Latifalar

O'qituvchi o'quvchisidan so'rayapti:
— Qobilov, nega kecha jismoniy tarbiya darsida yo'q eding?
— Oyog'im og'rigandi...
— Bugun og'rimayaptimi?
— Bugun jismoniy tarbiya darsi yo'q-ku!?

— Adasi, nonni narxi oshibdi.
— E, mayli, bir gap bo'lar!
O'zbeklar hamma muammolarni shu gap bilan engib ketadi...

Ajdarni ikkita kallasi o'zaro gaplashib tursa, bir kishi kelib:
— Nega uchinchi kallangiz bilan gaplashmayapsiz? – deb so'rabdi.
Ikkita kalla:
— Uni qo'shmayapmiz. Anchadan beri sotqin bo'lib qolgan, - dermish.

Nafaqaga chiqgan boy amaki ov qilgani yo'l olibdi. Ov qilib yursa, oldidan bir qurbaqa chiqib, tilga kiribdi:
— Meni o'zingiz bilan olib keting. Uyingizga olib borib, menga bo'sa had'ya etsangiz, men go'zal qizga aylanaman...
Amaki o'ylanib turib:
— Mayli uyga olib ketaman. Lekin bo'sani hayolingdan chiqar! Go'zal qizlar tiqilib yotibdi. Gapiradigan qurbaqa esa hech kimda yo'q!

Yigit va qiz suhbatidan:
Yigit:
— Nega xafasan? Senga yozmayotganim uchun-mi? Istasang, har kuni yozaman...
Qiz:
— Konspektlarimni yozib bera olmaysizmi?!

Ikki do'st birga o'tirsa, biri o'rnidan turib ketayotgan ekan, narigisi so'rabdi:
— Qayoqqa ketyapsan?
— Suv ichib kelaman.
— Meni o'rnimga ham ichib kel, - debdi sherigi.
Bir payt suv ichib kelayotgan do'sti xursand, kulib kelayotganmish.
— Nega kulyapsan? – desa, do'sti:
— O'zim uchun toza suv ichib, sen uchun loy suvdan ichdim, - debdi.

Afandi qish kuni lodkali motosiklida do'sti bilan ketayotgan ekan. Bir payt qarasa, do'sti lodka ketayotib, terlay boshlabdi. Afandi hayron bo'lib tezlikni oshiribdi. Do'sti battar terlayveribdi. Shunda afandi do'stidan:
— Nega buncha terlayapsan? Qish bo'lsa...? – deb so'rabdi.
Do'sti bo'lsa tomog'i qirilib:
— Ming la'nat! Lodkangni tagi teshik ekan, boyadan beri yugurib ketyapman, - dermish.

Samolyotda hayvonlar uchib ketayotishgan ekan. Sher hammasini yig'ib debdi:
— Kim salonda sigaret cheksa, samolyotdan tashlab yuboraman.
Bir payt oq qush chekib o'tirgan ekan. Yoniga quyon kelib:
— Nimaga sigaret chekyapsan? Sher ko'rib qolsa, samolyotdan tashlab yuboradi, - desa, oq qush:
— Qo'rqma! Chekaver! Hech narsa qilmaydi, - debdi.
Ikkalasi chekib o'tirsa, sher kelib qolib, samolyotdan otib yuboribdi.
Oq qush quyonga qarab:
— Uchishni bilasanmi? – debdi.
— Yo'q... – debdi pastga tushayotgan quyon.
— Uchishni bilmasang, nima qilarding chekib?! – deb uchib ketgan ekan.

Afandi baliq tutib o'tirgan yosh bolalarga debdi:
— Hozir baliq tutmanglar! Hozir baliqlar bolalaydigan payt!
Bolalar:
— Amaki, buni o'zimiz ham bilamiz! Biz erkak baliqlarni tutyapmiz, - debdi.

Laboratoriyada saqlanayotgan skeletlar janjalashib qolishibdi. Biri ikkinchisiga debdi:
— Agar meni urib, biror joyimni ko'kartirsang, ustingdan arz qilaman!

<< < 317 318 319 320 321 322 323 > >>

Tavsiya qilamiz

Bosh sahifa