Bir ayol hamkasbi bo'lgan erkakka yoqish uchun: — Egnimdagi ko'ylak sizga yoqdimi? - deb so'rayveribdi, so'rayveribdi... Beshinchi marotaba so'ragach, haligi erkak chiqday olmay: — Keling, shu "masalani" echib qo'ya qolaylik! - degan ekan.
Broller tovuqlarning bir maqoli bor: "Eyish uchun yashama, eyilish uchun yasha!"
Bekatda bir yigit yonidagi chiroyli qizga: — Men sizni tanidim. Kecha klubda ichki ko'ylakda raqs tushgan qizsiz, shundaymi? - desa, qiz: — Ha, demak siz ertaroq ketib qolgan ekansiz-da, - dermish.
Bir kuni ayol bozordan tort sotib olibdi. Kechqurun uyida tortni kesaman desa, hech pichog'i o'tmasmish. Kremlarini olib tashlab qarasa, tort orasiga Samarqandni tandirida yopilgan nonni qo'yishgan ekan.
Bir odam ikkinchisiga debdi: — Sen menga kimligingni aytsang, sening do'sting kim ekanini aytib beraman. Ikkichisi: — Men millionerman, - debdi. Birinchisi: — Sening do'sting menman! - dermish.
Eri xotiniga: — Agar uyda ham o'zingni kassirdek tutishni bas qilmasang, hoziroq kiyim-kechaklarimni yig'ishtiraman-da, ketaman! Xotini: — Qadoqlab, paketga solib beraymi?
Ikkita futbol ishqibozlari suhbat qurmoqda: — Bu o'yinchi haqida fikringiz qanaqa? — Bu o'yinchi menga Sirojiddin Sayidni eslatmoqda! — Axir u futbolchi emas-ku? — Shuning uchun ham uni eslatadi-da...
— Adajon, nimaga shokoladlarni zar qog'ozga o'rashadi? — Boshqa xonada tursak ham, seni shokolad o'g'irlayotganingni eshitish uchun!
Miriqib futbol ko'rib o'tirgan otasini yoniga qizi kelib: — Ada, bir daqiqa vaqt ajrata olasizmi? — Gapir qizim! — Tibbiyot akademiyasining qaysi fakul'tetiga hujjat topshirishni bilmayapman?! Stomatologiyami yoki kardiologiyami? — Odamda nechta tish bor? — O'ttiz ikkita! — Yurak-chi? — Bitta! — Hisob 32:1! Stomatologiya g'olib!!!
Ko'chada ketayotgan chiroyli qiz yoniga bir yigit kelib: — Yaxshi qiz telefoningizni bera olasizmi? - debdi. Qiz jilmayib: — Bir ko'rishdayoq sevib qoldingizmi?! - desa, yigit: — Yo'q, bir urunishdayoq telefonni o'g'irlamoqchiman! - dermish.
Tush.UZ - Tushlar tabiri