Latifalar

Qari chol-kampir radiopriyomnik sotib olishibdi. Elektrga ulab, qarab turishsa, ishlamabdi. Birozdan so'ng tutun chiqishni boshlabdi.
— Gapirmayapti-ku?! - debdi chol.
— Hozir chekib olsin, keyin gapirar, - dermish kampir.

— Allo, bu hayvonot bog'imi?
— Ha, nima gap?
— Xonadonimda ilon o'rmalab yuribdi!
— "Hayvonlarni himoya qilish jamiyati"danmisiz?
— Yo'q!?
— Ekologik harakat a'zosimisiz?
— Aslo!?
— Unda nimaga belkurak bilan ilonga tushirib qolmadingiz???

Farrosh ayol milisiyaga shikoyat qilmoqda:
— Ortimdan kelib, tilla zanjirimni o'g'irlab ketdi.
— Siz qochishga urinmadingizmi?
— Qayoqqa qochaman? O'ng tarafimda devor, chap tarafimda chelak, orqamda o'sha ablah o'g'ri turibdi. Old tomondagi pollarni yuvib bo'lgandim. Iflos qilgim kelmadi.

Ikkita odam poezd kupesida ketmoqda.
Biri ikkinchisiga:
— Karta o'ynamaymizmi?! Yo'l olis...
— Men karta o'ynashni bilmayman-da.
— Men ham deyarli bilmayman! - deb cho'ntagidan kartani chiqarib, ikki-uch martta aralashtirishdi-da, birdaniga:
— Voy, bu erda ikkita karta etishmayapti. Valet g'isht va qirol qarg'a...!

Bir kuni komandir qozok, rus va tojik askarlarni olib ovga boribdi. Komandir har bir askarga quyon ovlab kelish uchun vaqt beribdi.
Qozoq va rus o'z vaqtida quyon ovlab kelibdi. Lekin tojikdan darak yo'q emish.
Borib qarashsa, tojik bir bo'rini tutib olib:
— Komandirga quyonman deb aytasan, - deb o'rgatib turganmish.

Onasi o'g'liga:
— Hafta boshidan yangi hayot boshlamoqchimiz. Men ozishni boshlayman, adang chekishni tashlaydi. Sen nima qilmoqchisan?
— Men o'qishni tashlamoqchiman!

Tug'ruqxonadagi ayolni yoniga farishta kelib:
— Farzandingni dunyoga keltirayotganingda senda bo'ladigan og'riqlarning yarmini bolaning otasiga o'tkazib qo'yaman, - debdi.
— Tunda ayol farzandini dunyoga keltirib bo'lgach, tongda uni ko'rgani kelgan eriga:
— Adasi, kechasi yaxshi uxladingizmi? - desa, eri:
— Yo'q, qo'shnimiz Normat aka kechasi bilan baqiraverib, umuman uyqu bermadi, - dermish.

— Oyijon, avtobusda bir ayolga joy berayotgan edim, u menga konfet uzatdi.
— Sen-chi, nima qilding?
— Konfetni olib, yana o'rnimga o'tirib oldim.
— Nega?
— Boshqasidan ham konfet olishim kerak-ku!

Tog'da yashaydigan bir odam zebra sotib olibdi va qo'shnilariga maqtanish uchun zebrani minib qishloqni aylanib yursa, bitta qo'shnisi:
— Men ham minib ko'rsam maylimi? - deb so'ragan ekan,
— Mayli, - deb, unga zebrani beribdi. Qo'shnisi zebrada bir aylanib kelib:
— Inomarka baribir boshqacha-da... - dermish.

Kema cho'kib, faqat uch kishi omon qolishibdi.
Negr, yapon va rus. Uchchalasi suzib, bir orolga borishibdi. Qarashsa, orolda bir yashik aroq turganmish. Uni ustiga esa "Tilak aytib ichsangiz, albatta bajo keltiriladi" deb yozilgan ekan.
Negr:
— Sog'-omon uyga qaytishni istayman, - debdi-yu, ichib oroldan yo'q bo'lib qolibdi.
Yapon:
— Meni ham uyga qaytar, - deb ketibdi.
Rus esa aroqni olib:
— Bir yashik aroqni kim ichadi? Yapon va negrni qaytar, - deb ichib yuboribdi.

<< < 701 702 703 704 705 706 707 > >>
Tavsiya qilamiz
Яндекс.Метрика