Latifalar

Kinoteatrdagi tomoshabin oldida o‘tirgan kishiga dedi:
— Marhamat qilib shlyapangizni olib qo‘ysangiz! Biror narsa ko‘rarmikinman deb, chiptaga uch ming to‘laganman!
— Men ham boshqalar ko‘rib qo‘ysin deb, bu shlyapaga yigirma ming to‘laganman!

Bir kishi xiyobondagi o‘rindiqda hafa bo‘lib o‘tirsa, yonidan o‘tib ketayotgan odam so‘rabdi:
— Nega g‘amginsiz? Nima gap?
— Yonimga o‘tirgin, aytib beraman!
Haligi odam ham o‘rindiqqa o‘tirib, - nima bo‘ldi?, - desa,
— Biz o‘tirgan o‘rindiqni yaqinda bo‘yab ketishibdi, - dermish.

Ota-onalar farzandlarini birinchi sinfga tayyorlashmoqda. Harajatlari esa go‘yoki turmushga berayotganga o‘xshaydi-ya!

Ota-onalar majlisida o‘qituvchi shikoyat qilibdi:
— O‘g‘lingizni hulqi meni ancha tashvishga solyapti. Tanaffus payti qizlarning orqasidan yugurishini bir ko‘rsangiz edi...
Ota:
— Nima qipti? Axir uning yoshida hamma bolalar qizlarning ortidan yuguradi, - desa, o‘qituvchisi:
— Qo‘lida katta tosh bilan yugurayotganidan tashvishdaman-da, - dermish.

Sudya:
— Guvoh! Aytingchi, 2015 yil 11 noyabr kuni soat 12 dan 43 daqiqa o‘tganda qayerda edingiz?
Guvoh:
— Albatta uyimda, bir qo‘limda soat va ikkinchi qo‘limda taqvimni ushlab o‘tirgandim.

Baqalok otadan kichkintoy o‘g‘li so‘rayapti:
— Dada, sizdayam "press" bormi?
Ota:
— Press yosh bolalarda bo‘ladi. Kattalarda qorin bo‘ladi, - debdi.

Bir odam byurokrat boshliqning huzuriga kirib:
— Ertaga keling degandingiz, mana keldim, - debdi.
— Hmm... Shunday deganmidim?
— Ha, shunday degansiz.
— Yaxshi! Unday bo‘lsa ertaga keling-da! Nega bugun keldingiz?

Bir psixolog talabalarga ma’ruza qila turib:
— So‘z bilan odamni har maqomga solish mumkin. Mana, hozir tajriba o‘tkazib ko‘ramiz, - debdi-da, qayoqqadir telefon qilib so‘rabdi:
— Qo‘ziboyni mumkinmi?
— Qo‘ziboy bu yerda turmaydi, - degan javob eshitilibdi.
Go‘shakni bir daqiqadan so‘ng olib, yana o‘sha raqamni teribdi:
— Qo‘ziboyni chaqirib bering.
— Qo‘ziboy bu yerda turmaydi deyapman-ku! – go‘shakdan asabiy ovoz eshitilibdi.
— Ana, eshitdingizmi, astoydil jahli chiqyapti, - debdi psixolog.
— So‘z bilan odamni jinni qilib qo‘yish mumkin, - dedi bir talaba. - Ishonmasangiz, telefonni berib turing, hozir ko‘rasiz.
Talaba tezda o‘sha raqamga qo‘ng‘iroq qilib:
— Allo! Men Qo‘ziboyman. Meni hech kim so‘ramadimi?

Xasis er xotiniga dedi:
— Xotin, bilasanmi?, gazetada yozishicha, bir martta yurakdan kulish, to‘rtta tuxumning quvvatini berarkan. Har kuni qozon osavermay, bolalarni kuldirib ham turish kerak!

Qizalog‘ini bog‘chaga kiyintirayotgan otasi:
— Qizim, bo‘ying yetib, turmushga chiqay deb turibsan-u, haliyam shimingni kiyishni bilmaysan!, - desa,
Qizi hafa bo‘lib:
— Hamma qizlar to‘yda kelin ko‘ylak kiysa, myen shim kiyamanmi?, - debdi.

Yarim tunda bir ayolning telefoni jiringlabdi:
— Allo, kim bu?
Go‘shakdan mast erkakning ovozi kelibdi:
— Hozir men telefonda gapiryapmanmi?
Ayol asabiylashib:
— Yo‘q, televizorda gapiryapsan!
— Voy, jonli efirga kiyimsiz chiqdimmi?!

Qarg‘a tumshug‘ida pishloq tishlab, daraxtda o‘tirgan ekan. Bir payt daraxt tagiga ayyor tulki kelibdi-da, qo‘lidagi gazetani varoqlab o‘qiy boshlabdi:
— O‘rmonimizdagi hayot kundan-kunga yaxshilanmoqda. Tez orada har bir daraxt shohlarida pishloqlar pishib turadi...
Qarg‘a esa buni eshitib, tulkining ustidan — "xa-xa-xa", - deb kulgan ekan, og‘zidagi pishloq to‘ppa-to‘g‘ri tulkining qo‘liga kelib tushibdi.
Shunda tulki pishloqni og‘ziga solib, daraxt tepasidagi qarg‘aga:
— Gazetadagi xabarlar ustidan kulish yaxshi emas, - degan ekan.

