Latifalar

— Kecha boshlig‘im meni ishdan bo‘shatvordi, iflos.
— Nima ayb qilganding?
— Qayerdan bilay, 6 oydan beri ishga bormagan bo‘lsam...

Imtihon. Domla:
— Eshmatova, marhamat biletizga javob bering.
— Domla, men homiladorman...
— Eeyeye shunaqa deng, mayli siz boravering. 4 avtomaticheski qo‘yaman...
Domla:
— Xo‘sh! Doskaga Toshmatova!
— Domla menam homiladorman, 7 oyli uje! Agar bahoimni qo‘yib bersangiz o‘g‘limga sizni ismingizni qo‘yaman!
— Eha, ha mayli bor sengayam 4.
— Domla, menga 5 qo‘ying. Axir men hamma darslarda, leksiyalarda to‘liq qatnashganman.
Domla:
— Menam hayronman bu narsalarga qanday ulgurding... Ha, bor 5!
— Bo‘lmasa endi yigitlardan... Ketmonov!
— Domla men homilador emasman, shuning uchun imtihonga tayyormasman!

Er xotiniga:
— Azizam meni quyoshim bo‘lishni istaysanmi?
— Ha albatta!
— Unda mendan 150 million kilometr uzoqda yur.

Afandidan birov so‘radi
— Afandi, muchalingiz nima, necha yoshga kirdingiz?
— Muchalim ajdar, ellikka kirdim.
— Muchalning ilon bo‘lishini eshitib yurardimu, ajdar bo‘lishini shu yoshga kirib, endi sizdan eshitishim,
Afandi tushuntirib berdi:
— Yoshligimda onam rahmatlik, sening muchaling ilon degan edilar. Hozir ellikka kirdim, ellik yil ichida har qanday ilon ham ajdar bo‘lib ketadi-da.

Tufligi tagiga telefonini yashirgan abituriyent Hursand Habashev, telefoni vibratsiya qilgan payt Maykl Jeksonning mashhur oy qadamlarini qoyil qilib ko‘rsatib berdi.

Bir odam qo‘shnisidan hol ahvol so‘rabdi:
— Ha, qo‘shni, xomush ko‘rinasiz, tinchlikmi?
Qo‘shnisi:
— Ee, bir do‘stim plastik operatsiya qildiraman deb, 1000 dollar qarz olgan edi, endi yuzini o‘zgartirib olib, qochib yuribdi, yaramas, - dermish.

Afandining oshnasi undan so‘radi:
— Mulla Nasriddin, bola-chaqangiz ko‘pmi?
— Bolam ko‘pu, chaqam kamroq,— deb javob berdi Afandi.

Uch og‘ayni alkash ichmoqchi bo‘lib, zo‘rg‘a bir butilka aroqqa pul yig‘ibdi. Endi ichamiz deganda, qarashsa - gazagi yo‘q emish.
Shunda bittasi cho‘ntagini kovlab-kovlab, bir kichkina chesnok donasini topibdi. "Mana zakuska ichib, hidlab qo‘yamiz", deb o‘zi birinchi ichib hidlab chesnokni ikkinchi sherigiga beribdi. U esa aroq ichibdi-da, chesnokni yeb qo‘yibdi.
Shunda uchinchi sherigi unga qarab:
— Nima san ahmoq, faqat ovqat yegani kelganmisan? - dermish.

Ayol boshchilik qiladigan firmada bir yigit ishlar ekan, u hamma bilan garov o‘ynab doim yutib olarkan, buni eshitgan boshliq yigitni chaqirib:
— Siz garovda hammani yutar ekansiz, buni siri bormi? - deb so‘rabdi.
Yigit:
— Hech qanaqa sir yo‘q, xohlasangiz siz bilan ham o‘ynab yutishim mumkin, - debdi.
Ayol:
— Mayli, nima haqida o‘ynaymiz?
Yigit:
— Ishonasizmi, rosa 3 kunda sizni yelkangizda xol paydo bo‘ladi, - debdi.
Xullas ular 100$ dan bahslashibdi. Oradan 3kun o‘tib ayol yigitni chaqirib:
— Yigitcha, siz yutqazdiz, hech qanaqa xol chiqmadi, - desa.
Yigit:
— Yo‘g‘-ye, ko‘rsatingchi?
Ayol ko‘rsatibdi, yigit pulni berib chiqib ketayotsa
Ayol:
— Ha yigit, nima bo‘ldi? 100ga tushdiz-ku, - desa.
Yigit:
— Zarari yo‘q, xonim, ana u derazadan poylab turgan uchchovi bilan boshlig‘imizni yechintiraman deb, 300dan garov o‘ynaganman, - dermish.

Ikkita alkash suhbatidan:
— Bilasanmi oshna, hozirgi odamlar juda farosatsiz bo‘lib ketishgan
— Nega unday deyapsan?
— Kecha hushyorlik bilan pivoxonadan chiqayotsam, kimdir qulog‘imni bosib oldi.

