Latifalar

— Kecha o‘g‘lim gazetadagi rasm ustiga ikki martta bosib kattalashtirishga urinyapti.
Ko‘rib aqldan ozay dedim...

Suv ostida uzoq turish bo‘yicha musobaqa o‘tkazilibdi. Bitta yosh yigit, bitta kishi va afandi qatshanibdi.
Yigit suvni tagida o‘n minut, boyagi kishi esa yigirma minut nafas olmay turishibdi.
Navbat afandiga kyelibdi. Afandi suv ostida yarim soat qolib ketibdi. Chiqganida hamma undan so‘ray boshlabdi:
— Qanday qilib buncha vaqt suv tagida tura oldingiz?, - deyishsa, afandi:
— La’nati shimim ilinib qolmaganida allaqachon chiqardim, - dermish.

Kecha tunda o‘g‘limni yotog‘ida uxlab qolibman. Ertalab uyg‘onsam telefonimga uchta SMS kelibdi:
1:25 - Qayerdasan?
3:15 - Qayerlarda sang‘ib yuribsan?!
4:20 - Bo‘ldi, topdim! Uxlayver...

Bir erkak hushtori bilan restoranda o‘tirsa, yoniga bitta odam kelib:
— Ayolingiz bilan raqsga tushsam maylimi?,- debdi.
— Yo‘q, biz hali sharob ichmadik, - debdi boyagi erkak.
— Kechirasiz, ayolingizni raqsga taklif etsam maylimi?, - debdi yana.
— Yo‘q, biz hali ovqatlanmadik, - deb javob beribdi.
Shunda ayol o‘rnidan turib:
— Nega undan so‘raysiz? O‘zimdan so‘rang!, - desa, ikkala kishi ham baravariga:
— Erkaklar gaplashayotganida sen jim tur!!!, - dermish.

— Aytginchi do‘stim, pullarimni qayerda saqlasam bo‘ladi? Bankdami yoki uydami?
— Eh og‘ayni, meni cho‘ntaklarim xizmatingga tayyor!!!

Uchta talaba qiz bitta uyda turishar ekan. Ulardan biri rus, biri turk, uchinchisi esa o‘zbek ekan.
Bir kuni yomg‘ir yog‘a boshlabdi. Rus qiz sayr qilgani chiqib ketibdi, turk qizi - derazani ochib yomg‘irni tomosha qila boshlabdi.
O‘zbek esa:
— Voy, kirlarimni dordan yig‘ib olay!, - deb hovliga yugurib chiqib ketibdi.

— Nimalarni o‘ylab turibsan?
— Har bir xitoylik menga yuz so‘mdan bersa yaxshi bo‘lardi...

Xotin eriga:
— Adasi, o‘g‘lingizga o‘zingiz tushuntiring. Uni sevimli kuchugi o‘lib qoldi...
Otasi:
— O‘g‘lim, bu yoqqa kel! Turnikda tortina olasanmi? Bir, ikki, uch, ..., o‘n. Nimaga to‘xtading?
— Tamom bo‘ldim ada...
— O‘g‘lim, sen yaxshi ko‘rgan kuchuging ham tamom bo‘ldi!!!

— Qo‘ysang-chi Aziz, nima qilasan uni?! Kichkinaligini qara!
— Boshimni qotirmasdan ber bu yoqqa oylikni!

— Kecha Media Park ga ishga kirish uchun sinovdan o‘tdim.
— Xo‘sh qalay bo‘ldi?
— Rahbar menga noutbuk berib, — Shuni menga qimmat narxda sota olsang, seni ishga olaman, - dedi.
— Sen nima qilding?
— Noutbukni olib, uyga jo‘navordim. Kechqurun qo‘ng‘iroq qilib:
— Noutbukni qaytar ablah, - degandi, — Besh million bo‘ladi!, - dedim.

