Latifalar

Bir kishi yangi turk gilamini sotib olibdi. Endi uyiga kirgan har bir odamni oyoq kiyimini echishga majbur qilyapti.
“Albatta , axir gilam turkiyanikida”, deysizmi?
Ha to'g'ri, lekin gilam devorga osilgan ekan-da...

Bir kishi doim “Non ursin!” deb qarg'anaverarkan. Kunlarning birida “Doka xleb”ni mashinasi urib ketibdi.

Bolg'a bilan bolta bardan qochib chiqayotishsa, oldilaridan arra chiqib qolibdi.
— Nimadan qochyapsizlar? – debdi arra.
— Ichkarida svarka mast bo'lib, to'palon qilyapti, - dermush bolg'a bilan bolta.

Er-xotin gaplashib o'tirishsa, er debdi:
— Rossa qornim ochdi...
Xotini-yam hazillashmoqchi bo'lib:
— Meni eyaqoling, - desa, eri:
— Jinnimisan, menga yog'li ovqatlar mumkin emas-ku... – degan ekan.

Statistika qo'mitasi xodimlari dunyoda eng keksa insonni aniqlamoqchi bo'lib, Tibetga borishibdi. U erda bir keksa otaxon duch kelibdi. Ular
— Yoshingiz nechida otaxon? - deb so'rashibdi.
— 150 da - deb javob beribdi.
— E-e,... Dunyoda eng keksa inson siz bo'lsangiz kerak-a? - deb quvonib turishsa, otaxon:
— Bilmadim, dadamdan so'rab ko'ray-chi?! - dermish.

Bir kuni Axmadboy baliq oviga boribdi. Qarmog'iga tilla baliq ilinibdi.
— Tila tilagingni! 3 ta tilagingni bajo keltiraman! – desa, Axmadboy:
— Sen shu 3 ta tilakni bajarish qobiliyatingni menga berib turgin! Kelgusi yil 6 ta qilib qaytaraman... – degan ekan.

Maktabdan qaytgan o'g'il adasi gap boshlabdi:
— Sinfimizdagi Sarvarni adasi har kuni maktabdan olgan baholari uchun unga pul berar ekan. Masalan, “5” bahoga 1000 so'm, “4” baho olsa – 500 so'm, “3”ga 200 so'mdan. Agar “2” olib kelsa, Sarvar yig'gan pullaridan 1000 so'm jarima to'lashiga to'g'ri kelarkan.
— Ho'sh, do'sting ancha pul yig'ibdimi?
— Qayoqda... Qarzlarini to'lash uchun yakshanba kunlari paxta terimiga chiqyapti.

Ikki do'st suhbatlashmoqda:
— Do'stim, mana seni 37 ta bolang bor ulardan nima foyda ko'rding? - debdi.
Do'sti:
—Eh do'stim, hamma foyda shularda-ku!
— Qanday qilib?
— Agar ichib kelsang, xotining o'qlov ko'tarib senga tashlanadi. Shunda talpani ichiga o'zingni otasan, - dermish.

Bir talaba ertalab mashinasida shoshib o'qishga ketayotib, qizil chiroqda o'tib ketibdi. Yo'l chetida berkinolmasdan turgan GAI darrov to'xtatibdi.
Hujjatlarni tekshira turib debdi:
— Bekorchi ekanmiz-da?!
— Ha bekorchimiz! - debdi talaba.
— Davlatni pullarini eb yotibmiz deng...?!
— Ha, shunday! – debdi yana.
— Talaba ekanmiz-da...?!
— Bu erda talaba faqat menman...!

SMS yozganda “Salom” so'zida qanchalik “o” harfi ko'p bo'lsa, u inson sizni shunchalik sog'ingan bo'ladi. Masalan:
— Salooooom!
Javob:
— Salm!

<< < 318 319 320 321 322 323 324 > >>

Tavsiya qilamiz

Bosh sahifa