Latifalar

— Hazrat, agar kechasi xotinimning yuzidan nur yog'ilib tursa nima bo'ladi?
— Bu xotining seni telefoningni tekshirayotganini bildiradi.

Xodim va rahbar:
— Siz o'z vazifalaringizni juda yaxshi bajarayapsiz. Oshirishning vaqti keldi menimcha...
— Nimani? Maoshimnimi?
— Yo'q, ish hajmini!

Ikkita ovchi ovga chiqib kechgacha o'lja topa olishmabdi. Ovchilardan biri ochlikdan hushidan ketib qolibdi.
Sherigi tez yordamga qo'ng'iroq qilib:
— Do'stim hushidan ketdi, tez etib kelinglar! – desa, tez yordamdagilar:
— O'zi tirikmi? – deyishibdi.
— Bilmayman, - debdi ovchi.
— Biz anig'ini bilishimiz kerak, - deyishsa, go'shakni narigi tomonidan bitta o'q ovozi eshitilibdi.
— Tirik ekan, ingrayapti, - dermish ovchi.

Bir kishi o'rmondan o'tib ketayotib, daraxtlar ko'pligidan rosa charchabti. Oxirgi to'nkaga o'tirib ichida “Qachon tugarkan bu daraxtlar?!” deb o'ylanib qolibdi.

Er semirib ketgan xotininga qarab turib:
— Onasi, suzishga qatnashsang bo'larmidi... Qomating buzilib ketyapti! - desa, xotini:
— Kit degan jonivorni bilasizmi? Bir umr suzadi. Qani unda qomat?! - debdi.

Bir kuni afandi milisiyaga qo'ng'iroq qilib:
— 715 raqamli oq rangli Neksiyani topib beringlar, - debdi.
Milisiya:
— Mashinangizni o'g'rilar ketishdimi? - desa, afandi:
— Yo'q. Shu mashinani orqasiga eshagimni bog'lab qo'ygan edim. Mashinani haydab ketib qolishibdi, - dermish.

N'yutonning hali e'lon qilinmagan qonuni:
“Pora bilan qo'lga tushgan amaldorning qarshiligi 0 ga teng”.

Tankchilar shiori:
— Zirhlarimiz mustahkam, tanklarimiz tezyurar!
Uchuvchilar shiori:
— Baland va yanada baland ko'tarilamiz!
Aloqachilar shiori:
— Qancha qattiq baqirsang, shuncha uzoq masofada eshitiladi!
Havo hujumidan mudofaa qo'shinlarining shiori:
— O'zimiz ham uchmaymiz, birovga ham bermaymiz!

Tasavvur qiling, siz tasavvur qilishni umuman bilmaysiz. Nima bo'lishini tasavvur qilib ko'rdingiz-a!?

Ko'p qavatli uyda yashovchi yoshgina yigit nog'ora sotib olibdi. Erta-yu, kech taqir-tuqur, taqir-tuqur hammaning joniga tegib ketibdi. Qo'shnilar chiqib shikoyat qilishibdi. Foydasi bo'lmabdi. Lekin yonginasida yashovchi qari qo'shnisi indamasmish.
Bir kuni u ko'chada nog'orasini ko'tarib uyiga kirib ketayotgan yigitni uchratib qolib unga shunday debdi:
— Sen o'zi bilasanmi nog'oraning ichida nimalar borligini???
Shu kundan boshlab nog'oraning tovushi umuman eshitilmay qolgan ekan.

<< < 396 397 398 399 400 401 402 > >>

Tavsiya qilamiz

Bosh sahifa