Latifalar

Yigit va qizning telefondagi suhbatidan:
— Allo, azizim, bu yil ham kontraktga kiribsizmi?
— Ha!
— Unda yana to'rt yil uylanmay turasiz...
— Nega?
— Men ham kontraktga kiribman...

Kun bo'yi chuchvara tugib, erim ishdan kelishiga pishirib, dasturxonga qo'ysam, erim chuchvaralarni eb bo'lib:
— Boshqa bunaqasidan sotib olmagin, xo'pmi?! - desa bo'ladimi...

Sud'ya xotini cho'kib ketgan erkakni so'roq qilmoqda:
— Nega xotiningizni cho'kib ketayotganini bila turib, qutqarishga harakat qilmadingiz?
— Men uni cho'kayotganini bilmadim. U har doimgidek baqirar edi...

O'rmonda bir maymun banan po'chog'ini suvda yuvib o'tirsa, ayiq kelib debdi:
— Nima qilyapsan?
Maymun:
— Ming so'm bersang aytaman, - debdi.
Qiziqib ketgan ayiq maymunga ming so'm berib:
— Endi aytaqol, banan po'chog'ini nima qilyapsan? - desa, maymun:
— Yuvyapman, - debdi.
Shunda ayiq kulib:
— Aqldan ozdingmi? - debdi. Maymun bo'lsa unga javoban:
— Aqldan ozganmanmi, yo'qmi, lekin kuniga o'n ming pulim bor, - dermish...

Yuz yoshga to'lgan kampir o'zini davolovchi vrachiga dedi:
— Eh, Sultonboy, sizga shu qadar o'rganib qolgandim… Mabodo… O'lib-netib qolsangiz,
meni kim davolarkan-a?..

Qizlar yotoqxonasiga kelgan yigitdan qorovul so'rabdi:
— Siz kimni oldiga?
Yigit javob beribdi:
— Kimni tavsiya qilgan bo'lardingiz???

Ota: O'g'limni telefonini qo'limga olib, qaradim. Xotinimni raqamini "Xo'jayin" deb yozib qo'yibdi. Meni raqamimni nima deb saqlagan ekan??? "Xo'jayinning xo'jayini" degan yozuv chiqdi. Ma'qul!

— Ishonasanmi, kechayu-kunduz ishlayman. Tinim bilmayman. Hatto, ulgurmagan ishlarimni uyga olib ketib ishlayman.
— Qaerda ishlaysan o'zi?
— O'likxonada bosh vrachman.

Qamoqxona boshlig'i soqchiga debdi:
— Hamma yoqni tartibga keltiring! Bu erga hokim kelyapti.
Soqchi xursand bo'lib:
— Vanihoyat, oxiri qo'lga tushibdi-da, ...

Ishga joylashish uchun kelgan inson bilan suhbat:
— O'zingizni kuchli sifatingizni aytib bering?!
— Qat'iyatlilik!
— Juda yaxshi. Sizga kelgusi haftada qo'ng'iroq qilamiz.
— Keragi yo'q. Ungacha men o'zimga boshqa ish topib bo'laman.

<< < 761 762 763 764 765 766 767 > >>

Tavsiya qilamiz

Bosh sahifa