Bir yigit suhbatdan o‘tmoqda:
— Nima ish qila olasiz?
— Chuqur kavlay olaman.
— Yana-chi?
— Kavlamasligim ham mumkin.

Afandi eshak o‘g‘irlatganini eshitib, uzoq-yaqindan oshna-og‘aynilari kelib ko‘ngil so‘rashdi. Ularga osh-suv qilish uchun Afandining eshak narxidan o‘n hissa ortiqroq puli ketdi. Bu ham yetmaganidek, bir ezma oshnasi kelib Afandiga har turli savollar bera boshladi.
— Afandi, eshagingizni bir kishi o‘g‘irladimi, ko‘pchilikmi, eshakni minib ketdimi, yetaklab ketdimi? Eshak ostonadan o‘ng oyog‘i bilan chiqdimi, chap oyog‘i bilan chiqdimi?
Afandi unga javob berdi:
— Yanagi safar eshak o‘g‘irlatadigan bo‘lsam, sizni aytib kelaman, hammasini o‘z ko‘zingiz bilan ko‘rasiz.

Bir jinni jinnixona tomiga chiqib olib tushmayotgan emish, jinnixona xodimlari nima qilishsa ham jinni pastga tushmabdi. G‘azablangan jinnixona boshlig‘i:
— Tush, bo‘lmasa otaman, deb miltiq o‘qtalsa ham tushmabdi. Shu payt o‘sha yerdan bir jinni o‘tib ketayotgan ekan, boshliq unga:
— O‘rtog‘inga ayt pastga tushsin, - debdi.
O‘tib ketayotgan jinni, miltiqni olib:
— Pastga tushmasang otaman - degan ekan tomning boshida o‘tirgan jinni darrov pastga tushibdi.
Undan, shuncha odam aytganida tushmay nega jinni aytganida tushding deyishsa:
— Ahir u jinniku, rostdan otib qo‘yadi - dermish.

O‘g‘ri bir uyga kirib qimmatbaho buyumlarni qopiga joylayotsa, to‘tiqush o‘g‘riga qarab:
— Kesha hammasini ko‘rib turibdi, - debdi.
O‘g‘ri choyshab bilan to‘tiqushni qafasini berkitib, yana ishini davom ettirayotsa, to‘tiqush yana:
— Kesha menmasman, Kesha bu buldog, - dermish.

Sochingiz to‘kilyaptimi? Uni asramoqchimisiz? Do‘konimizga marhamat qiling!
Bizda sochingizni asrash uchun chiroyli qutilar bor.

Diqqat! E’lon! Parashyut sotiladi. Hech qachon ochilmagan..!

Eri uyga rosa ham jahli chiqib kelibdi. Xotini ovqatni suzibdi, keyin erini ko‘nglini olish uchun:
— Xo‘jayin, ovqatim shirin chiqdimi?
— Haaa, rosa..., xuddi molni tezagiday shirin ekan, - desa.
Xotiniga ham alam qilib:
— Qoyil-ye dadasi, tatib ko‘rmagan narsangiz yo‘g‘-a.

Afandi ikki og‘aynisi bilan ovga chiqibdi. Buni qarangki ularning yoniga bir sehrgar kelib:
— Tila tilagingni, agar bajo aylasam, seni joningni olaman, bajo aylay olmasam senga bitmas tugalmas xazina beraman, - debdi.
Shunda Afandining birinchi og‘aynisi:
— Suvdagi baliqni olib ber, - debdi.
Sehrgar buni amalga oshiribdi va uning jonini olibdi.
Navbat Afandining ikkinchi og‘aynisiga yetib kelibdi.
Ikkinchi og‘aynisi:
— Uchib ketayotgan qushni so‘rabdi.
Sehrgar bu tilakni ham amalga oshiribdi va uning jonini olibdi.
Navbat endi Afandiga kelganida, afandi nima deyishni bilmay, havoni buzibdi va shunday debdi:
— Shu havoni menga tutib ber, - debdi.
Sehrgar bu tilakni bajo aylay olmabdi va xazinani Afandiga topshiribdi.

Bir kuni yigit qizga qarab:
— Shirinim meni, asalim, sen osmondan tushgansan, - desa,
Qiz:
— Voy, bo‘larakanu shunaqa shirin gaplar gapirsayam, hadeb so‘kmasdan...
Yigit:
— Ha, faqat yerga beting bilan tushgansanda, - dermish

Kechasi Afandining mahallasiga o‘t ketib, aholi qo‘shni mahallaga ko‘cha boshladi. Hamma ko‘ch-ko‘lonini aravaga ortib jo‘naganda, Afandi bir sholcha, ikki ko‘rpa, ikki bolishni orqalab yo‘lga tushdi.
Yo‘lda hammahallalardan biri Afandining ko‘chini ko‘rib so‘radi:
— Bor ko‘chingiz shumi? Bu qanaqa ro‘zg‘or? Afandi javob berdi:
— To‘rt qiz chiqarganning ro‘zg‘ori!

<< < 38 39 40 41 42 43 44 > >>

Jami 2090 ta latifa mavjud

Tavsiya qilamiz

Bosh sahifa