Latifalar

Hamma bo'sh ish o'rinlariga tajribali xodimlarni ishga taklif qilishadi. Tajribasizlarni esa olishmaydi.
Ishlamasang, tajribani qaerdan orttirasan?

Bir kishi hayvonot bog'iga ishga kirish uchun kelibdi.
Hayvonot bog'i rahbari haligi kishining mehnat daftarchasini ko'rib chiqib so'rabdi:
— Nega bunchalik tez-tez ish joyingizni almashtirgansiz?
— Men juda-yam sekin harakat qilaman, sekin ishlayman, hech narsaga ulgurmayman. Shuning uchun ishdan bo'shatib yuborishadi, - debdi.
Rahbar:
— Unday bo'lsa, sizni toshbaqalarga qarash uchun ishga olamiz, - debdi.
Ertalab hayvonot bog'i xodimlari ishga kelishsa, toshbaqaning qafasi ochiq, ichida hech narsa yo'q emish.
Bundan xabar topgan rahbar haligi kishini yoniga chaqirib:
— Bu nimasi? Toshbaqalar qayoqqa ketdi?! – desa, u kishi:
— Men qafasni ochishimni bilaman, toshbaqalar shunaqa tez qochib qolishdi-ki, eshikni yopishga ulgurmadim hatto!

Mahalladan o'tib ketayotgan qizga ko'chada turgan ayollar debdi:
— Kecha seni kuzatib kelgan yigit yaxshi yigit emas!
— Nega unaqa deyapsizlar?
— Kecha ko'rdik, seni kuzatib bo'lgach, sigaret chekdi... Bu yomon odat!
— Sizlarga o'xshab g'iybat qilish yaxshi odatmi? Undan ko'ra sigaret chekkaningiz yaxshi edi!

Yosh kelin eridan so'rabdi:
— Rostini ayting, siz mengacha birortasiga qaraganmisiz?
Kuyov:
— Ha, juda ko'piga qaraganman.
Kelin:
— G'amxo'rlik ham qilganmisiz ularga?
— Ha! Hammasiga!
— Kim ekan ular???
— Qo'ylarga-de...!

— Nega ayollarning tepa sochi to'kilmaydi?
— Bilmadim, nega ekan?
— Chunki ularning xotini bo'lmaydi!

Ikkita g'iybatchi ayol ko'chada gaplashib turishibdi:
— Hoy o'rgilay, anavi Shoiraxon bor-ku, narigi mahalladagi... Kecha poliklinikaga chiqsam, o'shani ko'rib qoldim deng. Uyalmay-netmay, poliklinikani yo'lagida pista chaqib turibdi!
— Voy, qo'rib ketsin!
— Uni pista chaqishiga qarayman deb, qo'limdagi pivoni tushurib yubordim.

Juda uyatchan odamlar cho'milayotganlarida chiroqni o'chirib qo'yishar ekan...

Bir kuni tunda afandi mehmondan qaytayotsa, yo'lida boy uchrab qolibdi.
Boy afandini kamsitmoqchi bo'lib:
— Ha, afandi, senmiding? Men bo'lsa mol kelyapti deb o'ylabman, - desa, afandi hozirjavoblik bilan:
— Ie, boyota! Men sizni odamga o'xshatib yuboribman, siz ekansiz-ku, - degan ekan.

Maktabda o'qiydigan bola adasidan so'ramoqda:
— Ada, siz ko'zingizni yumib imzo qo'ya olasizmi?
— Ha, nima edi? – debdi adasi.
— Unday bo'lsa, kundaligimga qo'zingizni yumib, qo'l qo'yib bering...! – dermish bolakay.

Konfusiyni oldiga bir ayol kelib so'rabdi:
— Aytingchi, qo'shxotinlik bilan qo'sherlikni farqi nimada?
Konfusiy indamay, ikki choynak choy bilan ikkita piyola opkelib ayolga aytibdi:
— Bitta choynakdan ikkita piyolaga choy quychi.
Ayol uni aytganini qilibdi.
— Qalay yoqyaptimi?
— Ha, - debdi ayol.
— Endi bitta piyolaga ikkita choynakdan choy quychi.
Ayol yana u aytganday qilibdi.
— Xo'sh qalay yoqyaptimi?
— Judayam, - desa,
— Tur yo'qol-e axmoq, tuppa-tuzuk rivoyatni rasvo qilding, - degan ekan.

<< < 323 324 325 326 327 328 329 > >>

Tavsiya qilamiz

Bosh sahifa