Latifalar

Karantinda o'tirish juda foydali ekan.
Bitta paketga 2078 ta, ikkinchi paketga esa 3020 ta grechka donasini solib bizni aldab yurishgan ekan insofsizlar! Bugun shuni aniqladim!

Bir erkak bozorga borib tarvuz sotib olmoqchi bo'libdi.
Bitta tarvuzni chertib ko'ribdi, ikkinchisini chertib ko'ribdi, uchinchisini...
Bir payt xotini shang'illab:
— Dadasi, bo'ldi-da endi, uyg'oning! Boyadan beri boshimga chertaverib xunob qildingiz-ku! - degan ekan.

Televizorda hamma tinimsiz "uyda o'tiring" deydi. Hechkim "uyda yoting" demaydi. O'tirishdan zerikib, yotib ko'rdim. Mazza ekan...

Tanish-bilishlariga qarz berib qaytarib ololmayotganlar diqqatiga:
Hozir uyiga boring! Aniq topasiz!

Do'konga kirsam, rastalar bo'm-bo'sh! Hamma narsani olib ketishibdi. Un yo'q, guruch yo'q, grechka yo'q, shakar yo'q, ...
Janjal ko'tardim. "Nega hech narsa yo'q" deb baqirdim. 3 kishi meni haydab chiqarishdi. Nima emish?! Bu mebel' do'koni emish...!

Oyim menga nuqul "Uyda o'tiraversang, hech narsaga erisholmaysan!" der edilar.
Endi esa uyda o'tirib, dunyoni qutqaryapman.

Boshliq majlis o'tkazayotsa, kimdir aksirib yuboribdi.
Hamma niqobda, boshliq kim aksirganini bilolmasdan:
— Kim aksirdi? - debdi.
Hamma jim!
— Kim aksirdi deyapman?!
Yana hamma jim!
Bir xodim sekin o'rnidan turib "Tamomman endi" deb "Men, aksirdim boshliq" desa, boshliq:
— Sog' bo'ling! - degan ekan.

Yigit:
— Men sizni sevaman.
Qiz:
— Kim bu?
Yigit yana:
— Men sizni juda qattiq sevaman.
Qiz:
— Kim bu deyapman? Menga bunday SMSlarni yozmang!
Yigit:
— Meni ikkita Kaptivam bor.
Qiz:
— Men ham sizni sevaman.
Yigit:
— Kim bu?

— Seni orzuing bormi?
— Ha. Chekishni tashlashni xohlayman!
— Unda tashla!
— Keyin orzusiz nima qilaman?!

"Hayotda masofalar hech narsani hal qilmaydi" deydigan insonlarga hojatxonani uyingizdan 1 km uzoqqa quring-chi, ko'ramiz hal qilmasligini degim keladi.

<< < 411 412 413 414 415 416 417 > >>

Tavsiya qilamiz

Bosh sahifa