Latifalar

— Sizlarni inoqligingizga havas qilaman. Turmush qurganingizga 20 yil bo'ldi. Haligacha er-xotin sayrga chiqganda bir-biringizni qo'lingizni ushlab yurasiz...
Er:
— Agar men xotinimni qo'lini bir daqiqaga qo'yib yuborsam, u albatta do'konga kirib, o'ziga birorta yangi kiyim sotib oladi!

Ilmu tolib piru komildan so'radi:
— Ustoz, o'zbekchaga ruschani aralashtirib gapirsa, gunohmu?
Piru komil dedi:
— Konechno!

Ota o'g'lini urishyapti:
— Endi bildingmi, nega senga shapaloq tushirganimni?!
Bola:
— Doim shunaqa qilasiz. Avval urib, keyin sababini mendan so'rab yurasiz?

Piyonistaning tashvishi:
"Nega aroq ichsam, meni aroqxo'r deyishadi? Fanta ichsam, fantastik deyishmaydi???"

Xo'randa ofisiantga qarab debdi:
— Nega hamma ovqatlar aroq hidi kelyapti?
Ofisiant bir qadam orqaga surilib:
— Endi-chi? Kelmayaptimi? - dermish.

Bir ayol qo'shnisiga dardini ayta boshlabdi:
— Bir haftadan beri erimdan hojatxonani ta'mirlab berishini so'rayman.
— Xo'sh, nima bo'ldi?
— Yakshanba kuni hojatxona eshigiga "Kirish man etiladi. Ta'mirlanmoqda" degan yozuvni ilib, o'zi choyxonaga ketib qolibdi.

Advokat: "Ikki-uchta ishni hal qilsam, mashina olaman"
Vrach: "Ikki-uchta operasiyani o'tkazsam, hovli olaman"
O'qituvchi: "Ikki-uchta daftarni tekshirsam, olovni yoqib olishga qog'oz bo'ladi..."

Bir chol ko'p qavatli uyning to'qqizinchi qavatida yashar ekan. Uyiga chiqishda hecham liftdan foydalanmas ekan.
Shunda bir qo'shni kuzata turib:
— Otaxon, tayyor lift turib, nega nuqul zinadan chiqasiz?, - desa, chol:
— E, bolam! "Lift to'rt kishi uchun" deb yozib qo'yilgan. To'rt kishini qaerdan topaman? - dermish.

Har bir qizda faqatgina o'tirish qulay bo'lgan tuflisi bor!

Harbiy qismni tekshirgani kelgan general saf ko'rigini o'tkazmoqda:
— Shikoyatlar bormi? — so'radi u.
— Huddi shunday, o'rtoq general, bor shikoyat! — javob beribdi serjant Ivanov, — Komandir meni dangasalikda ayblab, nuqul bo'kib qolguday eb-ichishim, ertadan kechgacha uxlashim va shu bois basharam yog' bosib, koptokka o'xshab qolganini aytib, menga baqirgani-baqirgan. O'zining basharasi esa sizning basharangizdan battar yog' bosganidan xabari yo'q!

<< < 758 759 760 761 762 763 764 > >>

Tavsiya qilamiz

Bosh sahifa