Latifalar

Boshliq kotibasi bilan poezdda bir kupeda ketyapti. Erkak pastki joyda, kotiba esa yuqoridagi joyda. Tunda kotiba pastga qarab:
— Men sovuq qotyapman. Menga ko'rpa uzatib yuborolmaysizmi?- deb nozlanibdi.
— Keling, bu tun bir-birimizni er-xotin deb tasavvur qilamiz,- debdi boshliq
Kotiba xursand bo'lib:
— Bajonidil! - debdi
— Unday bo'lsa ko'rpani o'zing ol! Qo'ling sinmaganku axir! - deb o'shqiribdi boshliq

Pazandachilik kursida o'qiyotgan qizdan onasi so'rabdi:
— Dars paytida tayyorlagan taomlardan o'zingiz ham eysizlarmi?
Qiz yig'lamsirab:
— Eyishga majburlashadi, - degan ekan.

Futbol ishqibozi o'g'lini erkalatyapti:
— Meni yolg'izim, shirin bolam, kelajagim meni! Sen meni hayot o'yinimda urgan golimsan! Shunda xotini eriga qarab:
— Men-chi adasi? – debdi.
Shunda er xotiniga:
— Sen ham urgan golimsan. Faqat o'z darvozamga urib qo'ygan – avtogolsan, - dermish.

— Oyijon, gaz plitamiz nega buncha kir bo'lib ketdi?
— Akang tuxum qovuribdi.
— Nima, akam tovani topolmabdilarmi?

— Eshitdingmi? Xumo degan yangi to'lov tizimi chiqar emish.
— Yo'q, eshitmadim. Yaxshi ishlasa bo'ldi-da...
— Oldindan biror nima deyish qiyin. Avvallari Xumo lotereyasi bo'lar edi. Ishqilib, bu Xumoni ishlash-ishlamasligi lotereya bo'lmasa bo'lgani...

Xodim rahbarning xonasidan chiqib kelayotsa, hamkasbi yoniga kelib so'rabdi:
— Xo'sh, tinchlikmi? Boshliq nima dedi?
— Ikkita yangiligim bor. Bitttasi yaxshi, ikkinchisi yomon...
— Yomonidan boshlayqol!
— Meni ishdan bo'shatishdi.
— Yaxshisi-chi?
— Sen ham bo'shatilding!

Bir kuni ikki rus va o'zimizning afandi Yaltada uchrashib qolishibdi. Afandi ruslardan qaysi shahardan ekanligini so'rabdi.
Ruslardan biri:
— Andrey Moskvich! – debdi.
Ikinchisi:
— Vladimir Zaporojes, - debdi.
Shunda ziyrak afandi:
— Nasriddin Neksiya, - degan ekan.

Bir ayol radioga telefon qilib, efirga chiqibdi. Salom yo'llamoqchi ekanini aytib, debdi:
— Salom zapravkadagilar. Orangizda 3 kun avval metan quygani ketgan o'g'lim ham bor.
O'g'lim Anvarjon, telefoningni quvvati tugab qolgan bo'lsa kerak, telefon qilsam "o'chirilgan" deyapti.
O'g'lim, sen meni tinglayotgan bo'lsang, yaxshilab eshit! Sen ketgan kuning xotining o'g'il farzandlik bo'ldi. Bugun uyga javob berishdi. Bolang va xotining sog'-salomat.
O'g'lingni ismini yaxshi niyat bilan Metanbek deb qo'ydik. Umri zapravkadagi navbatlardagidek uzoq bo'lsin.
Keyingi hafta beshik to'y. Imkon qilib kela olsang kelgin bolam. Bo'lmasa xafa bo'lmaymiz. Tushunamiz holatni, deb onang.

Konservatoriya talabasi mutaxassislik bo'yicha bitirish imtihoni oldidan hayajonlanib tursa, kursdoshi:
— Shu ham muammomi? Imtihon oladigan o'qituvching yozgan kompozisiyasini olgin-da, boshidan oxirigacha teskari o'girib yozginda, topshirib chiqaver! – deb maslahat beribdi.
Talaba hafa bo'lib:
— Unaqa qilib ko'rdim, ustozim yozgan musiqasini teskari chalib ko'rsam, Betxovenni musiqasi chiqyapti.

To'lqin:
— Akobir, senga nohush xabar aytmoqchiman: Sen oxirgi paytlarda qandaydir g'alatiroq bo'lib qolgansan.
Akobir:
— Ho'sh, qanaqa xabar aytmoqchisan?

<< < 324 325 326 327 328 329 330 > >>

Tavsiya qilamiz

Bosh sahifa