Latifalar

Bir piyonista odam baliq oviga borib, qarmoq tashagan ekan, oltin baliq qarmog'iga ilinibdi-da, har doimgidek oltin baliq uni tilagini bajarishini aytibdi. Faqat u baliq uchta emas, ikkita tilak bajaradigan baliq ekan.
Mast odam baliqqa qarab debdi:
— Menga shunaqa shisha bergin-ki, ichida pivosi bo'lsin. Qancha ichsam ham tugamasin.
Oltin baliq darrov tilagini bajarib, aytgan shishasini qo'liga beribdi. Piyonista ichib ko'ribdi. Yana ichibdi. Pivo hech tugamasmish.
— Zo'r shisha ekan. Hoy tilla baliq, shu shishadan yana bitta ber, - dermish.

Bir erkak uyga kelsa, xotini yotoqxonada yotgan emish.
— Bemahalda nega bu erda yotibsan? - desa, xotini:
— Yuragim huruj qilib qoldi, - debdi.
Eri tez yordamga qo'ng'iroq qilish uchun yo'lakdagi telefonga yugurib chiqsa, o'g'li debdi:
— Ada, shkafni ichida qo'shni amaki o'tiribdi!
Er yotoqga qaytib kirib, shkafni ochsa, haqiqatdan qo'shni kishi kiyimsiz o'tirgan ekan.
Shu payt erini jahli chiqib ketib, shkaf ichidagi qo'shnisiga qarab:
— Anavi erda xotinimni yuragi huruj qilib yotibdi, sen bo'lsa shkafni ichida xotirjam o'tirishingni qara! - dermish.

Do'kon kassasida turgan qizni yoniga bir kishi kelib muloyimlik bilan:
— Yaxshi qiz, ikki pachka bering. Yo'q, uch pachka, to'rttasini beraqoling! - debdi.
— Nimani pachkasini? Antibiotik? Sirop? Yoki... Qaeriz og'riyapti o'zi?
— Hozir ko'rsataman senga qaerim og'riyotganini! - deb shimini cho'ntagidan qurol chiqarib:
— Kassadagi hamma pullarni ber bu yoqqa! Biz o'g'rilarmiz!!!

Tergovchi so'roq qilinayotgan kishidan so'rabdi:
— Faqatgina o'z ko'zingiz bilan ko'rgan narsalarni ayting! Demak, tug'ilgan sanangiz?
— Bilmayman, o'rtoq tergovchi. Buni men ko'zlarim bilan ko'rmaganman!

Qari boy olamdan o'tibdi. Farzandlari otasining o'limidan so'ng notarius yoniga borib, vasiyatnomani o'qishibdi:
"Men, falonchi falonchiboev sog'lig'im va aqlim joyida paytimda, hech kimning ta'ziqisiz, o'z xohishimga ko'ra o'limim oldidan bor boyligim va hamma yiqqan-tergan pullarimni ishlatib yubordim!"

Bugun ertalab ishga kelsam, komp'yuterimni sichqonchasi ishlamayapti. Sherigimniki-yam, narigisida-yam, ... Butun bo'limda ishlamayapti. Nega ishlamayotganini tushuna olmay peshingacha bosh qotirdik. Narigi bo'limni sichqonchasini olib chiqib qo'ysam, ishlayapti...
Bir payt siqchonchamni o'girib qarasam, tagida sensor nuri tushadigan joyiga inventar' raqamini yopishtirib ketishibdi. Ming la'nat, kecha buxgalteriya inventarizasiya o'tkazgan edi-ku...

Chekishning zarari aniq isbotlandi. Chekkani chiqqanimda o'rtoqlarim ovqatimni eb qo'yishibdi.

Yosh yigit qo'shni qizga murojat qilibdi:
— Yaxshi qiz, sizni dastingizdan tunlari uxlay olmayapman...Tuni bilan mijja qoqmayman... Ko'zimga uyqu kelmayapti...
Qiz yigitni ko'zlariga qaray olmasdan, uyalib, erga boqib debdi:
— Yaxshisi bu gapni meni otamga ayting. Meni qo'limdan nima ham kelardi... Otam bilan gaplashganingiz ma'qul. Hammasini otam hal qiladilar. Axir tuni bilan magnitafonni adam baland qilib eshityaptilar-ku...

Onasi yosh qizalog'idan:
— Senga uka olib kelaymi yoki singilmi? - deb so'rasa,
Qizaloq xo'mrayib turib:
— Hech kim kerakmas! Hozir zamon ko'tarmaydi! - dermish.

Bir kishi katta ko'lning qirg'og'ida o'tirsa, turistlar kelib so'rashibdi:
— Nega bu erda o'tiribsiz?
— Men ko'lning narigi qirg'og'iga suzib o'ta olaman, - debdi boyagi kishi.
— Qancha vaqtda o'rgandingiz buni, - deyishibdi turistlardan biri.
— Besh yil umrim ketdi, - debdi.
Shunda turistlar ko'lning narigi qirg'og'iga o'tkazib qo'yadigan qayiqqa o'tirib, qayiqchini qo'liga ikki ming pul berib, haligi kishiga deyishibdi:
— Besh yil umringiz ikki ming so'm turar ekan-da!?

<< < 760 761 762 763 764 765 766 > >>

Tavsiya qilamiz

Bosh sahifa