Olamshumul yangilik (hajviya) [Safar Kokilov]

Olamshumul yangilik (hajviya) [Safar Kokilov]

— Mamat brigadir uyiga bir pritsep xashak tushiribdi... — Qoʻying. Bu mayda-chuyda gap. — Sulaymon qorovul jamoa bogʻining olmalarini oʻzimniki deb har bozor chiqarib sotadi. — Buyam mayda-chuyda. — Raimov-chi? Mudir boʻlgandan beri fermadagi sara hoʻkizlarni sotib yeb, oʻrniga jaydarilardan toʻldiribdi. Bu endi aniq fakt. — He-e, nima qilamiz oʻzimizni sharmaida qilib. Ishqilib joyini toʻldiribdi-ku. Mayda- chuyda. Siz menga shunaqa gap ayting-ki, olamshumul boʻlsin. — Jamoamizda hech kim ishga qiziqmay qoldi. Hamma oʻzining tomorqasida... — Uf-f, juda injiq ekansiz-da. Shuyam gap boʻldi-yu. Nima, oylik, maosh boʻlmagach, odamlar ochidan oʻlsinmi, tomorqasiga ishlaydi-da. Buning nimasi yangilik? Hammaga ma’lum gap-ku. — Traktorchilar, haydovchilar-chi? Jamoaning mashinasi va traktorida «levak» ishlashadi. Qancha benzin, solyarka... — Ha, endi, «zapchast»ni oʻz choʻntagidan sotib olgach, foydalanadi-da. Qoʻying, mayda-chuyda gaplarga parvo qilmang, dedim-ku. — He-e, siz ham qoʻying-e. Muxbirman deysiz, fakt kerak deysiz. Aytganlarimning barini mayda-chuyda deysiz. Tushunmay qoldim. Nima ham deymiz, biz oʻzi mayda odammiz, bilganimiz ham shuda. Agar sizga kattaroq gaplar kerak boʻlsa, ana, rais bovadan – kattamizdan soʻray qoling. Qaerdan topaman deysizmi? Hoʻ, ana, xoʻjalikning mehmonxonasida, dam olib, kun boʻyi bilyard suradi... — Nima, nima? Bilyard? Yoʻgʻ-e? Rais bilyard oʻynaydimi? Zoʻr-ku. E, sizni kerang-u, nega darrov shuni aytmadingiz? Axir bu olamshumul yangilik-ku. Rais bilyarl oʻynasa-yu, siz sskin gapirasizmi? Axir bu jamoa xoʻjalitada madaniy-ma’rifiy va sport ishlari besh degani-ku. Exxe-e... tasavvur qiling-a... Sport maydonlari. Madaniyat uyi, futbol, shaxmatchilar klubi. Ayni hozirgi zamon ruhida-ya. Ana yangilig-u, mana yangilik. Olamshumul yangilik. Vax-xa... He, yashavoring, akam...

Muallif: Safar Kokilov