Gozalik | Гўзалик

Ҳар бир имконияти бор аёл ўзининг парваришини мутахассисларга ишонган ҳолда, гўзаллик салонларига мунтазам бориб туради. Бироқ бу жараёнда жуда кўп маблағ ва вақт сарфланади. Ўзининг ташқи гўзаллигини сақлаб қолишнинг энг жўн ва ишонарли усули қадимдан то бугунги кунгача ҳам терини уй шароитида парваришлашдир. Чунки ҳар бир уйда қўл остимизда бизга керак бўладиган маҳсулотлар деярли ҳар фаслда мавжуд. Фақат улардан тўғри фойдалана олсак бўлгани.

Кундалик ҳаётда биз жуда кўп реклама таклифлари билан юзма юз келамиз. Уларда хорижда ва ёхуд ўзимизда ишлаб чиқарилаётган косметик воситалардан фойдаланишга тарғибот бор. Бироқ уларнинг таркибида биз айтишга қийналадиган моддалар ва биз аниқ билмайдиган нарсалар борлигини унутмайлик!

Агар биз чиройли кўринсак, унда кайфиятимиз ҳам аъло даражада бўлади. Чунки чиройли бўлишига интилиш инсон табиатида бор. Ўзимизни яхши ҳис қилиб, самарали меҳнат билан шуғулланамиз. Чиройли одам ўзини хотиржам сезади, атрофдаги инсонлар билан муносабатларда ўзига ишонч билан муомалада бўлади.

Ҳеч кимга сир эмаски, ажойиб ташқи кўринишга эга бўлиш учун уй шароитида ўзини парваришлаш жуда муҳим. Бу ишни тўғри амалга ошириш учун уни қандай, қачон ва қайси воситалар ёрдамида бажаришни билиш кифоя қилмайди. Бунинг учун соч, тери ва тирноқларингизнинг тузилиши, ҳамда ҳолатини ҳам билишингиз керак.

Қўл учун ниқоб: 1 та қайнатилган картошка, 1 ч.қ. қаймоқ, 0,5 ч.қ. қаҳва керак бўлади. Картошкани эзиб, бошқа маҳсулотлар билан аралаштирамиз. Энди у қўлимизга суртишга тайёр. Ярим соатдан сўнг ювиб ташлаймиз.

Кўз атрофидаги тери учун ниқоб: қирғичнинг майда хонасидан картошкани чиқаринг. Доканинг кичик бўлакчаларига солиб, кўз остидаги терига қўямиз. Бу ниқоб кўз остидаги кўк доғларни йўқотилишига сабаб бўлади.

Таъсирчан юз териси учун ниқоб: қайнатилган картошкани эзиб, 1 ош қ.га 1 та тухум сариғини қўшинг. 1 ч.қ. зайтун мойи солинг. Ниқоб тайёр! Уни юз терсида 20 дақиқа ушлаш мумкин. Кейин илиқ сув ёки мойчечак дамламаси билан чайиб ташланади.

Ванна қабул қилиш бир вақтнинг ўзида ёқимли ва фойдали жараёнга айланиши мумкин. Эфир мойлари ёки турли дамламалар билан бойитилган ванна саломатликни яхшилайди ва терингизнинг ёшлигини сақлаб қолади.

Соч учун ниқоб: ниҳоятда оддий бўлган бу усул чиндан ҳам яхши самара беради. Кўк чойни аччиқ қилиб дамлаб, соч илдизига суркаб чиқасиз. Ювиб ташлаш шарт эмас. Бу ниқоб соч илдизларини мустаҳкамлайди.

Озиш учун ванна: 100 гр яхши кўк чойни 1 литр қайноқ сут билан дамлайсиз. 30 дақиқадан сўнг, докадан ўтказиб, илиқ сув билан тўлдирилган ваннага қўшамиз. Роҳатланинг ва озинг!

<< < 30 31 32 33 34 35 36 > >>

Tavsiya qilamiz

Bosh sahifa