Latifalar

Halokatga uchragan samolyot yerga qulamoqda. Samolyot ichidagi bir ayol erkakka qarab:
— Oxirgi martta o‘zimni ayol ekanimni his qilishga yordam bering!
Erkak ko‘ylagini yechib, ayolga:
— Mana, yuvib, dazmollab ber!!! - dermish.

Qizlar ikki xil bo‘lishadi:
Birinchisi, biror joyda chang ko‘rsa, darrov uni tozalab tashlashadi.
Ikkinchisi, chang ko‘rsa, uni ustiga "yurakcha"ni rasmini chiza boshlashadi.

Dorixonadagi holat:
— Yaxshi qiz, menga oq rangdagi tabletkadan bersangiz...!
— Bu yer dorixona! Oq tabletkalarimiz ko‘p, qaysi birini so‘rayapsiz?
— Ko‘p bo‘lsa, istagan birortasini beravering...

Hozir 3 yoshli bolakaylar kompyuterda ishlashni, selfi suratga olishni bilishadi. Men-chi, shu yoshimda qora saqichni chaynab, magnitofonda kasseta eshitib yurardim.

Birinchi talaba ikkinchi talabadan so‘radi:
— Sizningcha, birinchi bo‘lib, qaysi vahshiy jonivorlar paydo bo‘lgan?
— Ilk davrlarda Rektozavrlar paydo bo‘lgan. U o‘z zahira manbai qilib Dekanazavrlarni chorlay boshlagan.
— Dekanazavrlar nima bilan oziqlangan?
— Bu davrga kelib, Talabazavrlar dunyoga kelgan. Ular bir yilda ikki martta o‘z boshidan og‘ir kunlarni o‘tkazishgan.
Bu davr Sessionlik davridir. Bu davrda ko‘pchilik talabalar qirilib ketgan. Faqatgina chaqqon Talabazavrlar Tankazavrlar orqali jon saqlab qolishgan.

Messi:
— Men buyuk Messiman!
Ronaldu:
— Men buyuk Ronalduman!
Ermatov:
— Men uchun senlar 10chi va 7chi raqamsanlar!

Bekatda bir yigit yonidagi chiroyli qizga:
— Men sizni tanidim. Kecha klubda ichki ko‘ylakda raqs tushgan qizsiz, shundaymi? - desa, qiz:
— Ha, demak siz ertaroq ketib qolgan ekansiz-da, - dermish.

Bir ayol hamkasbi bo‘lgan erkakka yoqish uchun:
— Egnimdagi ko‘ylak sizga yoqdimi? - deb so‘rayveribdi, so‘rayveribdi...
Beshinchi marotaba so‘ragach, haligi erkak chiqday olmay:
— Keling, shu "masalani" yechib qo‘ya qolaylik! - degan ekan.

Ikkita futbol ishqibozlari suhbat qurmoqda:
— Bu o‘yinchi haqida fikringiz qanaqa?
— Bu o‘yinchi menga Sirojiddin Sayidni eslatmoqda!
— Axir u futbolchi emas-ku?
— Shuning uchun ham uni eslatadi-da...

Eri xotiniga:
— Agar uyda ham o‘zingni kassirdek tutishni bas qilmasang, hoziroq kiyim-kechaklarimni yig‘ishtiraman-da, ketaman!
Xotini:
— Qadoqlab, paketga solib beraymi?

Bir odam ikkinchisiga debdi:
— Sen menga kimligingni aytsang, sening do‘sting kim ekanini aytib beraman.
Ikkichisi:
— Men millionerman, - debdi.
Birinchisi:
— Sening do‘sting menman! - dermish.

Bir kuni ayol bozordan tort sotib olibdi. Kechqurun uyida tortni kesaman desa, hech pichog‘i o‘tmasmish.
Kremlarini olib tashlab qarasa, tort orasiga Samarqandni tandirida yopilgan nonni qo‘yishgan ekan.

Ko‘chada ketayotgan chiroyli qiz yoniga bir yigit kelib:
— Yaxshi qiz telefoningizni bera olasizmi? - debdi.
Qiz jilmayib:
— Bir ko‘rishdayoq sevib qoldingizmi?! - desa, yigit:
— Yo‘q, bir urunishdayoq telefonni o‘g‘irlamoqchiman! - dermish.

Miriqib futbol ko‘rib o‘tirgan otasini yoniga qizi kelib:
— Ada, bir daqiqa vaqt ajrata olasizmi?
— Gapir qizim!
— Tibbiyot akademiyasining qaysi fakultetiga hujjat topshirishni bilmayapman?! Stomatologiyami yoki kardiologiyami?
— Odamda nechta tish bor?
— O‘ttiz ikkita!
— Yurak-chi?
— Bitta!
— Hisob 32:1! Stomatologiya g‘olib!!!

— Adajon, nimaga shokoladlarni zar qog‘ozga o‘rashadi?
— Boshqa xonada tursak ham, seni shokolad o‘g‘irlayotganingni eshitish uchun!

Maktab o‘quvchisi Shokirdan so‘rashibdi:
— Shokirjon ayt-chi, Afrika uzoqmi, yaqinmi?
— Yaqin, - debdi Shokir.
— Nega unday deyapsan? - deyishsa, u:
— Yuqori sinfdagi negr bola maktabga har kuni velosipedda kelib-ketadi-yu?!

Abonent yigit qizga SMS yozyapti:
"Menga turmushga chiqing!"
Yigitga SMS kelibdi:
"Hisobingizda mablag‘ yetarli emas. Iltimos hisobingizni to‘ldirish uchun Rossiyaga borib ishlab keling!".

Samolyot havoda daf’atan chalqanchasiga ag‘darilgan holda ucha boshladi. Styuardessa yo‘lovchilarni tinchlantiryapti:
— Hurmatli yo‘lovchilar, Qo‘rqmanglar!
Hozir uchuvchimiz burniga dori tomizib olsin, samolyotimiz asl holiga qaytadi!

— Ozish uchun fitnes zalga borayotganmishsan...?
— Ha. Uch soat o‘tirib kelyapman.
— Nimaga o‘tirib?! Shug‘ullanmayapsanmi?
— Yo‘q. Oshxonadan yiroq bo‘lsam-bo‘ldi. Shuni o‘zi yordam beradi ozishimga!

Bir kisavur yigit yo‘lda ketayotsa, mototsikl katta tezlikda kelib, urib yuboribdi.
Mototsekilchi qo‘rqib, qochib ketibdi. Yaqin-o‘rtada turgan GAI xodimi yetib kelib, haligi boladan:
— Mototsikl raqamini ko‘rdingmi? - desa, kisavur:
— Ko‘rmadim-u, lekin hujjatlari menda, - dermish.

<< < 90 91 92 93 94 95 96 > >>

Jami 2090 ta latifa mavjud

Tavsiya qilamiz

Bosh sahifa