Latifalar

— Ayriliqda yashash jonimga tegdi. Muzlatgichni xonamga ko‘chirib o‘tkazaman, tamom!

Bir odam dam olib o‘tirsa, to‘satdan azroyil paydo bo‘lib:
— Joningni olaman, - debdi.
— Ro‘yxatingni ko‘rsat-chi, - debdi boyagi odam.
Ro‘yxatni qarasa, rostan ham boshida turgan ekan. Haligi odam sekin yalinishga tushibdi:
— Iltimos menga bir kun muhlat ber. Yaqinlarim bilan xayrlashib olay, - desa, azroyilni rahmi kelib, ruxsat beribdi.
Haligi odam siqilib o‘tirsa, yoniga xotini kelib:
— Shunga ham siqilasizmi? Axir buni yo‘li oson-ku! Azroyil kelsa, oldin yaxshilab mehmon qiling. Choyiga uyqu dori qo‘shib qo‘ying. U uyquga ketgach, yonidagi ro‘yxatni olib, boshidan ismingizni o‘chirib, oxiriga yozib qo‘ying, - debdi.
Eri ertasi kuni huddi xotini aytganidek qilibti. Azroyil uyg‘ongach, haligi odamga qarab:
— Rahmat senga ey odamzot! Mazza qilib dam oldim. Bu yaxshiligingni javobsiz qoldirmayman. Mayli men jon olishni ro‘yxatni oxiridan boshlay qolaman, - dermish.

Bolakay buvasiga:
— Urush paytida non kam bo‘lgan-a, - desa,
— Ha bolam, non topa olmay, kolbasaga saryog‘ surtib yerdik, - debdi.

Bir kuni futbol o‘yinidan oldin bir o‘yinchiga treneri raqib jamoa xavfli hujumchisining yonidan jilmay o‘ynashini aytibdi. Birozdan so‘ng raqib hujumchi “Qizil kartochka” olib, o‘yindan chiqib, zahiraga borib o‘tirsa, boyagi o‘yinchi ham uning yoniga borib o‘tirib olgan ekan.

— Sizni bo‘limingizda nechta xodim ishlaydi?
— Rahbar bilan o‘n ikkita.
— Rahbarsiz-chi?
— Birortasi-yam ishlamaydi.

Er xotinini chaqirib:
— Senga necha martta aytaman yopib yur deb. Nuqul ochiq qolaveradi. Beparvosan! Uyat emas-mi?, ... Yana non qotib qolibdi!

Televizordagi reklamadan:
“Har tong uyg‘onganingizda o‘rningizga qahva olib kelishsa yaxshi. Lekin o‘rindig‘ingiz bilan siz istagan kafega eltib qo‘yishsa, undan-da a’lo bo‘ladi!”.

Ikki dugona suhbatidan:
— Hayotingda biror erkakni ko‘rganingda, badaning jimirlab ketganmi?
— Ha, kuni-kecha shunaqasi bilan uchrashdim.
— Kim ekan u?
— Stomatolog yigit ...

Bir yigit uylanmoqchi bo‘lib, onasiga uchta qizni ko‘rsatibdi-da, — Onajon, toping qaysi biri keliningiz?, - desa, onasi:
— O‘rtadagisi, - debdi.
Yigit hayron bo‘lib:
— Qayerdan bildingiz?, - desa, onasi:
— Shunisiga qarasam, asabim buzilyapti, - dermish.

Ota-onalar majlisida maktab direktori:
— Hurmatli ota-onalar! Sizlardan iltimos, qizlaringizni “O‘qishga kira olmasang, erga berib yuboraman” deb qo‘rqitmanglar! Bilgan savollariga ham noto‘g‘ri javob berishmoqda.

— Sizning pul to‘plash imkoniyatingiz bormi?
— Imkoniyatim bor, lekin pulim yo‘q-da ...

— Eshitdingmi? Doniyor mashina olibdi!
— O, zo‘r-ku! Qanakasidan?
— «D» harfidan boshlanadiganidan.
— «Damas»mi?
— Yo‘q.
— «Dogan»mi?
— Yo‘q. Dab-dalasidan! Besh martta urilgan.

— Do‘stim, eshitishimga qaraganda, qizing fortepiano chalishni o‘rganayotgan emish. Xo‘sh, muvaffaqqiyatlar qanday?
— O-o, gap yo‘q! U tufayli ikkita qo‘shnimning hovlisini arzon-garovga sotib oldim.

Teatrga kelgan er-xotin antrakt (tanaffus)dan keyin qorong‘ida joylarini topa olmay, tomoshabinlardan biriga:
— Kechirasiz, chiqishda sizni oyog‘ingizni bosib olganmidim?
— Ha!
— Bizni joyimiz shu qatorda ekan, o‘tib ketsak maylimi?

O‘qituvchi “Yashash uchun kurash” mavzusida dars o‘tmoqda:
— Aytinglar-chi, kimsasiz orolga o‘zingiz bilan nima olib ketgan bo‘lardingiz?
— Men och qolmaslik uchun bir qop bug‘doy olib ketardim, - debdi Ma’ruf.
— Men esa bitta xizmatkor va sharob tayyorlash uchun uzum ko‘chatini olib ketgan bo‘ladim, - dermish Sharif.
Shunda Xamid o‘rnidan turib:
— Men orolga o‘zim bilan Ma’ruf va Sharifni olib ketgan bo‘lardim, - degan ekan.

Telefonda tanishib qolgan yigit va qiz suhbatlashishmoqda:
— Yaxshi qiz, bo‘yingiz balandmi?
— Bo‘yim 145 santimetr.
— Voy, jajjigina malika ekansiz-da... Vazningiz-chi?
— Vaznim undan ham kamroq 130.

Bir podshoh she’r yozib saroy ahliga o‘qib beribdi. Hamma maqtabdi. Faqat Afandi jim turganmish. Podshoh:
— Sen nima deysan?, - desa Afandi:
— Bunaqa rasvo she’rni eshitmaganman, - debdi.
Podshohni jahli chiqib, zindonga tashlabdi. Bir haftadan keyin Afandini shohni yoniga olib borishibti. Podsho yangi she’rni o‘qib berib, — Qalay chiqibdi?, - desa, Afandi indamasdan o‘girilib ketayotganmish.
Podshoh:
— Qayoqqa?, - desa, Afandi:
— Zindon qayerda edi, - dermish.

Er-xotin supermarketdan ikkita aravachani to‘ldirib, xarid qilishibdi. Kassani yoniga kelishsa, xotini:
— Voy adasi shoshmay turing! Hojatxona qog‘ozini unutibmiz. Hozir ELMA dan olib chiqay desa, harajatni ko‘rib, jahli chiqib turgan eri:
— Kerakmas, hozir chek qog‘ozi ellik metr bo‘ladi, - dermish.

— Salom o‘rtoq! Bandmasmisan?
— Yo‘g‘-ye, bo‘shman, ishdaman!

Maktabda o‘qib yurganimda dam olish kunlarini orziqib kutardim. Yakshanba — dam olardim.
Institutda o‘qigan paytimda menga baribir edi. Chunki faqat sessiya vaqtida o‘qirdim.
Hozir menga umuman farqi yo‘q. Chunki bir yilda 365 kun ishlayman.

<< < 73 74 75 76 77 78 79 > >>

Jami 2090 ta latifa mavjud

Tavsiya qilamiz

Bosh sahifa