Latifalar

Bir yigit avtobusga chiqsa, chiroyli rus qiz o'tirgan ekan. Yigit qizni yoniga borib:
— Ozgina suriling, - desa, qiz rus ekan tushunmay qarab turibdi. Shunda yigit qizga nima deb gapirishni bilmay:
— Chut'-chut' idi poshyol... – degan ekan tirjayib.

Qarg'a osmonda uchib ketayotgan reaktiv samolyotga qarab tursa, yonidagi bolasi undan so'rabdi:
— Oyi, anavi qushcha qanday qilib bunchalik tez uchib ketyapti?
— Sening ham dumingga o't qo'yishsa, shunday uchib ketasan.

Bir yigit dorixonaga kirib:
— Bu er bankmi? Menga kredit bering! – debdi.
— Yo'q, - debdi apteka xodimi.
— Nega unda boyadan beri faqat pul sanaysiz? – degan ekan yigit.

Ona uyga kelsa, o'g'lining kundaligi burchakda tik turgan ekan. Hayron bo'lib so'rabdi:
— O'g'lim, nega kundaliging u erda turibdi?
O'g'li:
— Bugun u “2” baho oldi. Shunga jazolayapman, - dermish.

Yosh bolakay ko'chada xafa bo'lib o'tirsa, bir otaxon uni ko'rib to'xtabdi-da so'rabdi:
— Nega xafasan bolam?
— Uyda oyim bilan adam janjallashishyapti. Adam oyimni “Sen filsan!” desa, oyim adamga “Maymun” deb baqiryapti. Ota-onam fil va maymun bo'lishsa, men unda kimman? – degan ekan bolakay.

— Televizor hech qachon gazetaning o'rnini bosa olmaydi.
— Nimaga endi bosa olmas ekan?
— Mana misol uchun, sen televizorni yuzingga bosib uxlay olasanmi?

Er-xotin yangi xonadonga ko'chib o'tishibdi. Xotin eriga:
— Jonim, uyimizning devorlari ingichka ekan. Sal balandroq gapirsam, qo'shnilarga eshitiladi. Shu devorlarni qalinrog'iga almashtirsakmikan? – desa, eri xotirjam o'tirib:
— Havotir olma! Qo'shnilarning o'zi seni ovozingni eshitishlari bilan devorlarini almashtirib olishadi, - dermish.

25 yoshli yigit do'stiga maqtanib debdi:
— Ishonasanmi? Bir oy avval yasashni boshlagan pazlni kecha tugatdim.
— Hazllashyapsanmi?! Axir shunchalik ham sekin yasaysanmi?
— Nimasi sekin!? Pazlni qutisida 3-6 degan yozuvlar bor edi-ku! Demak men tez yasaganman.

Ikki do'st uchrashib qolishibdi. Biri ikkinchisidan so'rabdi:
—O'rtoq, oxirgi marta qachon cho'milding?
Do'sti javob beribdi:
— Ikki yilcha bo'ldi shekilli.
— Ha yaxshi...
— O'zing-chi, qachon cho'milding?
— Men oxirgi marta olti oy oldin basseynga borgandim.
— Baliq bo'lib ket-ey, o'rtoq!

Xotin eriga:
— Adasi meni sevasizmi? – desa, eri:
— Ahmoq xotin, shuni to'ydan avval so'rasang bo'lmasmidi?! – dermish.

<< < 325 326 327 328 329 330 331 > >>

Tavsiya qilamiz

Bosh sahifa