Bir afg‘on yigit xotinining orqasidan yurib ketayotgan ekan, uni ko‘rgan boshqa yo‘lovchi shunday debdi:
— Ota-bobolarimiz xotinning orqasidan emas, oldidan yurishgan.
Yigit esa:
— Ota-bobolarimiz davrida mina bo‘lmagan-da, - degan ekan.

Afandi bozorga eshagini olib borib, dallolga berdi. Bir xaridor uning tishini ko‘rmoqchi bo‘lgan edi, eshak xaridorning qo‘lini tishlab olibdi. Xaridor qo‘lini ushlaganicha ketvaribdi. Oradan bir oz vaqt o‘tgach, ikkinchi xaridor kelib, u ham eshakni silab ko‘rmoqchi bo‘lgan edi, eshak uni tepib yubordi. Bu xaridor ham oqsoqlanib ketib qolibdi. Dallol Afandining oldiga kelib g‘azab bilan:
— Eshagingizning fe’li yomon ekan. Oldidan kelganni tishlaydi, orqasidan kelganni tepadi. Bu eshakni birov tekinga ham olmaydi, - desa,
— Eshakni men bu yerga sotgani olib kelganim yo‘q, - dedi afandi, — uning menga ko‘rsatgan azobini boshqalar ham tatib ko‘rsin, - deb olib kelgan edim.

O‘qituvchi o‘quvchilarni sinf partasiga joylashtiryapti:
— Seni dadang qayerda ishlaydi?
— Mani dadam bozor rahbari.
O‘qituvchisi birinchi bolani eng oldi qatordagi partaga o‘tkazibdi.
— Qani, seni dadang qayerda ishlaydi?
— Meni dadamni ikkita mebel do‘konlari bor, - deb javob beribdi ikkinchi o‘quvchi.
— Bozor rahbari o‘g‘lini yoniga o‘tir!, - debdi o‘qituvchisi.
— Qani, seni dadang kim?
— Meni dadam prokuraturada.
— Qani birinchi partada o‘tirganlar turlaring-chi! Ikkinchi partaga o‘tir ikkaloving! - deb uchinchi bolani eng oldi partaga o‘tqazgan o‘qituvchi yana so‘rabdi:
— Xo‘sh, dadang prokraturada nima ish qiladi?
— Bilmiman. Dadamni kecha ikkita odam olib ketishgandi-da o‘sha prokuratura degan joyga...dermish bola.

O‘n yoshli bola otasidan so‘rabdi:
— Ada, nega bu kolbasani nomi "Doktorskiy"? Nima, uni faqat doktorlar yeydimi?
Otasi:
— Yo‘q o‘g‘lim! Bu kolbasani yeb bo‘lgach, to‘g‘ri doktorga boraverish kerakligini bildiradi...

Afandi yog‘ olish uchun kosa ko‘tarib bozorga boribdi. Yog‘furushdan bir tangalik yog‘ so‘rabdi. Yog‘furush bir tangalik yog‘ni kosaga quygan ekan, kosa to‘lib, ozginasi ortib qolibdi.
— Qolganini nima qilamiz? - so‘rabdi yog‘furush.
— Orqasiga quy, - deb afandi kosani ag‘dargan ekan, ichidagi yog‘ to‘kilib ketibdi. Afandi ham ozginagina yog‘ni ko‘tarib, uyiga kelibdi. Yog‘ni ko‘rgan xotini qichqiribdi:
— Shu yog‘ni oldingiz xolosmi?
Afandi bo‘lsa:
— Ey nodon, ko‘p qichqirma! Bu yog‘ida ham bor, - debdi-da, kosani ag‘dargan ekan, qolgan yog‘ ham to‘kilib ketibdi.

Uyga erta tongda qaytgan eriga xotini dedi:
— Uyga nega tong saharda qaytdingiz?!
Eri esa hech ikkilanmay:
— Bunday paytda boradigan boshqa joy bo‘lmasa nima qilishim kerak?! - dermish.

Bir yigit qo‘shnisidan:
— Tug‘ilgan kuning qachon?, - deb so‘rabdi.
— May oyida. Nega so‘rayapsan?
— Senga parda sovg‘a qilmoqchiman. Derazangga osib qo‘yasan. Xotining uyda nuqul ochiq-sochiq kiyinib yuradi.
— Men esa seni tug‘ilgan kuningga binokl sovg‘a qilaman. Ko‘rgan ayoling, kim ekanini kuzatishing uchun...

Qadim zamonda bir podshoh uch nodon vaziriga buyuribdi:
— Baliqni boshini olmasdan turib, o‘ldirib huzurimga olib kelinglar! Uchchala vazir yo‘lga chiqibdi.
Birinchi vazir:
— Agar baliqni boshini olmasak, qanday qilib o‘ldiramiz, - debdi.
Ikkinchi vazir esa:
— Yaxshisi podshoh xuzuriga o‘lik baliqni olib boramiz, - debdi.
Shunda uchinchi vazir:
— Ey nodonlar! Shungayam aqlingiz yetmadimi? Baliqni o‘zimizning uslubda, suvga cho‘ktirib olib boramiz, - dermish.

<< < 61 62 63 64 65 66 67 > >>

Jami 2090 ta latifa mavjud

Tavsiya qilamiz

Bosh sahifa