Latifalar

Uch toshbaqa toqqa dam olgani chiqishibdi. Tog'ni uchiga chiqqunlaricha 20 kun o'tibdi. Endi o'tirib gulhan yoqamiz deyishsa, gugurt pastda qolib ketgan ekan. Toshbaqalardan biri debdi:
— Men pastga tushib gugurt olib chiqaman.
Oradan 3 kun, 5 kun, 1 hafta o'tibdi. Ikkita toshbaqa bir-biriga qarab:
— Endi qachon keladi? Juda sekin yuradi-da! – deb turishsa, sal nariroqdan sherigining ovozi kelibdi:
— Agar meni yomonlayversanglar bormayman! O'zlaring tushib gugurt olib kelaverasanlar!

— Do'stim, eng yaxshi ko'rgan ishing nima?
— Ishlarimni keyinga qoldirish.
— Masalan, qanaqa ishlarni?
— Keyinroq aytaman.

Bir bor ekan, ikki yo'q ekan. Uch bor ekan, to'rt yo'q ekan. Besh bor ekan, oltiyam bor ekan.

Bir haydovchi mashinasini boshqarib ketayotsa, orqasidan bittasi katta tezlikda kelib uribdi. Birinchi mashina haydovchisi tushib:
— Bu nima qilganing?! Shunaqa-yam haydaydimi? – deb baqira boshlabdi.
Orqadan kelib urgan mashinani haydovchisi bo'lsa muloyimlik bilan uzr so'rab:
— Bo'ldi, hammasini to'layman. Jonimiz omon qoldi-ku! Keling, sog' qolganimizni nishonlaymiz, - deb darrov mashinasidan aroqni olib, bir ryumkada quyib, “Oling, oling” deb ichirib yuboribdi-yu o'zi ichmabdi.
Aroqni ichib yuborgan haydovchi:
— O'zing nega ichmading? – desa, orqadan urgan haydovchi:
— Ana, YPH xodimlari kelishyapti. Oldin hal qilib olishsin avariyaga kim aybdorligi, - dermish.

Bir odam ishdan uyga qaytsa, uyida o'g'ri yurganmish. Bundoq qarasa o'g'ri juda bo'ychan, elkalari katta, baquvvat emish. Erda yotgan tayoqni qo'liga olib:
— Yaxshi-yam shunaqa katta ekansan. Bo'lmasa qorong'ida seni ko'rmas edim. Ko'zoynagim ishxonamda qolib ketibdi, - dermish.

Bir yigit ofisda ishlab o'tirsa, yonidagi hamkasbi nuqul boshini stolga qo'yib olib uxlarmish. Soatga qarasa, tushlik vaqti bo'libdi.
Haligi yigit hamkasbini yoniga sekin borib, turtib debdi:
— Tur endi, tushlik vaqti bo'ldi. Yur, ovqatlanib kelamiz.
Uxlab yotgan hamkasbi boshini ham ko'tarmay:
— Sen boraver... Men bugun tushliksiz ishlamoqchiman, - dermish.

Bir kishi uyida uxlab yotsa, hadeb qulog'iga “Ayfon, ayfon” degan tovush kelaveribdi. O'rnidan turib, derazadan pastga qarasa, yosh bolalar o'ynab yurganmish.
— Hoy tirranchalar, namuncha “Ayfon” deb baqirasanlar!? Uyquni-yam beliga tepdilaring! – desa, bolalar:
— Amaki, biz Ayubxon o'rtog'imizni chaqiryapmiz, - deyishgan ekan.

Do'konda sotuvchi xaridor uzatgan pullarga qarab:
— Siz bu pullarga hech narsa sotib ololmaysiz. Axir bu pullaringiz soxta-ku! – desa, xaridor:
— Men bu pullarni maydalamoqchiman xolos! Hech narsa sotib olmayman! – degan ekan.

Telefon qo'ng'irog'i jiringladi:
— Allo?
— Allo. Men morgga tushdimmi?
— Yo'q. Hozircha bu erga faqat qo'ng'iroq qilyapsiz.

Bir odam Afandiga:
— Yangisidan eshitaylik... – desa, Afandi:
— Ertalab nonushta qilib o'tirsam, tepa tishim bilan past tishim bitta non ustida urishib yotibdi, - debdi.

<< < 394 395 396 397 398 399 400 > >>

Tavsiya qilamiz

Bosh sahifa