Oʻttiz yil avvalgi gap (hajviya) [Gulchehra Jamilova]

Oʻttiz yil avvalgi gap (hajviya) [Gulchehra Jamilova]
Oʻttiz yil avvalgi gap (hajviya) [Gulchehra Jamilova]
Bolta agronomning xoʻp ajoyib bogʻi bor. Xoʻjalikka kelgan mehmon borki, shu bogʻda tunab ketadi. Bir kuni rais bobo bitta xorijlikni agronomikaga boshlab keldi.
— Mehmonni zeriktirmaysiz-da, Boltavoy, — deb tayinladi.
— E, yonida tilmochi yoʻq-ku, qandoq til topishaman?
— Bemalol soʻzlashavering. Oʻzbekchani bilarkan, — dedi rais.
Dasturxon ustida suhbat quyuq boʻldi. Bir vaqt agronomning ayoli sopol laganda xushboʻy palov keltirdi. Mehmonga koʻzi tushgach, odob bilan «Xush kelibsiz!» dedi.
U ketgach, mehmon havaslanib soʻradi:
— Sizlarda uylanish masalalari qanday?
— Bizdami... Biz ayollarni qalin puliga sotib olamiz, — dedi agronom, soʻng uyi tomonga ishora qildi:
— Mana shu yangangizni ikki ming soʻmga olganman!
Bolta agronomning ta’tilga kelgan talaba oʻgʻli choy opkirayotib otasining gapini eshitib qoldi. Otasiga yer ostidan norozi boqdi. Soʻng mehmonga jilmayib dedi:
— Uzr. Otam oʻttiz yil oldingi gapni aytayotibdi. Hozir bunday emas.
Oʻgʻli nima demoqchi boʻlganini agronom oʻzicha tushundi. Gap ohangini biroz oʻzgartirib, «xato»sini tuzatgan boʻldi:

— Ha, ayollarimiz hozir juda qimmat turadi. Oʻzlariyam uncha-muncha pulni nazarlariga ilishmaydi-da!
Tavsiya qilamiz
. Tush.UZ - Tushlar tabiri
. Yuklamlar ombori
. O'zbekcha Android dasturlar
. Orginal Mp3 lar
. Aralash rasmlar + 9 000
. Kitoblar
Яндекс.Метрика