Latifalar

Eri yarim kechasi uyga ko‘chadan shirakayf kirib kelsa, xotini jahl bilan:
— Yana ichib-chekib, kayfu-safo qilib yuribsanmi ?, - desa, eri:
— Azizam, xasadgo‘ylik yomon! Bu odatingni tashla!, - debdi.

Bir yigit do‘stiga maqtanibdi:
— Do‘stim bilasanmi, kecha shunaqa “ketvorgan” negr qiz bilan tanishdim... Qaddi-qomati kelishgan, sochlari jingalak, o‘zi shirinso‘z, ...
— Xo‘sh keyin nima bo‘ldi?
— Keyin biz tungi klubga bordik. Klub ichkarisi juda-yam qorong‘i ekan jin ursin!
— Nima bo‘ldi?
— Qorong‘ida uni yo‘qotib qo‘ydim.

Xotin eriga:
— Azizim, uzun sochlarimni kestirib, kalta turmak qilmoqchiman.
— Nega? O‘zi yaxshi-ku!
— Axir boshimga o‘zgartirish kiritish kerak-ku!
— Boshingni o‘zgartirmoqchi ekansan, kitob o‘qishni boshla!

Har yili maktabga linoleum uchun pul beraverishdan charchagan ota-onalar, bu yili sinf xonalariga asfalt yotqizishga kelishib olishdi.

Er-xotin xorijga dam olishga borishibdi. Mehmonxonaga kirishsa, xonada sichqon yugurib yurgan emish.
— Voy-dod, sichqon!, - baqiribdi xotini. — Tezroq ma’murga qo‘ng‘iroq qiling. Ingliz tilini bilasiz-ku axir!
Eri raqamni terib:
— Hallo (Salom)
— Hallo (Salom)
— Do uou know «Tom and Jerru»? (“Tom va Jerri”ni bilasizmi?)
— uyes, I do (Ha, bilaman!)
— Jerru is here. (Jerri shu yerda!)

— Nega barcha film qahramonlari ertalab yuvinib bo‘lgach, nonushta qilishga, gazeta o‘qishga-yam ulgurishadi?
Men har kuni ertalab yuvinib-kiyinishga zo‘rg‘a ulguraman ...

— Tilla baliqdan onasi o‘pmagan, adasi so‘kmagan, bemahalda ko‘chada yurmagan, internetni bilmagan, telegrammga kirmagan, skaypda ko‘rishmagan qizni so‘ragandim.
— Xo‘sh nima bo‘ldi?
— O‘zini o‘lganga solib oldi.

— O‘tgan yili o‘n gektar yerga kartoshka ekkan edi. Qurt yeb ketdi. Bu yili yuz gektar yerga ekdik. Qurtlar bo‘kib o‘lsa, kelasi yildan bemalol dehqonchilik qilaveramiz.

Bir yigit do‘stiga:
— Soatga qara! Faqat bir tomonga qarab yuradi. Bilasanmi, bu nimani anglatadi? Bu hayotingdagi o‘tkan ishlarni unut, eski narsalarni eslama, faqat oldinga qarab yur degani!, - desa, do‘sti:
— Ey faylasuf, gapni boshqa yoqqa burma-da, o‘tgan oy olgan qarzingni qaytar, - dermish.

Yosh bolakay onasiga kelib:
— Oyijon, men hisoblashni o‘rganib oldim.
— Juda-yam yaxshi. Nimani hisoblashni o‘rganding?
— Men hammani ahmoq deb hisoblayman!

Mast holda kelgan er sekin eshikni ochib, yotoqqa kirib, yechinib, yotishi bilan, yonidagi ayol baqiribdi:
— Yana ichib keldingizmi?
— Qayerdan bilding?
— Siz ro‘paradagi qo‘shnimsiz-ku! Yo‘qoling uyingizga!

