Latifalar

Oldinlari qizlar meni orqamdan rosa yugurishardi. Hatto ba'zilari uyimgacha quvlab kelardi. Hozir bo'lsa yugurishmay qo'yishdi. Chunki qizlarni sumkasini o'g'irlamay qo'ydimda.

Bayramni ertasiga boshliq hamma xodimlarni majlisga yig'ibdi. Kayfiyati yo'q, avzoyi buzuq, xodimlarga qarab:
— Kecha bayramda kim ichdi? - deb savol bersa, hech kim indamabdi. Boshliq yana:
— Yana bir marta so'rayman, kecha kim ichdi? Yana hamma jim.
— Oxirgi martta so'rayapman. Kecha kim ichdi, - desa, bir xodim o'rnidan turib, qo'rqib:
— Men ichgandim, - desa, boshliq
— Siz men bilan yuring! "Bosh og'riq" qilamiz. Qolganlar ishini qilsin! -dermish.

Mohirbek bilan Mansurbek uyini ta'mirlashayotgan ekan, qo'shnisi kirib kelibdi. Mohirbek sekingina Mansurbekni qulog'iga:
— Qarab tur, yana biror asbobni so'rab chiqqan, - debdi pichirlab.
— Sen yo'q degin, - debdi Mansurbek.
Qo'shnisi ularga qarab:
— Hormanglar! Bugun sizlarga arrangiz kerak bo'ladimi?, - desa, Mohirbek:
— Ha, kechgacha faqat arrani ishlatamiz, - debdi qat'iy ohangda.
Qo'shnisi xursand bo'lib:
— Juda yaxshi-da! Unday bo'lsa, bolg'angizni olib turar ekanman-da bugun, - dermish.

Qiz sevgan yigitiga:
— Jon, znaesh'? Dunyoda takie veshi bor, luchshe ularni bilmagan yaxshi, - debdi.
Yigit:
— Bunga o'zbek tili grammatikasi ham kirsa kerak?! - dermish.

Dorixonadagi holat:
— Yaxshi qiz, menga oq rangdagi tabletkadan bersangiz...!
— Bu er dorixona! Oq tabletkalarimiz ko'p, qaysi birini so'rayapsiz?
— Ko'p bo'lsa, istagan birortasini beravering...

Qizlar ikki xil bo'lishadi:
Birinchisi, biror joyda chang ko'rsa, darrov uni tozalab tashlashadi.
Ikkinchisi, chang ko'rsa, uni ustiga "yurakcha"ni rasmini chiza boshlashadi.

Halokatga uchragan samolyot erga qulamoqda. Samolyot ichidagi bir ayol erkakka qarab:
— Oxirgi martta o'zimni ayol ekanimni his qilishga yordam bering!
Erkak ko'ylagini echib, ayolga:
— Mana, yuvib, dazmollab ber!!! - dermish.

Messi:
— Men buyuk Messiman!
Ronaldu:
— Men buyuk Ronalduman!
Ermatov:
— Men uchun senlar 10chi va 7chi raqamsanlar!

Birinchi talaba ikkinchi talabadan so'radi:
— Sizningcha, birinchi bo'lib, qaysi vahshiy jonivorlar paydo bo'lgan?
— Ilk davrlarda Rektozavrlar paydo bo'lgan. U o'z zahira manbai qilib Dekanazavrlarni chorlay boshlagan.
— Dekanazavrlar nima bilan oziqlangan?
— Bu davrga kelib, Talabazavrlar dunyoga kelgan. Ular bir yilda ikki martta o'z boshidan og'ir kunlarni o'tkazishgan.
Bu davr Sessionlik davridir. Bu davrda ko'pchilik talabalar qirilib ketgan. Faqatgina chaqqon Talabazavrlar Tankazavrlar orqali jon saqlab qolishgan.

Hozir 3 yoshli bolakaylar komp'yuterda ishlashni, selfi suratga olishni bilishadi. Men-chi, shu yoshimda qora saqichni chaynab, magnitofonda kasseta eshitib yurardim.

<< < 704 705 706 707 708 709 710 > >>

Tavsiya qilamiz

Bosh sahifa