Latifalar

Bir otaning noshud o‘g‘li bor ekan. Nuqul aytilgan ishni teskari bajararkan.
Kunlarning birida ota-bola eshakda bir qop un olib, ko‘prikdan o‘tayotishsa, un eshakni ustidan tushib qolibdi. Shunda otasi:
— O‘g‘lim qopni suvga tashlab yubor, - desa, o‘g‘li ariqqa unni tashlabdi. Otasi:
— Sen nuqul aytganimni teskarisini qilar eding-ku?!, - debdi. O‘g‘li esa:
— Ha endi, bir martta aytganingizni qilay dedim-da, ada, - dermish.

Bir kishi har doim do‘kondan 200 gramm go‘sht olarkan. Sotuvchi ham uni ko‘rinishi bilan 200 gramm go‘shtni tayyorlab qo‘yarkan.
Bir kuni u yana o‘sha do‘konga kelib:
— Ikki kilogramm go‘sht bering, - debdi.
Sotuvchi hayron bo‘lib:
— To‘y qilyapsizmi deyman, – dermish.

Xotin eriga:
— Azizim, qahvangiz achchiqroq bo‘lsinmi?
Eri:
— Ha, gap-so‘zing kabi achchiq bo‘lsin!
— Voy, umuman suv qo‘shmas ekanmanda-a?!

Bir kishi bog‘iga kirsa, bir to‘da bolalar daraxtga chiqib olib meva terayotgan ekan:
— Hoy bolalar, qani tez tushinglar-chi! Bo‘lmasa dadalaringa aytib beraman, - desa, bolalar:
— Hechqisi yo‘q. Dadamiz bizni urishmaydilar! Chunki dadamizning o‘zlari narigi shohda o‘tiribdilar, - dermish.

Bo‘linma komandiri:
— Kim paxta terimiga boradi?
— Men, - deb safdan chiqibdi ikkita askar.
— Barakalla!, - debdi komandir, — Sizlar men bilan mashinada, qolganlar esa piyoda qadam bos!

— Ertalab uyg‘onganingda sendan maktab, institut yoki ish? Qaysi biriga borishni xohlashingni so‘rashsa, sen nima degan bo‘larding.
— Men bog‘chaga degan bo‘lardim.

O‘quvchi maktabga kelib ustoziga debdi:
— Ustoz, men endi bu maktabda o‘qimayman! Men Amerikaga ketyapman.
— Amerikada nima qilasan?, - so‘rabdi ustozi.
— Amerikada yashaydigan bobom maktub yo‘lladi. Uni ko‘zlari ancha xiralashib qolibdi. Uni fermasi, ikkita yirik korxonasi va o‘nta do‘koni bor. Men ularni boshqaraman.
— Bobongga ayt, hamma narsalarni sotib, bu yerga ko‘chib kelsin. Biz unga g‘amxo‘rlik qilamiz.
— Nimalar deyapsiz ustoz?! Xatda aniq yozilgan, bobomni ko‘zi xiralashgan, aqldan ozmagan!

— Eh, agar ko‘p pulim bo‘lganida, samolyot sotib olgan bo‘lardim.
— Samolyotni nima qilasan?
— Samolyot kerakmas, unga yetadigan pulim bo‘lishini xohlayman!

O‘qituvchi sinfda:
— Sarvar, yana to‘polon qilyapsanmi?
— Hamma to‘polon qilyapti-ku?
— Bugundan boshlab umuman ovozing chiqmasin!, - degan o‘qituvchi ertasiga Sarvarni doskaga chiqarib savol bersa:
— Men umuman gapirmayman-ku ustoz, - dermish o‘quvchi.

Vrach bemorga:
— Sizni operatsiya qilishdimi?
— Ha.
— Xo‘sh qalay?
— Uch yuz ming!
— Meni tushunmadingiz. Sizda o‘zi nima edi?
— O‘zi yuz ming pulim bor edi.
— Aniqrog‘i, nimaga shikoyatingiz bor?
— Kasalxona to‘lovi juda-yam qimmat...

