Latifalar

Otasi o'g'liga:
— Bu yil ham o'qishga kira olmasang, otam dema meni! Seni tanimayman!
Imtihonlar tugagach, adasi o'g'lidan so'rabdi:
— Ho'sh o'g'lim, imtihonlar qanday o'tdi?
O'g'li esa:
— Kechirasiz, sizni tanimayroq turibman, kimsiz?

Ahmad, Shuhrat va Shavkat degan bezori yigitlar yarim tungacha ichib o'tirib, mast holatda uxlab qolishibdi. Uchchalasi ham bir xil tush ko'rishibdi. Tushida farishta qabuliga navbatda turishgan ekan. Birinchi bo'lib Ahmadga kiribdi:
— Mana bu qalin kitobga seni gunohlaring yozilgan. Shu kitob bilan boshingga uraman. Yiqilsang, do'zzaxga tushasan, - debdi farishta Ahmadga.
Ichkaridan “gurs” etgan tovush eshitilibdi. Birozdan keyin Ahmad emaklab, zo'rg'a chiqib kelibdi.
Ikkinchi bo'lib Shuhrat kiribdi. Ichkaridan yana “gurs” etgan ovoz kelib, Shuhrat ham emaklab chiqib kelibdi.
Oxirgi bo'lib Shavkat kirib ketibdi. Anchagacha hech qanday ovoz eshitilmabdi. Bir vaqt ichkaridan Shavkat kulib chiqibdi.
— Nima, seni urmadimi? – deyishsa,
— Yo'q, kitobni og'irligidan ko'tara olmadi, - dermish.

Bir boy odam xotiniga qo'ng'iroq qilib:
— Azizam, gaplarimni eshit! Meni biznesim tamom bo'ldi, inqirozga uchradi. Endi meni hech narsam yo'q!
Eri ishdan qaytib kelsa, uyda xotini yo'q emish. Hamma narsalarini yig'ishtirib, ketib qolibdi.
Eri bo'lsa:
— Ey, jin ursin bunday ahmoqni. Hazilni-yam tushunmaydi o'zi bu!, - dermish kulib.

Ikki talaba turmush quribdi. To'yda kelin hech narsa emay o'tirsa, bir mehmon so'rabdi:
— Nega bu kelin hech narsa emaydi-yam, ichmaydi-yam?
O'tirganlardan biri:
— Chunki u pul qo'shmadi-da!

DAN xodimi bir avtomobilni to'xtatib, yukxonasini ochib qarasa, ichida o'nta pichoq turgan ekan. Haydovchiga qarab:
— Shuncha sovuq qurolni nima qilasiz?, - debdi.
Haydovchi:
— Men sirkda ishlayman, - deb pichoqlarni olibdi-da, janglyorlik qila boshlabdi.
Ko'chadagi boshqa mashinada o'tib ketayotgan haydovchilardan biri yonidagi xotiniga qarab, qo'rquv bilan:
— Qara xotin, yaxshi-yam ichishni tashlaganim. DAN xodimlarida yangi test chiqibdi, - dermish.

Uchrashuvga chiqqan yoshlar suhbatlashmoqda:
— Qaerda ishlaysiz?, - so'rabdi qiz.
— Yoqilg'i quyish shahobchasida, - javob beribdi yigit.
— Qo'lingizdan yana biror nima keladimi?
— Ha. Benzinning hidi keladi.

To'qqizinchi sinfgacha aroq bilan pivoni aralashtirganlar, sal keyinroq beton aralashtirib yuradilar.

Bir kuni afandi cho'lda ketayotsa, oldidan sehrli ko'za chiqibdi. Afandi ko'zani ishqalabdi. Ichidan katta jin chiqib:
— Amringizga muntazirman, - debdi.
— Uyga ketgim kelyapti, - debdi afandi.
— Unda ketdik, - debdi jin.
— Tezroq ketgim kelyapti, - desa
— Unaqada yugurdik, - dermish jin...

O'g'li otasiga debdi:
— Dada, men uylanmoqchiman!
Otasi:
— Avval kechirim so'ra.
— Nimaga?
— Sen avval kechirim so'rashing kerak!
— Lekin nima uchun kechirim so'rayman? Gunohim nima?
— Uzr so'ra!
— Nima qildim? Sababini ayting!
— Uzr so'ragin.
— Xo'p mayli, kechiring dada. Endi sababini aytarsiz?
— Ana endi uylansang bo'ladi. Hech qanday sababsiz uzr so'rashni o'rganib olding. Bu uylanganingda juda kerak bo'ladi.

Kunlarning birida Putin pokemonlarni ovlash uchun chiqmoqchi bo'libdi. Shu kuni Rossiya yo'llari shunaqangi tez ta'mirlanibdiki, hali bunaqasi davlat tarixida bo'lmagan ekan.

<< < 646 647 648 649 650 651 652 > >>

Tavsiya qilamiz

Bosh sahifa