Latifalar

Bir kuni chumoli o'rmondan o'tib ketayotsa, sher filni do'pposlayotgan ekan. Chumoli ham bir-ikki martta tepib, o'tib ketibdi.
Ertasiga chumolini kayfiyati yo'q yurgan ekan, hayvonlar:
— Nima bo'ldi? - deyishsa, chumoli:
— Filni o'limida meni ayblashyapti, - dermish.

Boy odam bilan o'g'ri odam do'st ekan. O'g'ri boydan so'rabdi:
— Seni seyfingni kodi nechi?
Boy:
— Seyfimni kodini nima qilasan?
O'g'ri:
— Agar esingdan chiqib qolsa, senga aytaman.
Boy:
— Kodini bir daftarga yozib qo'yganman.
O'g'ri:
— Daftaring qaerda?
Boy:
— Seyfimni ichida.

Seni orqangdan kulishsa, xafa bo'lma. Yig'lashlaridan qo'rqgin!!!

Bir kampir nikoh to'ylarda nuqul bo'ydoq yigitlarni yoniga kelib:
— Keyingisi seni navbating! - deb yurarkan.
Uni nabirasi ham buvisini odatini o'rganib olib:
— Siz keyingisi, endi navbat sizga! - deb yuradigan bo'lib qolibdi. Faqat bu gapini janozalarda aytar ekan...

Institutda imtihon ketmoqda. Hamma talabalar test variantlarini ishlab o'tirishibdi. Faqat bir talaba tanga tashlab, variantlarni belgilayotgan ekan. Domla uni kuzatib turib, hammadan oldin tamomlasa kerak, deb o'ylab qo'yibdi.
Barcha talabalar imtihon javoblarini topshirib ketishibdi. Haligi talaba hali ham tanga tashlab o'tirganmish. Domlani sabri chidamay, talabani yoniga borib:
— Imtihon vaqti tugadi. Javoblarni belgilashga ulgurdingizmi, - desa, talaba:
— Ha ulgurdim, - debdi, - qayta tekshirib chiqyapman, - dermish.

— O'rtoq mayor, botinkangizni rangi har xil ekan. Qarang, biri qora, biri qo'ng'ir. Uyga qaytib, almashtirib kelganingiz ma'qul.
— Bordim. Uydagi botinkalarimning ham rangi shunaqa, har xil ekan.

Ko'chada qizaloq yig'lab tursa, yoniga bir odam kelib:
— Kap-katta qiz ekansan. Nega yig'layapsan?
Qizaloq:
— Nima ishingiz bor. Yo'qoling bu erdan! - debdi.
Haligi odam yana:
— Kichkina bo'la turib, bunaqa yomon so'zlarni qaerdan bilasan?
Qizaloq:
— Tushunmadim. Bir kap-katta deysiz, bir kichkina deysiz...?!

— Hurmatli futbol ishqibozlari, bugungi o'yin futbolchilarimiz uchun juda muhim. Birgina "Gol" va bizning terma jamoamiz chempionatga yo'l oladi. Qani yigitlar olg'a!
Mana hujumchilarimiz raqib jamoasi darvozasini mo'ljalga olishmoqda va zarbaaaaaa! Gooooooooooooooool urolmadi!

Folbinga qo'ng'iroq bo'libdi:
— Allo, bu folbinmi? Chorshanba kuniga yozib qo'ya olasizmi? Qabulingizga bormoqchi edim.
— Buni iloji yo'q, - debdi folbin.
— Nima uchun?
— Chunki siz seshanba kuni oyog'ingizni sindirib olasiz!

Ruhshunos ko'rigiga kelgan bolakayga vrach savol beryapti:
— Mushukchani quloqlari nechta bo'ladi?
— Ikkita.
— Oyoqlari-chi?
— To'rtta.
— Dumi nechta bo'lishini ayta olasan-mi?
— Oyi, bu tentak amaki umrida mushuk ko'rmaganmi...?!

<< < 703 704 705 706 707 708 709 > >>

Tavsiya qilamiz

Bosh sahifa