Komandir safdagi askarlarga:
— Orangizda kim dushman tarafga yashirincha borib, hujum rejasini bilib kela oladi?, - debdi.
Safdan bir gruzin askar chiqib:
— Men boraman, - debdi.
— Yaxshi, - debdi komandir, — Biz senga uchta granata va boshingga bitta kaska beramiz.
— Menga aksincha, bitta granata va uchta kaska beraqoling, - deb askar dushman tomonga ketibdi.
Oradan bir soat o‘tibdi, ikki soat o‘tibdi ... Gruzin askardan xabar yo‘q emish. Komandir bitta askarni ortidan jo‘natib, — Qarab kel-chi, nima gap ekan, - deb yuboribdi.
Xabar olishga ketgan askar qaytib kelib komandirga:
— Anavi gruzin safdoshimiz dushmanlarni o‘rtasiga o‘tirib olib, "Top-chi granata qaysi kaskani tagida! Topa olmading. O‘rtadagi kaskani tagida ham emas. Yana o‘n ming pul va hujum rejasini ber buyoqqa" deb o‘ynab o‘tiribdi, - dermish.

— Men fermerman. Yetti mingta qo‘y boqaman. U ham yetmagandek, o‘g‘lim Toshkentda o‘qiydi. Uni domlasini-yam qo‘shib boqaman.

Militsiyaga bir mast kishi qo‘ng‘iroq qilibdi:
— Allo, bu militsiyami? Mening mototsiklimni rulini, benzin bakini, farasini o‘g‘irlab ketishibdi.
— Hozir yetib boramiz.
Birozdan so‘ng yana qo‘ng‘iroq qilib:
— Hammasi joyida ekan. Men mototsiklimda teskari o‘tirib olibman.

Afandini o‘g‘li maktabga boribdi. O‘qituvchisi unga savol beribdi:
— Birov senga olma bersa nima unga deysan?
— Olma yuvilganmi deyman, ustoz, - javob beribdi bola.

Bir yigitni akasi Rossiyadan telefon qilib:
— Voy uka, men bu yerda onamni ko‘rib yuribman, - debdi.
Ukasi bo‘lsa:
— Men onamni oldidaman. Meni ham ko‘ryapsizmi?!, - dermish.

Bir yigit sehrli chiroqni topib olibdi-da, uni ishqalabdi. Shu payt ichidan jin chiqib:
— Tila tilagingni..., - debdi.
Yigit ham shoshilib qolib:
— Tinch okeani ustidan o‘tadigan ko‘prik qurib ber!, - deb yuboribdi.
— Esing joyidami?! U okean bo‘lsa... O‘zingga foydaliroq narsani so‘rasang-chi, - desa, yigit:
— Dunyodagi barcha ayollarni javramaydigan qilib qo‘y!, - debdi.
Jin ham o‘ylanib turib:
— Qayerga ko‘prik qurish kerak edi...?, - dermish.

Tilla baliq Maksim Galkinga qarab debdi:
— Bor, ketaver! Seni kampiringda hamma narsa bor.

Hindu negrga qarab:
— Hindumisan ?, - debdi.
— Yo‘q, negrman!, - javob beribdi negr.
— Hindumisan?
— Yo‘q, negrman dedim-ku?!
— Hindumisan deyapman?
— Ha hinduman!!!
— Lekin negrga o‘xsharkansan ...

Poyezd kupesiga bir nimjon kishi kirib:
— Bokschi, kurashchi, umuman sportchilar bormi?, - deb so‘rabdi.
— Yo‘q, - deyishibdi.
— Unda besh mingdan yig‘ib beringlar, - deb, pulni olib, chiqib ketibdi. Bu hol yana uch martta takrorlanibdi. To‘rtinchi martta kirib yana so‘rabdi.
— Bor, - debdi kupedagilardan bittasi.
— Unda shaxmat o‘ynaymiz, yutqazgan ellik ming beradi, - dermish.

Xotin erta tongda eriga:
— Azizim, tushimda menga tilla zanjir sovg‘a qilgan emishsiz. Bu nimani anglatarkin-a?
— Kechqurun bilasan, - debdi eri.
Xotin erining kelishiga chiroyli dasturxon bezatibdi-da, o‘zi ham yasanib olibdi. Eri kelishi bilan nozlanib erkalanib:
— Menga nima olib keldingiz?, - desa, eri:
— Mana, “Tushlar ta’biri” kitobi. Ushla, bu senga! Boshqa boshimni qotirma!, - dermish.

<< < 70 71 72 73 74 75 76 > >>

Jami 2090 ta latifa mavjud

Tavsiya qilamiz

Bosh sahifa