Latifalar

— Allo, eshitishimizcha, siz ish qidirayotgan ekansiz...?!
— Ha! Siz menga ish taklif qilmoqchimisiz?
— Yo'q. Kreditga uy taklif qilmoqchiman. Ishga joylashib olgach, shu raqamga qo'ng'iroq qilib qo'ysangiz...!

— Xotinimni tug'ilgan kuniga nima sovg'a olishni bilmayapman...
— O'zidan so'rab qo'ya qolmaysanmi?
— Yo'g'-e, unaqa ko'p pulni qaerdan olaman?!

Tirband avtobusda bir erkakning baland ovozi eshitilibdi:
— Akvariumim bor. O'tkazib yuborsangiz-chi!
Buni eshitgan bolakay qiziqib so'rabdi:
— Amaki, akvarium qani?
Erkak o'zidan oldin kirib kelayotgan katta, dum dumaloq qornini silab:
— Mana akvarium. Ichida 1 litr pivo bilan 2 ta selyodka bor, - dermish.

Bir ayol dugonasiga qo'ng'iroq qilib nolibdi:
Qizim tarbiyasiz bo'lib ketyapti. Endi 16 ga to'ldi-yu, ochiq-sochiq kiyinib olib yarim tungacha ko'cha sang'iydi... Mana, bugun meni 30 yoshga to'lganim bilan tabriklamadi ham...

— Do'stim, nega kayfiyating yo'q?
— E, ko'rmaysanmi! Benzin yana oshibdi.
— Senga nima? Axir seni mashinang yo'q-ku!
— Mashinam bo'lmasa ham, Zippo zajigalkam bor-ku! Unga benzinni kim quyadi!?

Bir erkak oyoqda tura olmaydigan ahvolda mast bo'lib o'yga kelibdi.
“Jahl otiga mingan” xotini endi baqiraman desa, eri qo'lini labiga qo'yib:
— Tsh-sh-sh, jim! Men bir narsa topdim, - debdi.
— Nima? – debdi xotini.
— Sabr qil. Ertalab aytaman, - deb uxlab qolibdi eri.
Tong otishini sabrsizlik bilan kutgan xotin, eri uyg'onishi bilan so'rabdi:
— Ho'sh, topgan narsangizni ayting endi!
Eri:
— Aytsam ishonmaysan... Yangi mayxona topdim, - dermish.

Anchagina semirib ketgan qiz uydagilardan unga ozishga yordam berishlarini so'rabdi.
Ertasi kuni uyg'onib muzlatgichni yoniga kelib qarasa, oq qog'ozga quyidagi so'zlar yozib qo'yilgan ekan:
“Semiz qiz – oilamiz uchun sharmandalik!”

Kollejda dars jarayoni:
— Eshmatov, nega vazifani bajarmading?
— Men Yoshlar Ittifoqi bilan tadbir qilyapmiz. Tayyorgarlikda edim. Tavsiya qilishsa, talaba bo'laman.
— Tushunarli, o'tir! Toshmatova, vazifani bajardingmi?
— Nashriyotga borgandim. She'riy kitobim chiqyapti. Zulfiyachilarga imtiyoz bor ekan. Xudo xohlasa, talaba bo'laman.
— Yaxshi, o'tir. Ha Abdurayim, kech qolibsan!? Vazifaniyam bajarmagandirsan?
— Endi dars qilishim shart emas. Dadam harbiy. Deyarli talabaman.
— Kir, joyinga o'tir. Soliev?
— Ustoz, avval ham aytganman. Kollejni bitirib olsam, dadam bilan Rossiyaga ketaman.
— Sen-chi?
— Ustoz men IELTS o'qiyapman.
— Hech kim vazifani bajarmadimi?
—Ustoz, talaba bo'lishga joy qolmadi. Siz ham dars o'tib ovora bo'lmang, qiynalmang deymiz...
— Kelishdik, shovqin qilmay o'tiringlar. Komissiya kelarkan. Mana bu hujjatlarni to'ldirib qo'yay...

Psixiatr:
— Tushunishimcha, bugundan svet, gaz va benzin narxi oshganini eshitib umuman asabiylashmadingiz, to'g'rimi?
— To'g'ri. Mutlaqo!
— Bu kasallik sizda qachondan beri kuzatiladi?

Yandeks taksilari! Hamma joyni topa oladi. Faqat sizning ko'changiz va qaytim uchun mayda pullardan tashqari...!

<< < 476 477 478 479 480 481 482 > >>

Tavsiya qilamiz

Bosh sahifa