Latifalar

— Bilasanmi onasi, agar bordi-yu chapga to'rt martta yursam, unda geometriya qonunlariga ko'ra yana sening oldingga qaytaman.
— Agar men to'rt martta chapga yursam-chi?
— Sen onangni uyiga qaytasan!

Bir ayolning eri har kuni mast bo'lib uyiga kelar ekan.
Nihoyat xotinini sabri tugab eriga debdi:
— Dadasi, agar ertaga ichishni tashlasangiz, boqib turgan qo'chqorimizni oyog'ingiz ostiga so'yaman, - debdi.
Ertasi kuni eri har kungidan battar ichib, mast bo'lib kelibdi va to'g'ri qo'yxonaga borib, qo'chkorga qarab debdi:
— Qo'rqma! Sen so'yilmaydigan bo'lding! Toki men tirik ekanman, hali ko'p yashaysan!

Qo'shni sinf xonadan kelayotgan shovqindan dars o'ta olmagan o'qituvchi shartta yonidagi sinfga kiribdi-da, hech narsa demay, tik turib gapirayotgan bolani qulog'idan tortib o'zini sinfiga olib kirib o'tkazib qo'yibdi.
Birozdan keyin eshik taqillab bir o'quvchi kiribdi-da debdi:
— Kechirasiz, boya bizni o'qituvchimizni quloqlaridan tortib olib chiqib ketgan edingiz. Qaytarib berasizmi?

Inxa universiteti olimlari yangi robot-odam yaratishibdi. U hatto o'chirilgan holatda ham 3ta funksiyani bajarar ekan: kiyinish madaniyati bo'yicha tekin maslahat berish, atrofdagilarni so'kish va undan keyin kechirim so'rash.

Bugun boshlig'imiz ta'tildan ishga qaytdi.
Dengizda dam olib, quyoshda rosa toblanib, qorayibdi. Endi aniq mahluqdan farqi qolmabdi!

Bitta bola do'konga kirib:
— 1200 so'mlik non bormi? – debdi.
— Bor, - deyishsa, bola:
— Nechi pul? – degan ekan.

Qadim zamonda bir qabila bo'lgan ekan. Qabilani xalqi juda-yam sodda, nima desang o'shanga ko'naverarkan. Bir kuni hamma odamlarni yig'ib, «Bugun soat 14:00da sizlarni dorga osamiz. Kelish majburiy!» deyishibdi.
Aytilgan vaqtga etib kelgan xalqni birortasi ham indamasmish. — Ana ko'rdingmi, bularga baribir. Bittasi ham qarshi chiqmaydi. Nima desang ham ko'naveradi. Chopiqqa ham, qurilishga ham, dalaga ham, ko'cha tozalashga ham yo'q demay ketaveradi. Qara hech biri indamayapti, -deb turishsa, bittasi asta qo'l ko'taribdi.
— Hayriyat, ana bor ekan-ku, o'z huquqini biladigani. Qani, marhamat gapiring! - deyishsa, qo'l ko'targan odam:
— Bir nimani so'rasam bo'ladimi? – debdi.
— So'rang, eshitaman, - deyishsa,
— Osish uchun ipni o'zlaring berasizlarmi yoki o'zimiz bilan olib kelaylikmi? - dermish.

Yaponiyalik ixtirochilar robot ixtiro qilishibdi. U robot o'g'rilarni ushlar ekan. Robotni Rossiyaga olib borishsa, u erda kuniga 40 ta o'g'rini ushlabdi. Amerikada 50 tadan o'g'rini qo'lga olibdi. Ippodromga olib kelishsa, bir soatda robotni o'g'irlab ketishibdi.

— Kecha okulist qabuliga borgan edim.
— Xo'sh, nima dedi?
— Alifboni o'rganishim kerak emish...!

Xotin eriga debdi:
— Afrikada bir qabila bor ekan. U erda erlar xotinini sotib yuborarmish. Agar biz o'sha qabilada yashaganimizda, siz meni sotib yuborarmidingiz?
Eri debdi:
— Sotib o'tirmasdim. Sovg'a qilib yuborgan bo'lardim.

<< < 379 380 381 382 383 384 385 > >>

Tavsiya qilamiz

Bosh sahifa