Latifalar

Ertalab bog'chaga otlangan qizaloq adasidan so'ramoqda:
— Ada, bog'chaga nimada boramiz?
— Piyoda.
— Ada, piyo qachon keladi?

Reklama yozuvlarini tayyorlovchi firmadan maxsus sovg'a.
Noshud tadbirkorlar diqqatiga: "Biz ochildik" yozuviga qo'shimcha tarzda "Ijaraga beriladi" va "Sotiladi" yozuvlari bepul taqdim etilmoqda.

Bir kuni afandi o'zbek, rus va qozoqga bittadan avtomobil' olib kelishlarini aytibdi. O'zbek velosiped, rus Malibu haydab kelibdi. Qozoqdan esa darak yo'q emish. Shunda afandi:
— Endi har kim olib kelgan narsasini ko'tarsin, - debdi.
O'zbek velosipedni darrov ko'taribdi. Rus esa bir kulib, bir yig'larmish.
Afandi rusdan nega kulib, yig'layotganini so'rabdi.
Shunda rus afandiga:
— Yig'lashimni sababi, Malibuni ko'tara olmayapman. Kulishimni sababi esa, anavi erda qozoq tank haydab kelyapti, - dermish.

Bir odamga bank kredit berishni rad etibdi. Qanday qilib qasd olishini uzoq o'ylab, oxiri shu bankdan shaxsiy yacheyka olibdi. Unga ikki kilogramm baliq olib kelib qo'yibdi-da, yacheykaga faqat o'zi biladigan kod raqamini o'rnatib ketibdi.

Bir kuni shifoxonada bemor uxlab yotsa, vrach uni uyg'otib:
— Uyg'oning! Uyqu dori ichadigan vaqtingiz bo'ldi, - degan ekan.

Kechagina uylangan yigitning xursandchiligi ichiga sig'may, tog'larga chiqib baqira boshlabdi:
— Men baxtliman!
— Men baxtliman!, - degan sado qaytibdi.
— Men uylandim, - deb baqiribdi yana yigit.
Tog'lardan esa:
— Battar bo'l!, - degan sado qaytgan ekan.

Ikki ovchi o'rmondan chiqib kelayotishsa, ulardan bittasi to'satdan yiqilib tushibdi. U nafas olmayotgan, ko'zlari esa bir nuqtaga qaragancha qotib qolganmish. Ikkinchi ovchi darhol “tez yordam”ga qo'ng'iroq qilibdi. Hayajonlangan ovchi go'shakni tutganicha qichqiribdi:
— Do'stim o'lib qoldi! Nima qilay?
Narigi tarafda operator javob beribdi:
— O'zingizni bosing! Sizga yordam beramiz! Avval ayting-chi, do'stingiz rostdan ham o'lib bo'ldimi?
Bir necha soniya jimlikdan so'ng ov miltig'ining gumburlagan ovozi eshitilibdi. So'ng ovchi operatorga:
— O'lganligi aniq. Tekshirdim. Xo'sh, endi nima qilay?

Ikki o'rtoq ta'qiqlangan joyda baliq tutib o'tirsa, tekshiruvchilar kelib:
— Ov qilishga ruxsatnomangiz bormi? - desa, bittasi o'rnidan turib, qocha boshlabdi. Tekshiruvchi uni quvlab, etib olibdi-da:
— Nega qochasan? Hujjating yo'q-mi? - degan ekan, u yigit ham, — Meni hujjatlarim joyida. Do'stimni ruxsatnomasi yo'q edi-da, - dermish.

Er xotiniga debdi:
— Xotin, ishdan kelganimda do'ppim peshonamda turgan bo'lsa, demak kayfiyatim yaxshi. Istagan narsangni so'rashing mumkin. Agar do'ppim boshimni tepasida bo'lsa, kayfiyatim yomon. Yaxshisi menga yaqinlashma!
Xotini eriga qarab turib:
— Dadasi, uyga kelganingizda meni qo'llarim belimda bo'lsa, kayfiyatim chatoq. Sizni do'ppingiz qaerda ekanini farqi yo'q menga, - degan ekan.

Har yili birinchi avgust kuniga qadar aroq bilan pivoni aralashtirib yurgan abiturientlar, birinchi avgustda test varaqlari orasiga shpargalkalarni aralashtirib o'tirishadi.

<< < 644 645 646 647 648 649 650 > >>

Tavsiya qilamiz

Bosh sahifa