— Yo tavba, qaytar dunyo deyishgani rost ekan! , - dermish stomatolog hamkasbiga.
— Nima bo‘ldi?
— O‘tgan hafta menga jarima solgan DAN xodimi bugun o‘z oyoqi bilan yonimga keldi. Og‘riqsizlantiruvchi dorini tejamoqchiman ...

Xotin eriga:
— Azizim, qaymoq tugadi!
Eri:
— “Tugadi” emas, “Tugatdim” degin. Qachon vijdon bilan gapiradigan bo‘lasan-a?

Paxta terimi boshlanib, hamma ishchilar dalaga chiqishibdi. Bir yigit hammadan ko‘p paxta terib, rekord o‘rnatibdi. Rahbarlar xursand, do‘stlari tabriklashibdi, hamma joyda shov-shuv ko‘tarilibdi. Bir payt uchta paxtakor uni imlab, bir chetga chaqirishibdi-da:
— Yangilikni eshitdingmi?, - deyishibdi.
— Yo‘q, - debdi yigit.
— Manavini ichib ol, keyin aytamiz, - deb bir piyola aroq uzatishibdi.
Yigit ichib:
— Nima gap? Aytinglar, - desa, boyagi paxtakorlar yana bir piyola aroq uzatib:
— Buniyam ich, xabarni eshitishing osonroq bo‘ladi, - deyishibdi.
Shunday qilib unga yana uch piyola aroq ichirishibdi-da, g‘irt mast bo‘lib bir chyetda yotgan yigitga qarab:
— Endi gapni eshit! Hozir bu yerga televideniyadan kelishadi. Eng namunali paxtakor deb seni suratga olishmoqchi ekan, - deyisharmish.

Ikki do‘st suhbati:
— Nega xomushsan?
— Xotinimni ilon chaqib olgandi, o‘lib qoldi, bechora. Rahmim kelyapti.
— Sen xotiningni yomon ko‘rarding-ku! Nega achinyapsan?
— E-e-e... o‘lgan xotinim emas, ilon-da!

Eridan qattiq ranjigan xotin:
— Hech bo‘lmasa uzr so‘rasangiz bo‘lardi...
— Xo‘p, uzr. Kechiraqol!
— Boshimga uramanmi uzringizni?! Kimga kerak kechirim so‘rashingiz?!

Bir kuni afandi yangi telefon sotib olibdi.
Lekin telefoni yarim yil jiringlamabdi, hech kim telefon qilmabdi.
Bir kuni tongda uxlab yotsa, telefoni jiringlab qolibdi. Shunda afandi xursandchilikdan raqsga tushib ketibdi. Yarim soat jiringlabdi. Oxiri afandi, — Mayli javob beray-chi, kim ekan?, - deb qarasa, budilnik ekan...

— Qani oldik, ichamizmi?
— Nima munosabat bilan?
— Bugun 15.10.2016!
— Xo‘sh nima bo‘pti?
— Bunaqa sana hayotda bir martta bo‘ladi axir!

Yarim kechasi qabrdan bir arvoh chiqib, yonidagi qabrga qarab:
— Og‘ayni, yur shahar aylanib kelamiz, - debdi. Yonida yotgan arvoh ham, - Mayli ketdik, - debdi-da, qabr toshini ko‘tarib olibdi.
Boyagi arvoh hayron bo‘lib:
— Buni nima qilasan?, - desa, sherigi:
— Ko‘chada militsiya pasportimni so‘rasa nimani ko‘rsataman, - dermish.

Bir yigit do‘stiga:
— Qarz berib tur, albatta qaytaraman!
— Bermayman, keyin qaytarib berolmaysan.
— Nima, menga ishonmayapsanmi?
— Senga ishonguncha, Ahmadboyga ishonganim yaxshi!!!

<< < 71 72 73 74 75 76 77 > >>

Jami 2090 ta latifa mavjud

Tavsiya qilamiz

Bosh sahifa