'stingni yangi kiyimini maqtash uchun, do'konda siz tanlagan kiyim qimmatligini aytish uchun va hattoki, ko'chada birovlarga qo'pollik qilish uchun!

Xotin erining shkafidan bir tutam pul topib olib, eriga jahl qila ketibdi:
— Shu-u-uncha pulni qayoqdan oldingiz?!
Eri:
— Seni tug'ilgan kuningga deb yig'ayotgan edim... – debdi.
Xotini bu gapni eshitib:
— Buncha kam? – dermish.

O'rmonda sher hamma hayvonlarni yig'ib debdi:
— Turmush qurganlar chapga, qurmaganlar o'ng tarafga o'tsin!
Bir payt quyon tipirchilab u yoqqa, goh bu yoqqa o'taveribdi. Shunda sher undan:
— Ey quyon, namuncha yugurgilaysan? – desa, quyon:
— Ajrashganlar qayoqqa o'tishini aytmadingiz-ku!? – dermish.

“E” harfi har qanday vaziyatda juda kerak bo'ladi.
Masalan, uzoq vaqt ko'rmagan tanishingni uchratganingda, hammomdaliging paytida kimdir chiroqni o'chirib qo'ysa, hattoki ko'chada senga qo'pollik qilib ketishsa!

Kunlarning birida afandi bilan boy garov bog'lashibdi. Kim tezroq va ko'proq semirsa, pul yutug'i o'shaniki ekan.
Garov muddati tugay deb qolsa ham, afandi hech semirmasmish. Boyni esa kun sayin vazni ortib boraveribdi.
Vaqti kelib, boy afandining uyiga borib:
— Hoy afandi, chiq mana meni semirganimni ko'r! Eshigingdan sig'mayapman, - desa, afandi derazadan bilagini ko'rsatib:
— Jimjaloq barmog'imni o'zi shunchalik bo'lsa, qanday qilib eshikdan chiqaman?! – degan ekan.

<< < 319 320 321 322 323 324 325 > >>

Tavsiya qilamiz

Bosh sahifa