Latifalar

General bir guruh praporshikning zehnini sinovdan o'tkazmoqda:
— Ostonada bir juft qop-qora, yaltiroq buyum yotibdi. Nima u?
Sukunat.
— Eh galvarslar! Bir juft botinka! Endi qiyinroq savol beraman: eshik yaqinida to'rtta qop-qora, yaltiroq buyum yotibdi. Nima u?
Yana sukunat.
— Eh sen, kallavaramlar! Axir bu ikki juft botinka-ku. Xo'p, mayli, yanada qiyinroq savol beraman: botqoqda yashaydi, rangi yashil, vaqirlagani-vaqirlagan.
Nihoyat praporshiklardan biri qo'l ko'tarib:
— Uch juft botinka, o'rtoq general, - dermish.

— Allo, salom oyijon! Mendan havotir olmang, men kasalxonadaman.
— Bas qil qizim! Sakkiz yildan beri gapni shundan boshlaysan! Vrach bo'lib ishlaysan-ku axir.

Oq va qora tanli amerikaliklar Rossiyaga kelib qurilishda ishlar ekan.
Bir kuni ikkalasi ish joyida "ruschasiga" aroqni rossa ichib, qora tanlisi oyoqda turolmay qolibdi.
Oq tanli amerikalik sherigini orqasiga ko'tarib olib ketayotsa, birdaniga qurilish qorovuli baqirib qolibdi:
— Hoy, to'xta! Saqichni tashla joyiga!!!

Institutda oxirgi dars. Talabalar charchab, o'qituvchidan iltimos qilishmoqda:
— Javob bera qoling, juda-yam charchadik...
O'qituvchi:
— Yaxshi. Mana shu qo'limdagi ruchkaning siyohi tugasa, uyga ketasizlar.
Talabalardan biri:
— Ruchkangizni bering. Men siyohini ichib yuboraqolay!

Ikkita bojxonachi hamkasbini tug'ilgan kuniga nima sovg'a olishni maslahatlashmoqda:
— Balki unga mashina sovg'a qilarmiz?!
— O'tgan yili sovg'a qildik-ku...
— Balki yaxta sovg'a qilarmiz?!
— Ikkita yaxtasi bor-ku, nima qiladi uchinchisini...!
— Balki bir kunga navbatchilikda bir o'zini qoldirarmiz?
— Ha yo'q...! Bu juda katta sovg'a bo'ladi!!!

— O'rtoq komandir, televizor ko'rsak bo'ladimi?
— Ko'ringlar. Faqat yoqmanglar.

Nafaqaga chiqgan ikkita chol istirohat bog'idagi o'rindiqda o'tirishsa, yonlaridan chiroyli qiz o'tib ketibdi. Biri ikkinchisiga qarab:
— Qara anavi qizni. Hozir yigirma yoshli yigit bo'lsam tanishardim, - desa, ikkinchisi:
— Esingni eganmisan, yana yigirma yil ishlamoqchimisan? - dermish.

— Meni qo'l telefonim uy telefoniga aylanib qoldi.
— Nega?
— Nuqul elektr quvvatlagichda turadi...!

Yaqindagina vrachlik diplomini olgan yosh olim adasini yoniga xursand kelib:
— Ada, siz necha yildan beri da'vo topa olmagan kasallikka da'vo topdim. Bemorlarni da'voladim, - desa, otasi ensasi qotib:
— Tentak, shu kasallik ortidan necha yildan beri sizlarni boqib kelayotgandim-ku...! - dermish.

Bir kuni jinnixona boshlig'i jinnilarni sinash uchun hammasiga bo'sh likopcha berib:
— Ovqatinglarni eb olinglar, - debdi.
Hamma jinnilar lipopchani taqillatib ovqatlanayotgan harakat qilaverishibdi.
Faqat bittasi emasdan o'tirsa, boshlig'i:
— Nega ovqatingni emading? - desa, jinni:
— Bular jinni-da, issiq ovqatni eyishyapti. Men sovisa eyman, - dermish.

<< < 702 703 704 705 706 707 708 > >>

Tavsiya qilamiz

Bosh sahifa