Latifalar

— Telefonimni batareykasi yana o'tirib qolibdi.
— Qaerga o'tirib olibdi? “Tur” demaysanmi?!

Vaqt allamahal bo'lganda darvozadan kirib kelgan o'g'lini oldidan otasi chiqib jahl bilan debdi:
— Qaerlarda yuribsan? Soat nechi bo'ldi?! Yuravermaysanmi ertalabgacha sang'ib!!!
Bu gapni eshitgan o'g'li shu zahoti cho'ntagidan telefonini olib, kimgadir qo'ng'iroq qilib:
— Allo, o'rtoq ketib qolmadingmi? Ruxsat oldim. Hozir chiqaman, - debdi.

Arab shayxi yurtidan chiqib ketayotib, bojxona ko'rigidan o'tmoqda.
Bojxona xodimi:
— O'zingiz bilan qimmatbaho narsalarni olganmisiz?
Arab shayxi:
— Ha. 145 kg oltinim bor. Olib ketsam bo'ladimi?
Bojxona xodimi:
— Yo'q, mumkin emas!
Arab shayxi yonida turgan xotiniga qarab:
— Eshitdingmi? Sen qoladigan bo'lding.

Ayollarning muammosi – erkaklar. Lekin erkaklarni o'zlari dunyoga keltiradi.
Demak, ayollar o'zlarining muammolarini o'zlari yaratar ekanlar.

Bankomat oldida:⠀
— Qizim hozir plastikdan pul echamiz va senga shokolad olib beraman, - debdi onasi.
— Oyijon, buni ichida dadam bormilar? – dermish qizi.

Ikki doktor gaplashyapti:
— Nega siz bemorlaringizni chala davolab, uyga javob beryapsiz?
— Axir men yarim stavkadaman-ku!

— Sizning hozirgi moddiy ahvolingiz?
— Do'konlarga isinib olish uchun kiryapman...

O'qituvchi ona tili fanidan "Olmoshlar" mavzusini o'tibdi.
"Biz" olmoshini tushuntirib berib debdi:
— Uyda yaxshilab takrorlanglar, - debdi.
O'quvchilardan biri "Biz" olmoshini yaxshilab tushunib olish maqsadida, eshikdan kira solib oshxona tomonga qarab:
— Oyi bizni qornimiz ochib ketdi, ovqat eymiz, - desa, oyisi sekin oshxonadan boshini chiqarib:
— Hoy o'rtoqlaring ketsin. Keyin ovqat eysan. O'zi ovqat bir kishilik, - dermish.

Kechasi oyoqda tura olmaydigan ahvolda mast bo'lib kelgan ota xojatxonaga kirib, o'rindiqqa boshini qo'yib o'tirib olsa, hali uyquga yotmagan kichkina o'g'li adasini ko'rib qolib:
— Ada, xojatga teskari o'tirib oldingiz! - degan ekan.

Ikkita ovsin gaplashib o'tirishsa biri debdi:
— Hoy ovsinjon, oldingizdan ikkita qop chiqdi. Birida to'la oltin, ikkinchisida esa aql. Siz qaysi birini olardingiz? – desa, ovsini ham o'zini ko'rsatmoqchi bo'lib:
— Men aql solingan qopni olardim, - desa, ovsini:
— Ha, kimga nima etmasa shuni oladi-da...- dermish.

<< < 395 396 397 398 399 400 401 > >>

Tavsiya qilamiz

Bosh sahifa