Latifalar

Qimmatbaho mo'ynali pal'to sotib olgan ayol sotuvchidan so'rayapti:
— Bir narsa iltimos qilsam maylimi? Pal'toni uyimga eltib berishganda, menikiga kirishdan oldin “adashib” qo'shnimning eshigini taqillatishlarini xohlardim...

Bir kuni gaz bilan svet turmush quribdi. Oradan bir yil o'tib ulardan gazbalon bilan dvijok dunyoga kelibdi.
Yillar o'tib, gaz bilan svet ajrashibdi. Svet Xitoyga, gaz esa Rossiyaga ketib qolishibdi. Bizlarga gazbalon bilan dvijok qolgan ekan.

1. Onangni otangga maskasiz ko'rsatma!
2. Boshingga qilich kelsa ham maska taq!
3. Kelinni kelganda ko'r, maskasini echganda ko'r!
4. Do'st maska so'raganingda bilinadi!
5. Maska bilan obod yuzing, gar bo'lsa u vayrona ham!
6. Bir o'zbekka ham maska kerak, ham antiseptik, deganlaridek...
7. Maskaga ishonma, maskasiz yurma!
8. Bugungi maskani ertaga taqma!
9. Maskang xalol bo'lsa, ko'chada taq!
10. Maskangni yashirsang, istimasi oshkor qiladi!
11. Maskasi bo'lmasa ham aptekachining bolasi gapirsin.
12. Og'zi qiyshiq bo'lsa ham maskasi bor gapirsin!
13. Maskaning 3 kun taqilgani ham maska...
14. Er xotinning urushi, doka maskaning qurishi...
15. Maska sotsang qo'shningga sot, u bilan o'zing gaplashasan...
16. Maskasi yo'q, maskasi eskiga kuladi.....
17. El og'ziga maska tutib bo'lmas!
18. Maskasi borning maskasi yo'q bilan nima ishi bor?
19. Maskang kechagi bo'lsa ham taqib ol!
20. Maskalar bor, maskalarning naqshidir, Maskalar bor, mikrob undan yaxshidir!
21. Yuzta maskasiz do'stdan bitta maskali dushman afzal!
22. Oltin olma, maska ol, maska oltin emasmi?
23. Maskasiz birni engar, maskali mingni!
24. Karantindan keyin maskani ... taq!
25. Maskali, senga gapiraman, maskasiz, sen eshit!

Rais ishchilarga majlis o'tkazyapti:
— Matqobul, siz yana hayfsan oladigan ish qildingiz! - debdi ishchilardan biriga.
Jim o'tirgan boshqa bir ishchi chiday olmay o'rnidan turib raisga debdi:
— Rais tog'a, nega hadeb shu Matqobilga bir narsalar beraverasiz?! Bizda-yam bola-chaqa bor! Bizgayam biror martta bering-da o'sha hayfsandan. Biz ham olaylik!

Karantinga olingan ikkita bemor gaplashmoqda:
— Qanaqa qilib qochamiz karantindan?
— Kasalxona devori past ekan. Devordan oshib qochamiz.
— Devorni o'zi yo'q ekan-ku!
— Nima? Tamom! Unda qochishni iloji yo'q!

Bir qizni uyiga yigitidan sovchilar keladigan bo'lib qolibdi. Lekin qiz onasiga bu haqda nima deb aytishni bilmay debdi:
— Oyijon, yaqinda uyimizda to'y bo'ladi.
Onasi bo'lsa:
— Voy qizim, otang olamdan o'tganidan keyin ancha yolg'izlanib qoldim..., - degan ekan.

Bolakay uyga xomush kelib onasiga debdi:
— Oyijon, bugun adam bilan ketayotsam, avtobusga bir ayol chiqdi. Men o'rnimdan turib u ayolga joy berdim. Ayol bo'lsa o'tirmadi.
Onasi so'rabdi:
— Keyin sen nima qilding?
Bolakay:
— Nima qilardim!? Yana adamning tizzasiga qaytib o'tirdim.

Vaqti kelib, nevarayu evaralarimiz bizning uydan chiqmay divanda yotib, pul't bilan televizorni boshqarib yotgan hozirgi paytimizdagi suratlarimizni ko'rib, biz bilan rosa faxrlanishsa va "G'alaba uchun rahmat!" deyishsa kerak.

Yarim kechada afandi ko'chada izg'ib yursa, mirshab to'xtatib:
— Nima qilib yuribsiz? - debdi.
Afandi:
— Uyqim qochib ketdi, qidirib yuribman, - dermish.

Ishga joylashmoqchi bo'lgan nomzod suhbatdan o'tmoqda:
— Tajribangiz bormi? - so'rabdi rahbar.
— Ha, bu yigirmanchi suhbatim... - debdi nomzod.

<< < 410 411 412 413 414 415 416 > >>

Tavsiya qilamiz

Bosh sahifa