Radioda boshlovchi:
— Marhamat, hurmatli muhlis. Sizga, yaqinlaringizga salom va tabriklaringiz bo‘lsa, jo‘natish imkoniyatini beramiz.
Muhlis:
— Meni eshitib turgan hammaga salom. Ayniqsa kyecha o‘g‘lim benzin olaman, - deb zapravkaga ketgandi. Agar u ham meni eshitib turgan bo‘lsa, ungayam alangali salom. O‘g‘lim, ochereding keb qoldimi bolaaaam?
— Yo‘q, menga keganida tamom bo‘lib qoldi

Bir kuni buqa bilan sher pivo ichib o‘tirishsa, sherni telefoni jiringlab qolibdi:
— Allo, ha albatta! Hozir boraman, - debdi sher. Shunda buqa sherga qarab:
— Yana xotiningmi? Nega undan qo‘rqasan-a? Men xotinimdan umuman qo‘rqmayman! – debdi kerilib.
Shunda sher buqaga qarab:
— Meni xotinim sherxon bo‘ladi. Senikiga o‘xshagan sigir emas! – dermish.

— Esingdami? Sen bilan maktab paytlarida tanishgan edik. Men seni har kuni belingdan quchib, bo‘sa olardim. Sen esa qizarib ketar eding. Sensiz bir zum ham yurmasdim, doim yonimda bo‘larding.
Bir kuni bizni labaratoriya xonasida birga ko‘rib qolishdi. Men seni 2-qavatdan tashlab yuborishga majbur bo‘ldim.
Meni kechir aziz SIGARETIM...

Avtomobilga yonilg‘i quyish shoxobchasida:
— Sizni ogohlantirib qo‘yay, bugundan benzinning narxi oshdi.
— Yaxshi, menga kechagi benzindan ellik litr quying.

Talabalar kredit mavzusida dars o‘tishmoqda. Bitta talaba o‘qituvchisiga savol beribdi:
— Ayting-chi domla, nega banklardan kredit olayotganimizda bizdan garov talab qilishadi-yu, biz bankka pul qo‘yganimizda bizga garov uchun hech narsa berishmaydi?!

Ziyofatga ketayotgan xotin eriga qarab:
— Adasi, men kechroq qaytaman. Bolalarni ovqatlantirib qo‘ydim, - debdi.
Eri:
— Mast holatda qaytmagin tag‘in, - desa, xotini hayron bo‘lib:
— Unda indinggacha bolalarga qarab o‘tira olasizmi? – dermish.

— Adam meni kecha ogohlantirib, — Agar yana yarim tungacha kompyuterda o‘tirsang, klaviaturaga burningni ishqalab tashlayman, - degan edilar.
Yana kompyuterda o‘tiribman. Agar hozir ko‘rib qolsalar, odypyshpzl1sh4shlvyqlmsatsfusa

— Kecha qizalog‘im bilan mushukchani rasmini chizgandik, bugun hovlimizga qayerdandir mushuk bolasi kirib olibdi.
Bugun o‘tirib, Malibu avtomobili, ikki qavatli dalahovli va tilla bilakuzuklarni rasmini chizmoqchimiz...

Uchta dugona suhbatlashib o‘tirishsa, birinchisi:
— Erim menga eng zo‘r televizordan olib berdi. Uyda yangi filmlarni ko‘rib o‘tiribman, - debdi.
Ikkinchisi maqtanib:
— Meni erim esa iPhone7 olib berdi. Uyda o‘tirib, kamera orqali erim bilan gaplasha olyapman, - debdi.
Uchinchisi esa:
— Erim meni kinoteatrlarga olib boryapti. Suhbatlashib, sayr qilib yuribmiz. Demak, meni ko‘chada olib yurishga uyalmayapti, - dermish.

Besh yoshli o‘g‘li adasidan so‘rayapti:
— Ada, nimaga oyimning qorni ishib ketayapti?
Adasi:
— Oying tarvuz yeyayotganida urug‘ini tushirmasdan yegan. Shunga qornida tarvuz o‘sib chiqyapti.

<< < 76 77 78 79 80 81 82 > >>

Jami 2090 ta latifa mavjud

Tavsiya qilamiz

Bosh sahifa