Latifalar

Besh yoshli qizaloq xonani burchagida turib, onasiga debdi:
— Oyijon, shu ishingiz to‘g‘rimi?
— Yomon hulqing uchun seni jazoladim. O‘sha joyda tur!
— Yosh bo‘la turib, shu burchakda, siz haqingizda yomon fikrlay boshlayapman! Yaxshi emas, oyijon!

— Futbolchilar gol ura olishmasa, "oyoqlari qiyshiq" deymiz.
Balki ularning ko‘zlari g‘ilaydir!?

Ko‘chada ketayotgan yigitni oldidan bir lo‘li chiqib:
— Ako keling, bir fol ko‘ray! Agar yaxshi xabar aytsam, 2000 so‘m berasiz. Yomon xabar aytsam, 1000 so‘m, - debdi.
Yigit rozi bo‘lib, qo‘lini uzatibdi.
Lo‘li yigitni kaftiga qarab:
— Xotiningiz homilador ekan. Yaqinda egizak o‘g‘illaringiz bo‘ladi, - desa,
Yigit xursand bo‘lib, 2000 uzatibdi.
Lo‘li 1000 so‘mni qaytib berib:
— Shoshmang ako, oxirigacha eshiting. Bolalarni otasi siz emassiz..., - dermish.

Bir donishmanddan so‘rashibdi:
— Eri qayerdaligini har doim bilib turadigan ayol kim bo‘ladi?
Donishmand javob beribdi:
— U ayol beva bo‘ladi!

Buvisi nabirasidan so‘rabdi:
— Namuncha ko‘p suv ichyapsan?
— Olma yegandim.
— Xo‘sh, nima bo‘pti?
— Uni yuvmasdan yegandim...

Afandi ko‘chada ketayotsa, do‘sti so‘rabdi:
— Ha, afandi, yo‘l bo‘lsin?
— Tabibga ketyapman, - javob berdi Afandi.
— Soppa-sog‘siz-ku, axir?
— E, birodar, navbat kelguncha kasal bo‘laman-da!

O‘qituvchi o‘quvchisidan so‘rabdi:
— «Qand» so‘zini qo‘shib bir gap tuz-chi!
— «Ertalab qahva ichdim».
— Bu gapda «qand» so‘zi yo‘q-ku?
— Qand qahvaning ichida erib ketgan-da!

Uyda ayol kitob o‘qib o‘tirsa, o‘g‘li maktabdan kelib:
— Nima oyijon, internet ishlamayaptimi?!, - dermish.

Charchagan ot cho‘chqaga dardini aytibdi:
— Xo‘jayin nuqul ertalabdan kechgacha omochda yer haydatib, hamma ishlarni qildiradi. Qornimni to‘ydirmasdan oli kirib tashlaydi.
Cho‘chqa:
— Xo‘jayinni ustidan "Hayvonlarni himoya kilish jamiyati"ga shikoyatnoma yoz!, - debdi.
Shunda ot:
— Ey, yo‘q, bu to‘g‘ri kelmaydi. Agar xo‘jayinim yozish va o‘qishni bilishimni payqab qolsa, kechasi bilan bolalarini darsini qildiradi, - dermish.

Bir ovchi o‘rtog‘iga:
— Ayiq o‘ldirdim, - debdi.
— Nechta o‘q otding? - desa,
— O‘nta o‘q, - debdi.
— Nechtasi tegdi? - so‘rabdi yana do‘sti.
— Birortasi-yam tekkani yo‘q! Ayiq kulib-kulib, o‘lib qoldi, - degan ekan ovchi.

Bir odam vrachni yoniga kelib debdi:
— Doktor, menga yordam bering. Men tushkunlikka tushib qoldim.
— Nima bo‘ldi?
— Narx-navo oshib boryapti, meni esa pulim yo‘q!
— Kechirasiz, sizga pul bera olmayman!
— Hech bo‘lmaganda, depressiyadan chiqish uchun arzonroq dorini ayting!
— Chuqur nafas oling, chiqaring. Yana takrorlang.
— Bu qanday yordam berishi mumkin?
— Havo bepulligida to‘yib nafas ovoling...

Bir kishi xotinini stomatologga olib boribdi. Stomatolog hazillashib:
— Kenayi, tishlaringizni eringiz urib to‘kib tashladimi? - debdi. Shunda ayolni eri:
— Uka, seniki hozircha butun ekan. Tilinga ehtiyot bo‘l! - dermish.

Bir odam yo‘lakda tamaki chekib tursa, qo‘shnisini uyidan dodlagan ovoz eshitilibdi.
Zur o‘tmay, qo‘lida singan 3D ko‘zoynagi bilan tashqariga yugurib chiqibdi.
Boyagi odam:
— Ha qo‘shni, tinchlikmi? - desa, qo‘shnisi:
— 3D televizor sotib olgandim. Bir payt qarasam, dahshatli dinozavr ustimga bostirib kelyapti..., - dermish.

— O‘g‘lim, akvariumdagi suvni yangiladingmi?
— Yo‘q, oyijon! Baliqchalar hali suvni ichib bo‘lishmabdi.

— Nega quloqlaring bog‘lab tashlangan do‘stim?
— Kiyimlarimni dazmol qilayotgandim, telefon jiringlab qoldi. Telefon deb dazmolni ko‘taribman.
— Ikkinchi qulog‘ing-chi? Unisiga nima bo‘ldi?
— Tez yordamga qo‘ng‘iroq qilaman deb, yana dazmolni ko‘tarib yuboribman-da...

Bir erkakni xotini kasal bo‘lib yotib qolibdi. Erini chaqirib:
— Agar o‘lib qolsam, nima qilasiz? — debdi.
— O‘lmay qolsang nima qilaman xotin? — dermish eri yig‘lamsirab.

Nonushta payti eri xotiniga:
— Kecha futbolni kutmay uxlab qolibman. Internetdan natijasini bilib olishim kerak, - desa, xotini:
— Biznikilar 2:1 ga yutqazishdi, - debdi.
Eri:
— Nima sen futbol ko‘rdingmi?
Xotini:
— Yo‘q. Qo‘shnimiz tunda bir martta "Gol" va ikki martta "Padaringga la’nat" deb baqirganini eshitdim.

Bir kishi folbinga borib, chap qo‘lini uzatibdi. Folbin qo‘liga tikilib qarab, — Tushunmadim, negadir hech narsani ko‘rolmayapman. Taqdiringiz tamom bo‘lgan shekilli, - desa, mijoz:
— Siz o‘ng qo‘limni ko‘ring. Chapi protez, - dermish.

Bir kuni sanatkor er to‘ydan kelib, xotiniga:
— Mana yigirma ming so‘m! Olib qo‘y! Bu pullar dutorimni ikkita torini hurmati. Har biriga o‘n mingdan berishdi, - desa, xotini o‘ylanib turib:
— Chang chaladigan sanatkorga erga tegsam bo‘larkan, - dermish.

Bir yigit do‘stidan so‘rabdi:
— Ishsizmisan? Nega nuqul dam olib yuribsan?
— Nega? Ishlayapman. Ish men uchun bayram. Bayramda esa insonlar dam olishadi.

<< < 78 79 80 81 82 83 84 > >>

Jami 2090 ta latifa mavjud

Tavsiya qilamiz

Bosh sahifa