Kun Duosi | Кун дуоси

Кун ҳадиси: Набий соллаллоҳу алайҳи васаллам: “Кимга дуо эшиги очилса, унга раҳмат эшиклари очилган бўлади. Аллоҳдан сўралганда бериладиган нарсалар ичида У Зотга энг маҳбуб бўлгани офиятни сўрашдир”, дедилар.

Кун ҳадиси: “Набий соллаллоҳу алайҳи васаллам: “Кимни қийинчилик ва ғам-ғуссалар пайтида Аллоҳ уни ижобат қилиши масрур қилса, оройиш пайтида дуони кўпайтирсин”, дедилар.

Ёдда тутинг: Ибн Арабий қуйидагиларни айтадилар: “Илик аъзоларнинг қувватидир. Дуо ибодатнинг илигидир. У билан обидларнинг ибодати қувватланади. Чунки у ибодатнинг руҳидир”.

Кун ҳадиси: “Набий соллаллоҳу алайҳи васаллам: “Дуо ибодатнинг миясидир”, дедилар.

Кун ҳадиси: Набий соллаллоҳу алайҳи васаллам: “Аллоҳ таолонинг наздида дуодан кўра мукаррамроқ нарса йўқ” дедилар.

Кун ҳадиси: “Набий соллаллоҳу алайҳи васаллам: “Дуо ибодатдир” дедилар ва “Роббингиз: “Менга дуо қилинг, сизга ижобат қилурман. Албатта, Менинг ибодатимдан кибр қилганлар жаҳаннамга хору зор ҳолларида кирурлар”ни қироат қилдилар.

Кун ҳадиси: “Одамлар баланд овоз билан дуо қилган эдилар, Расулуллоҳ (САВ): “Эй одамлар, ўзингизга шафқат қилинг, сизлар кар ёки ғайбга дуо қилаётганингиз йўқ. Сиз дуо қилаётган Зот энг яхши эшитгувчи ва энг яқин Зотдир”, дедилар”.

Кун ҳадиси: “ Расулуллоҳ соллаллоҳу алайҳи васаллам: “Ким Аллоҳдан сўрамаса, У Зот ундан ғазабланади”, деганлар.

Кун ҳадиси: “Пайғамбар соллаллоҳу алайҳи васаллам: "Қайси бир одам гуноҳ аралаштирмасдан, қариндошлик алоқасини узмай туриб дуо қилса, албатта, Аллоҳ таоло унга бунинг сабабидан уч хислатдан бирини беради: унинг сўраганини тезда беради. Сўралган нарсанинг мислича яхшиликни унинг учун сақлаб қўяди. Сўралган нарсанинг мислича ёмонликни ундан буриб қўяди” дедилар.

Кун ҳадиси: “Пайғамбар соллаллоҳу алайҳи васаллам: "Ҳар кеча Роббимиз дунё осмонига тушади ва ким Менга дуо қилади, Мен унга ижобат қилсам, ким Мендан сўрайди, Мен унга ато қилсам, ким Менга истиғфор айтади, Мен уни мағфират қилсам” дейди”, деганлар”.

<< < 11 12 13 14 15 16 17 > >>

Tavsiya qilamiz

Bosh sahifa