Latifalar

Bir yigit vrach yoniga kelib, debdi:
— Nuqul qizlarga qaradim deguncha, do'stim Dilshod yodimga tushadi.
Qo'rqib ketgan vrach yigitdan sal nariroq surilib, g'alati qarab turib:
— Nega qizlarga qarasangiz, birdaniga do'stingiz yodingizga tushadi? - desa, yigit:
— Chunki Dilshod menga "Qizlarga ishonma! Ular yolg'onchi bo'lishadi degandi, - dermish.

— Rahbarlik lavozimidan ketganingdan keyin, nima bilan shug'ullanmoqchisiz?
— Bu qanaqa savol?! Odam o'lganidan keyin ham ishlarmidi?!

Ikki dugonalar suhbatlashib o'tirishsa, biri debdi:
— To'ying qachon?
Ikkinchisi:
— Bilmadim. Yigitim avval meni qarindoshlari bilan tanishtiradi, keyin to'yimiz bo'ladi.
— Xo'sh, qarindoshlarnikiga bordingizmi?
— Ha, eng uzoq qarindoshlari bilan tanishtirishdan boshladi. Kecha hayvonot bog'ini aylanib chiqdik.

Qurilishga tekshiruv komissiyasi kelishi kutilayotgan ekan. Brigadir hamma ishchilarni yig'ib, debdi:
— Nima bo'lishidan qat'iy nazar, hech narsa sezdirmaslikka harakat qilinglar. Huddi shunday bo'lishi kerakdek tutinglar o'zingizni! - debdi.
Tekshiruv komissiyasi kelib tursa, birdaniga devor qulab tushibdi. Shu payt ishchilardan biri xursand bo'lib, soatiga qarab debdi:
— Roppa-rossa 11:00! To'ppa-to'g'ri! Juda-yam aniq! Huddi hisoblaganimizdek!

Sud'ya ayblanuvchiga debdi:
— Siz odamlarni pichoq bilan qo'rqitib, bitta mashina, ikkita qo'l telefoni va besh million pulga ega chiqibsiz. O'zingiz nima deya olasiz?
— O'rtoq sud'ya siz bitta bolg'acha bilan beshta mashinalik, to'rtta uylik, ikkita dalahovlilik va yana yaxtalik bo'ldingiz-ku, menga nima bo'pti?!

Juma kuni kechqurun xotin eriga:
— Adasi, keling shu dam olish kunlari mazza qilib dam olaylik...
Eri xursand bo'lib xotiniga:
— Bo'pti xotin, dushanba kuni ko'rishguncha unda! - degan ekan.

Bir talaba yigit ertalab nonushta qilib, telefoniga o'rnatilgan TashBus da avtobus qachon kelishini qarab o'tirsa, buvisi debdi:
— Bolaginam, nima qilyapsan?
— Avtobus kutyapman, - javob beribdi nabirasi.
Buvisi nabirasini ahvolidan xavotir olib:
— Bu telefon o'lgur yoshlarni aqldan ozdirmasaydi. Oshxonada-yam avtobus kutadimi?! - dermish.

Prokurorning farzandlari - yangi batareykalar!
Yangi batareykalar hech qachon o'tirmaydi!

— Adasi, uxlayapsizmi?
— Yo'q!
— Nega ko'zlaringizni yumib olgansiz?
— Ko'z nurimni asrayapman...

Avtobusga chiqgan yoshlar qariyalarga joy bermaslik uchun biri o'zini uxlaganlikka solsa, ikkinchisi umuman o'tirmaydi, uchinchisi esa arendaga mashina tanlab o'tirishadi.

<< < 759 760 761 762 763 764 765 > >>

Tavsiya qilamiz

Bosh sahifa