Latifalar

Ukoldan emas, doktor kassaga yozib beradigan qog'ozdan qo'rqsangiz, demak, ulg'ayibsiz!

Bir kuni Afandi choyxonaga eshagi bilan borib, eshagini tashqariga bog'lab qo'yibdi.
Biroz vaqt o'tgach, chiqib qarasa eshagi yo'qmish...
— O'g'ri, o'g'ri! Eshagimni o'g'irlab ketishdi! – deb baqira boshlabdi.
Odamlar yig'ilibdi. Afandi yana debdi:
— Eshagim yo'q! Shu erga bog'lab ketgan edim. Agar bordi-yu eshagim topilmas ekan, otam qilgan ishni qilaman hozir! – debdi.
Odamlar hayron qolib “Otangiz nima qilganlar?” deb so'rayverishibdi.
Shunda afandi:
— Otamni ham eshagi yo'qolib qolganda, uyga piyoda ketganlar, - degan ekan.

Hayotda ko'p narsaga erishmoqchimisan? Unday bo'lsa hech narsani orzu qilma!

— Salom o'rtoq! Ko'rinmaysan. Qaerda ishlayapsan?
— Hech qaerda...
— Unda nima ish qilyapsan?
— Bekorchilik.
— Zo'r ish-ku!
— Ha! Raqobatni aytmaysanmi!?

Shahar transportidagi befarosatlar xit paradi:
1. Umuman yuvinmaydiganlar.
2. Tutqichdan ushlab turish o'rniga ustingga yiqiladiganlar.
3. Telefonda ovozi boricha baqirib gaplashadiganlar.
4. Qariya yoki yosh bolali yo'lovchini ko'rishi bilan uxlab qoladiganlar.
5. O'zini bekatiga etib kelmagan bo'lsa ham eshik oldidan ketmaydiganlar.
6. Yuzingga qarab yo'taladiganlar.
7. Sochini u yoqdan bu yoqqa silkitib yuzingga tekkizishni yoqtiradiganlar.

Otasi advokat, onasi sud-tibbiy ekspert xodimi bo'lib ishlaydigan bolakay hadeb jiringlayvergan telefon go'shagini ko'tarib:
— Allo? – desa, go'shakni u tomonidan notanish ovoz:
— Uyda kattalardan kimdir bormi? – debdi.
Bolakay:
— Adam qamoqxonada, onam esa morgda, - dermish.

Telefonimdagi budil'nik soatini ertalabki 6:00ga to'g'rilab qo'ydim.
Lekin o'zim 5:55 da uyg'onib, budilnikni o'chiraman. Chunki unga “Ummon”ni ashulasini qo'yganman...

Ikki do'st suhbati:
— Seni vijdoning tozami?
— Mutlaqo toza! Biron martta ishlatmaganman.

Chekka bir qishloqdagi bolalar bog'chasiga tekshiruvchilar kelibdi.
— Bolajonlar, sizlarga bog'cha yoqadimi?
— Ha!
— Nimasi yoqadi?
— Bog'chamizni hovlisida hovuz kavlab berishdi. Bosh bilan sho'ng'ishni mashq qilyapmiz. O'rganib olsak, suv to'ldirib berisharkan...

Ishga kirish vaqtida suhbat. Ish beruvchi:
— Institutda o'rgangan hamma bilimlaringizni unuting! Amaliyotga umuman to'g'ri kelmaydi.
— Men institutda o'qimaganman.
— Unda sizni ishga ololmaymiz. Bizga oliy ma'lumotlilar kerak.

<< < 398 399 400 401 402 403 404 > >>

Tavsiya qilamiz

Bosh sahifa