Latifalar

18 yoshga to'lgan o'g'li bilan otasi gaplashib o'tirib debdi:
— Eh o'g'lim, bizni davrimizda ham telegram, feysbuk, instagramlaring bo'lgan.
— Qanaqasiga?
— Yo'laklarga ismimizni yozib ketardik, ertasi kuni yonida izohlar qoldirib ketishardi...

Mehnat va bandlik vazirligiga qo'ng'iroq qilib tusha olmayapman. Band ekanlar!

Yangi Kaptiva mashinasi svetorofda to'xtasa, orqasidan Lasetti kelib qarsillatib uribdi. Kaptivadan baquvvat yigit tushib qarasa, orqadan urgan mashinani oynalari tonirovka qilingan ekan. Borib oynalarni sindirguday qilib ura boshlabdi. Bir payt qora oynalar tushirilgan ekan, ichida 2 ta qo'riqchisi katta amaldor o'tirgan ekan.
Kaptivani egasi unga qarab:
— Boyadan beri mashinangizni pulini kimga berishni bilmay chaqiryapman, - dermish.

Bir odam daryoda cho'ka boshlabdi. Bor ovozi bilan “Yordam bering! Pomogite! Help me!” deb baqirayotgan ekan, o'tib ketayotgan bir kishi unga qarab:
— Shuncha tilni o'rganguncha suzishni o'rgansang bo'lmasmidi?! – dermish.

— Qachon buyuk kelajak keladi?
— Qanaqasiga kelsin?! Axir u kelajak-ku!

Ayol oshxonada ovqat suzayotsa, surbet, jonga tegib ketgan qo'shnisi yana kirib kelib:
— Voy qo'shni ovqatingiz pishdimi? Yana ovqatlanib ketarkanmanda... – debdi.
Jahli chiqqan uy egasi unga ham ovqatdan suzib, eb o'tirishsa, hovlidagi it irrillayveribdi.
— Qo'shni, nega itingiz meni tanisa ham irrilayveradi? – desa, mezbon ayol:
— Chunki itim uni kosasida ovqat eganlarni yoqtirmaydi, - dermish.

Ishga yana kech qolib kelgan xodimning oldidan rahbar chiqib so'rabdi:
— Xo'sh, bu safar nimani bahona qilasiz?
— Aytsam ishonmaysiz! Bekatda avtobus kutib...
— Balki bu safar men eshitmagan biror gapni aytarsiz?!
— Bugun ko'rinishingiz juda ajoyib o'rtoq boshliq...

Titanik cho'kib bormoqda.
Birinchi klass yo'lovchilari qutqarish qayiqlariga chiqib olgan bo'lsalar-da, ikkinchi va uchinchi klass yo'lovchilari kema kapitanining aysberglar kema uchun foydali haqidagi yolg'on cho'pchaklarini eshitmoqdalar.

Qiz va yigit uchrashuvda:
— Sizni yaxshi odatlaringiz nimada? – so'rabdi yigit.
— Men umuman ovqat tanlamayman, - debdi qiz.
— Xafa bo'lmasangiz, yomon odatlaringizni ham bilsam... – debdi yana yigit.
— Ovqat qilishni umuman bilmayman, - degan ekan qiz.

Bir tentakroq odam suvda cho'kayotgan kishini qutqarib olibdi.
Oradan ko'p o'tmay odamlar tentakni yoniga kelib:
— Siz uni suvdan qutqarib olgan edingiz, u bo'lsa o'zini osib o'libdi, - desa, tentak:
— Ie, o'lib qolibdimi? Men uni qurisin deb daraxtga ilib qo'ygandim, - dermish.

<< < 397 398 399 400 401 402 403 > >>

Tavsiya qilamiz

Bosh sahifa